الأعضاء الإشتراك و التسجيل

الملتقيات
ADs

[ شغلات ] لازم تاخذها معاك من السعودية [سؤال + نقاش] :

[ شغلات ] لازم تاخذها معاك من السعودية [سؤال + نقاش] :


NOTICE

تنبيه: هذا الموضوع قديم. تم طرحه قبل 2641 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية عهود ..!
    عهود ..!

    مبتعث مستجد Freshman Member

    عهود ..! الولايات المتحدة الأمريكية

    عهود ..! , أنثى. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى MA - Marketing , بجامعة --
    • --
    • MA - Marketing
    • أنثى
    • seattle, WA
    • السعودية
    • Aug 2010
    المزيدl

    October 25th, 2010, 02:45 PM



    مساء الياسمين ,
    أنا مُبتعثة لـِ أمريكا ماستر وبإذن الله حـ يروح معايا أبويا وطفلي ( إن شاء الله يارب أدعولي ) وبصراحة من لمن جاني القبول المبدأي في برنامج الإبتعاث وحياتي وأفكاري انقلبت مرة أخاف من السفر , ومرة أفكر اكنسل كل شيء , وساعات أتحمس وأذاكر أنقلش ,
    أقدر أقول لكم أني مكبرة دماغي ولا أفكر في القبولات والفيزا والجوازات والزحمة دي , لأن همَ راح يخبرونا بكل شيء وكل شغلة لها وقتها , من رمضان وأنا أحاول أحفظ كلمات وأدرس أنقلش ,
    وحبيت اليوم أطرح هذا الموضوع عشان نجلس نتناقش حول الأغراض اللي حناخذها معانا ..
    سواء من كتب , من ملابس , أكل .... ألخ ..
    عندي سؤال لكل مبتعث متغرب ولكل إنسان جرب الغربة ..
    ســ 1ــ| إيش الشيء أو الشغلة اللي تمنيت لو أخذتها معاك من السعودية لأنك لقيتها في بلد الإبتعاث غالية أو نادرة أو ما قدرت تتأقلم على شيء عندهم ؟
    ســ 2ــ| بالنسبة للقاموس الدكشنري , بإيش تنصحونا قاموس عربي-انقلش ناخذه من السعودية أو انقلش-انقلش ؟
    أنا بصراحة موش ناوية أبداً اشتري قاموس الكتروني ناطق أبغى أتعب وأبحث في القواميس الورقية أصلا هذه متعتي , بس خفت أعتمد على قاموس عربي-انقلش وما أطّور وخفت كمان أعتمد على قاموس انقلش - انقلش ولا أفهم وأحتاجه في الغربة ..
    و ..
    مافيش مشاكل لو كل واحد قال لنا عن أيش حياخذ معاه في شنطتة من أغراض مهمة يمكن نذّكر بعضنا البعض ,
    و ..
    بمناسبة طرح هذا الموضوع أحب أديكم هذه المواقع لتعلم الإنجليزية مروا عليها والله راح تستفيدو ..
    هذا الموقع الأول ( قلبوا كويس في الموقع راح تشوفوا ألعاب تحفظك الكلمات بالقوة والله مرررررة حلوة )
    تعلم اللغة الانجليزية

    وهذا الموقع الثاني ( قناة ع اليوتيوب مضحكة وحلوة وأصواتهم واضحة )
    YouTube - PrivateEnglishPortal's Channel

    أتمنى لنا جميعاً التوفيق


  2. المشاركة الأصلية كتبت بواسطة MOONLIGHT85
    ..مبتعثي المرحله السادسه..جميع مهامك قبل السفر..هنا

    هذا موضوع كتبته اتمني تستفيدي منه..

