الطلاب وإختيار المعهد والمدينه مهم !!!!!!!
السلام عليكم ورحمه الله
أنا قريت في أحد المواضيع إنه أنت إللي تختار المعهد والمدينه من قبل المكتب فحبيت أتأكد منكم الله يخليكم
هل هذا الكلام صحيح ولا لا ؟؟
ملاحظه:
أحيان المكتب علشان يريح نفسه يقووول لا مافيه إختيار وهو نصاب .... ولاالوزارة تقوول للطالب الحريه التامه في إختيار مدينته ومعهده ...
أنتظر ردوووودكم ....
رد: الطلاب وإختيار المعهد والمدينه مهم !!!!!!!
انا عن نفسي أخترت معهدي بنفسي وبعد كم يوم أبي اطلع الرياض أسلمهم القبول وآخذ الظمان المالي وأسوي التأشيرة
معهدي بولاية فكتوريا إسمه جيوس
فكتوريا منطقة متوسطة المعيشه موغاليه زي تورنتو
وجوها مو بارد تقريبا معتدل <<< على حسب ماسمعت
والله يكتبلك الخير ياغالي
رد: الطلاب وإختيار المعهد والمدينه مهم !!!!!!!
ياجماعة عندي سؤال مهم ومالقيت له جواب تكفون
عندي قريبة بكندا ابيها تجيب لي قبول من معهد هناك وش اسوي عشان تقدر تجيبه لي ( يعني وش الاوراق المطلوبة)
وهل اخذ الضمان المالي قبل ماتجيب لي القبول
رد: الطلاب وإختيار المعهد والمدينه مهم !!!!!!!
اقتباس:
المشاركة الأصلية كتبت بواسطة مبتعث 201o
انا عن نفسي أخترت معهدي بنفسي وبعد كم يوم أبي اطلع الرياض أسلمهم القبول وآخذ الظمان المالي وأسوي التأشيرة
معهدي بولاية فكتوريا إسمه جيوس
فكتوريا منطقة متوسطة المعيشه موغاليه زي تورنتو
وجوها مو بارد تقريبا معتدل <<< على حسب ماسمعت
والله يكتبلك الخير ياغالي
اخوي انا سمعت انه القبول الي تجيبه الوزارة ملزومين فيه يعني ماتقدر تجيب قبول لنفسك
رد: الطلاب وإختيار المعهد والمدينه مهم !!!!!!!
احترت والله بامري اللي عنده قبول من معهد غير معهد الوزاره شلون يتصرف ينتظر موعد استلام القبولات ولا يروح لهم بدري لان على حسب ماقريت لازم تلغي القبول اللي عندهم وش الحل
رد: الطلاب وإختيار المعهد والمدينه مهم !!!!!!!
انا جبت قبول لنفسي لانه خالي موجود هناك..بس كيف اعطيهم القبول فين ومتى؟؟
وهل راح يوافقو؟؟؟
رد: الطلاب وإختيار المعهد والمدينه مهم !!!!!!!
ياجماعة الخير وش فيكم مره خايفين؟؟
الأمور سهاله
أول شي إذا عندك قريب بكندا وتبيه يجيبلك قبول من معهد
بس إرسله صورة جوازك ورسوم التسجيل بالمعهد ويجيك القبول
ولا تنتظر قبول مكتب تجسير الفكر اللي تابع للوزاره
على طول تاخذ قبولك وتوديه لإدارة الإبتعاث بالرياض في حي الغدير مخرج رقم 4
وهم يشوفون قبولك ويعطوك ظمان مالي علشان تطلع التأشيره ،،
أول ما تاخذ الظمان المالي منهم تروح للسفاره الكندية
وتاخذ أوراق من عندهم ( ابليكيشن ) تعبيها وتسوي كل اللي مطلوب منهم علشان الفيزا
وتحط معاهم الظمان المالي اللي أخذته من الوزارة ،،وتكمل كل الأوراق وترسلها لهم عن طريق أرامكس أو مكتب الفيفا
وتنتظر ردهم وبإذن الله خلال أقل من شهر تجيك الفيزا
أول ما تجيك الفيزا تاخذها وتكمل الأوراق حقت إصدار قرار الإبتعاث
وترسلها للوزارة عن طريق البريد الممتاز
وبعدها يصدر قرار الإبتعاث ومعاهم التذاكر
فقط لا أقل ولا أكثر وكل عام وإنتم بخير
قوووووووووووووووو إلى كنداااااااااااااااااااا
رد: الطلاب وإختيار المعهد والمدينه مهم !!!!!!!
اقتباس:
المشاركة الأصلية كتبت بواسطة مبتعث 201o
ياجماعة الخير وش فيكم مره خايفين؟؟
الأمور سهاله
أول شي إذا عندك قريب بكندا وتبيه يجيبلك قبول من معهد
بس إرسله صورة جوازك ورسوم التسجيل بالمعهد ويجيك القبول
ولا تنتظر قبول مكتب تجسير الفكر اللي تابع للوزاره
على طول تاخذ قبولك وتوديه لإدارة الإبتعاث بالرياض في حي الغدير مخرج رقم 4
وهم يشوفون قبولك ويعطوك ظمان مالي علشان تطلع التأشيره ،،
أول ما تاخذ الظمان المالي منهم تروح للسفاره الكندية
وتاخذ أوراق من عندهم ( ابليكيشن ) تعبيها وتسوي كل اللي مطلوب منهم علشان الفيزا
وتحط معاهم الظمان المالي اللي أخذته من الوزارة ،،وتكمل كل الأوراق وترسلها لهم عن طريق أرامكس أو مكتب الفيفا
وتنتظر ردهم وبإذن الله خلال أقل من شهر تجيك الفيزا
أول ما تجيك الفيزا تاخذها وتكمل الأوراق حقت إصدار قرار الإبتعاث
وترسلها للوزارة عن طريق البريد الممتاز
وبعدها يصدر قرار الإبتعاث ومعاهم التذاكر
فقط لا أقل ولا أكثر وكل عام وإنتم بخير
قوووووووووووووووو إلى كنداااااااااااااااااااا
زي ماقلت جبت قبولي
يعني مانستنى الملتقى ولا يحتاج اكلم المكتب؟؟؟
طيب انا في جده كيف اوصل للوزاره؟؟لازم اسافر لهم؟؟؟
رد: الطلاب وإختيار المعهد والمدينه مهم !!!!!!!
انا عندي قبول معهد
ورحت الاربعا الوزارة
وقالت لي الموظفة لازم القبول من الوزارة
لأن العام اجبروهم بقبول الوزارة
هذا اللي قالته لي
رد: الطلاب وإختيار المعهد والمدينه مهم !!!!!!!
الكلام صحيح وهم كاتبين هالكلام في موقعهم
وهاذا رابط الموقع
تجسير