.فلنشارك ..جميع المهام قبل السفر..هنا

مبروووك لكل المقبولين والله يجعلها عين الخيره
اللحين الكل في مرحله الإنتظار .. والا؟؟
حبيت احط هذا الموضوع الي راح نتكلم فيه عن جميع المهام الي لازم نسويها قبل السفر فإذا نسيت شي حلو لو تساعدوني..يعني لما اكتب الخ او غيره انتم تقدرون تكملون

اولا راح نبدأ
بجميع لاجرآت الرسميه
1/جميع ما يخص السفاره من موعد واستخراج فيزه
2
/ترجمه جميع شهاداتك (خاص للمرافق ) عشان اذا بغى بنضم للبعثه من هناك.

3/ترجمه شهادات عيالك الدراسيه ..

4/ترجمه شهادات التطعيم

5/مايخص الرخصه ووو<-----عاد هذه الاشياء مدري عنها حقت السواقه هناك

6/تكميل إجرأتك مع الوزاره لاستخراج(قرارا الابتعاث ..والتذاكر..وغيره)


جميع ما يخص بيتك وعفشك
اولا اذا كان عندك بيت ملك..
1/اما انك تأجره..

2/او تخلي احد تثق فيه تعطيه المفاتيخ وتخليه بين فتره والثانيه يسير عالبيت ويشيك عليه.

3/حاول تشيل اي شي ثمين منه لانه اكيد راح يبين انه هذا البيت مافي احد فيصير تحت انظار الحراميه
4/وأفضل أقتراح انك تعين حارس عليه ينبه له وينظفه بين فتر واخرى

اذا كنت مستأجر:
1/حاول تعلم صاحب العماره انك بتطلع عشان ماتدفع حق الس شهور الجايه كلها ..

2/ابدأ بضف عفشك من الحين وقسمه شي بتحفظه هنا وشي بتأخذه معك..

3/رح اي محل مثلا العثيم كارفور وتعال من الجه الخلفيه وتعاملك مع واحد من هالهنود وقله بعطيك عشرين خمسين بس جمعلي كل الكراتين الزينه ..

4/احفظ كل اغراضك بكراتين وحطها عند اهللك ..
5/بالنسبه لأثاثك اما انك تبيعه

1:تجيب شركه تشيله وتشتريه منك او تأخذه وتبيعه بالحراج

او2:تحفظه عند أهلك بحيث يفرغون لك غرفه ما يحتاجونها وتجيبلك عمال يفككون الاثاث وينقلونه
6/بعض الاغراض الي بتحفضها تحتاج تلفها بهذاك البلاستك الي متين عشان ماتتكسر راح تلقاه عند ابو ريالين

7/اذا فيه أغراض مثل ذهب والماس احسن تحطه بالبنك عشان يحفظه لك زيين..



مستلزمات تشريها قبل السفر

1/انصح انك تشري ملابسك من هنا لانه بتروح بتلقا الدنيا برد ومنتب فاضي تشري من هناك غالين

2/اذا عندك اطفال خذلهم ملابس كثيره هنا ارخص بكثير بذات الملابس الداخليه والشراريب وام رقبه والأشياء الي تنباع عندنا على عشره وعشيرين وبتلقونها هناك بسبعين وفوق.

3/بعض الاطعمه الي ماراح نلقاها هناك رخيصه(قهوه .هيل.زعفران. قهوه تركيه وش بعد ؟؟ عاد ساعدوني انتم)
محدث: تمر بس لازم تودينه الرفاعي عشان يحط عليه تاريخ صلاحيه لانهم هناك مايدخلون شي ماعليه صلاحيه

4/للبنات لبس احجاب وفيه كثير محلات تبيعها يعني مالا يقل عن 7 طقم.


5/اغراض مثل(عود ودخون وفحم سريع الاشتعال)

6/بعض المواعين الي عندنا رخيصه والا اصلا مانلاقيها هناك(فناجيل ..بيالات..ترامس قهوه وشاهي
..)
محدث: اوراق المراحيظ
7/ اذا كان عندكم مكواه وغلايه مويه وحماصه الخبز خذوها معاكم احسن من انه تشترون والي ماعنده لا يشري احسن يشري من هناك




**عاد اذا عندك سواق شغاله بعهم واستفيد منهم..

**قبل السفر بأيام سدد فاتورتك واطلب ايقاف مؤقت كذا راح يبتل الرقم حقك ولا تدفع الا عشره ريال بالشهر..

**والي عنده سياره الافضل انه مايبيعها عشان اذا جا احسن له من الاجار بس اذا محتاج فلوسها الشكوى لله..

**حاول تتسامح من كل الي حويليك ..

هالاموضوع راح يكون متجدد كل فتره والثانيه اتذكر اشياء واضيفها وانتم بعد ساعدوني مانستغني:gossip:عن إقتراحتكم..
محدث:فيه موضوع لا يفوتكم مره خطير وراح يفيدكم
http://www.mbt3th.us/vb/forum134/thread227705.html

مشكوووووووووووووووور
الله يعطيكي العافيه ماقصرتي

يعطييييييييييييييييك الف عااااااافيه ..

يعطيك الف عافيه

ثاااانكس ويعطيك العافية ...

يعطيك الف عافيه

الله يجزاك خير
كبري الخط شوي مرره صغنطوط

مشكورة ماقصرتي... ماشاالله عالبنات تخطيط على كيف كيفك حنا يالشباب والله ماعندنا سالفه.

ماجت علي بالي
لازم عالمرافق يحق له دراسة لغه
في انه يترجم اوراقه
وحتي تطعيمات اطفالي وايش بعد

ييسلمووو

مشكور ... نبهتني لأشياء مهمه

يعطيك العافية