    هذا الرابط

    .فلنشارك ..جميع المهام قبل السفر..هنا
    شكراً يا قمر على الرابط ,
    أجل ياليت الإدارة يدمجون موضوعي مع موضوعك ^_^ معليش أسفة ماشفته من أول وكنت مستغربة ليه ماحد تكلم عن هذا الموضوع أتاريك سباقة بالخير ..
    أشوا قلتي ليا موضوع ملابس الأطفال الداخلية أجل باخذ لكتكوتي , أنا فكرت قلت شنطة لي وشنطة لأبويا وشنطة لولدي كمان خايفة أنو الحليب اللي يشربه ما يكون هناك أو يكون غالي قلت باخذ علبتين احتياط الين اشوف لي حل وكمان الشوز عشان كتكوتي صاير يمشي وحركات ..
    ألله يعين والله شايلة هم بس ربك يهونها ,
    شكراً لك عزيزتي ..
    7 "
  3. السلام عليكم .......
    انا رحت امريكا قبل ,,,,,,,وحسب تجربتي البسيطه راح اخذ(طبعا كل شئ متوفر هنالك تقريبا وفي بقالات عربيه)
    اهممممم شئ قدر ضغط باخذ ان شاء الله حجم وسط السيف طبعا في هناك قدر ضغط بس تيفال الجديد وغالي وانا مااعرف له
    وراح اخذ صحن للكبسه حجمه يكفي لي ولزوجي لان صحون الرز في البقالات العربيه غاليه ومو حلوشكلها طوال مو دائريه(طبعا انا اتكلم عن بعض البقالات الي رحتهافي فرجينيا وفي تكساس) وراح اخذ 2 رق سمبوسه سويتز وافرزن لانه مالقيت رق وانا صراحه اشتقت له كتيييير في رمضان هناك,وراح اخذ طبعا 4 كتب وسيديات عن اللغه الانجليزيه والعربيه,وباخذ قهوه (لمحب القهوه العربيه)غير محموسه عشان مايتغير طعمها انا احمس شوي شوي هناك ,وهيل وبراد شاهي صغير وقهوه وكم فنجال قهوه وتمر...........يوووووه اشياء كثيره ذكرتيني يبغالي من الحين ازبط كل حاجه
    7 "
  4. المشاركة الأصلية كتبت بواسطة dark.love
    والله انا للحين مني عارف ايش اخذ وايش اخلي
    بالتوفيق....
    شوف أخويا أنتو الشباب ركز على ملابس البرد أخ بس لو أني ولد كان ماشلت هم والله بس إحنا زحمة عشان لازم الحجاب يكون مرتب وألوان وشغلات ..
    أنا ما أدري إنتَ من النوع اللي يحب يغير ويبدل وإلا كلاسيكي عندك ملابس معينة وتحب تكررها ,
    عموماً 5 بناطيل مثلا و10 تي شيرتات و2 جاكيت واحد طويل تحت الركبة مثلا والثاني لا شويا اقصر عشان ع اساس ع حسب البرد والشياكة ~_* وشوز الله يعزك على حسب الوان البناطيل وكمان شال أو 2 للبرد تلفة على رقبتك وطاقيتين صوف وساعتك وعطرك وشراريب وملابس داخلية وانتهينا أممممممممم
    يمكن شغلات الحلاقة والكريمات فهذه عاد شغلتك ..
    بصراحة نفسي اعرف اخذ معايا بيوت مخدات وشراشف للسرر لأنو مااددري أان عندي هوس تغيير بيوت المخدات واخاف هناك تكون غالية أو الشقة اللي بنروح لها تكون ماادري كيف ملخبطة ..
    شوف من دحين اقول لك رتب افكارك عشان قبل السفر لا تصير متلخبط وتاخذ اغراض ماتحتاجها ..
    والله يعين الجميع
    7 "
  5. المشاركة الأصلية كتبت بواسطة lih39
    السلام عليكم .......
    انا رحت امريكا قبل ,,,,,,,وحسب تجربتي البسيطه راح اخذ(طبعا كل شئ متوفر هنالك تقريبا وفي بقالات عربيه)
    اهممممم شئ قدر ضغط باخذ ان شاء الله حجم وسط السيف طبعا في هناك قدر ضغط بس تيفال الجديد وغالي وانا مااعرف له
    وراح اخذ صحن للكبسه حجمه يكفي لي ولزوجي لان صحون الرز في البقالات العربيه غاليه ومو حلوشكلها طوال مو دائريه(طبعا انا اتكلم عن بعض البقالات الي رحتهافي فرجينيا وفي تكساس) وراح اخذ 2 رق سمبوسه سويتز وافرزن لانه مالقيت رق وانا صراحه اشتقت له كتيييير في رمضان هناك,وراح اخذ طبعا 4 كتب وسيديات عن اللغه الانجليزيه والعربيه,وباخذ قهوه (لمحب القهوه العربيه)غير محموسه عشان مايتغير طعمها انا احمس شوي شوي هناك ,وهيل وبراد شاهي صغير وقهوه وكم فنجال قهوه وتمر...........يوووووه اشياء كثيره ذكرتيني يبغالي من الحين ازبط كل حاجه

    وعليكم السلام ..
    هلا وغلا هذه الردود اللي تحمس..

    شوفي أنا أكره قدر الضغط وأخاف منو لاو أطبخ فيه , فماعندي مشكلة اطبخ في قدر عادي , لكن وانتي تتكلمي تذكرت بهارات الكبسة لازم اخذها من هنا اولاً أنا احب اسوي البهارات بنفسي اغسلها وانظفها واطحنها عشان يطلع طعمها مضبوط والله يخلي امي تساعدتي وكمان بيني وبينك فكرت في القهوة والهيل والقرنفل والتمرررة بصراحة أحلى شيء لمن تفطرين على تمرة وحليب :$ لا تقولين بدوية بس احب كذا هههههههههههه
    حلوة فكرتك أنه اخذه حبوب واطحنها هناك .. كمان ذكرتيني ببراد الشهي الله يذكرك الشهادة ..
    طيب دامك رحتي امريكا يا قلبي بسألك في البقالات العربية كيف الاسعار تحسيها شاطحة وإلا مقبولة ؟
    وكيف الرقاق تاخذيه مايسيح في الطيارة ؟
    يعني بتاخذية تعرفي كام ساعة الين نوصل عادي وإلا أخاف يخرب أو شيء
    أيش كمان بسألك
    أمممممممممممم
    أدوات المكياج هناك كيف ؟ أتكلم عن الاساس والأرواج وقلم الكحل وتحديد الحواجب شوفي أنا باخذ من هنا حقتي اللي استخدمها ماراح اشتري جديد ناوية اشتري هناك بس بعد كام شهر لمن تضبط اموري المالية , فكيف اسعارهم وتنصحيني وإلا اشتري من هنا جديد يكفي لسنة قدام ؟
    شوفي اي نصيحة أو سالفة عندك خبريني عشان نستفيد كلنا
    أنا علقت ورقة على دولابي كل ماافتكرت حاجة كتبتها قلت عشان لمن خلاص تبدأ نجهز الشنط أقرأ الورقة تعرفي مخي وقت الزحمة يتربس سيصير متلخبط بمية شغلة ..
    7 "
  6. المشاركة الأصلية كتبت بواسطة نظرة فرح
    انا ما ادري لين اللحين اوووووووف اكره اشيل شنط بس اللحين قاعده افكر اخذ كتب و بس مدري ما احب اشيل ابدااا اي شي

    الله يعين يعني ممكن الاقي في كندا قهوة عربي مني ناويه اثقل و اشيل معي شي
    يا أدمية ترى هذا سفر وحياة هناك حقت ابو سنة على اقل تقدير بعدين ليه شاية هم الشنط أنا زيك مااحب العفش الكثير من اشن هيك سألت ماابغى اخذ الا الشيء اللي استعمله لكن اي شيء ممكن يفيدني وممكن لا بخليه افضل يعني على حسب حاجتي للشيء حتى في الملابس
    أصلا تعرفي أان كل ملابسي كلللللللللللها تيجي في شنطة واحدة ~_* أحب البس فترة وبعدين اتصدق فيها واشترتي غيرها وهيك , يعني ماتلاقي عندي شيء ماالبسة الحمد لله ..
    فـ شوفي ع اساس انتي لمن تروحي اول شهر حتكوني قلقانة غربة وبعد ولخبطة فمانتي ناقصة كمان تروحي تتشري ويضيع يومك في السوق والزحمة ..
    ساتهدي بالله يابت وجهزي امورك من دحين ~_* والله يسعدك ويوفقنا أجميعن ..
    معليش أكلمك كذا لأنو اعتبرك زي اختي وأحب اقول لك اللي يجي ع بالي وفي خاطري يابطة ~_*
    7 "
  7. يا ستي بالعكس كلامك على عيني و على راسي بس انا مرررررررررررررررة ما احب اثقل على حالي و ما افكر اخذ شي بس اهلي يقولو خذي ملابس كثير انا اصلا كل سفراتي للخارج اصغر شنطه اخذها معي عشان ما اقعد احتار و البس اللي قدامي و بعدين انا لين اللحين ماني مستوعبه اني ان شاء الله رايحه غير لما اشوف نفسي في الطياره و ماني عارفه بصراحه ماني قادره افكر ايش اخذ بس اي شي اكل ما راح اخذ بس الملابس طيب ايش اخذ و قد ايش و العبايات كم عبايه ممكن اخذ اخاف اخذ اشياء ما البسها و ما تكون مناسبه للبلد و بس شلت وزن عالفاضي
    طيب انا بروح ان شاء الله كندا ايش ممكن اخذ لبس و كيف يكون شكل هاللبس مررررررررررة محتارة و شكلي في الاخير راح اطلع بطولي البلد هناك بس افكر اخذ بطانيه مدري ليش جا هالتفكير
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.