المشاركة الأصلية كتبت بواسطة ahm3d
بالنسبه لرسوم المعهد والجامعه على الوزاره والطالب ما يدفع شي نهائياً
يعني اللي يقول احنا ندفع وبعدين الوزاره تردها لنا طبعا الكلام هذا خطاء
زوزو متكفله بكل شي هي تدفع عنك المعهد والجامعه ....
الشي الوحيد اللي تدفعه انت هو رسوم التاشيره بالسفاره هنا
وبعد ما توصل بلد الابتعاث تنزل لك الملحقيه اللي دفعته
للتاشيره بحسابك في البنك بعد ما تفتح حساب لو ما نزلوه بالحساب انت اطلبه من الملحقيه
وخلى معك الفواتير يعني ايصال الدفع حتى ما احد يجلس يشغل مخه
عليك هناك...
تذاكر الطيران على زوزو هي تدفع لك ...
طبعا السكن والمواصلات والاكل والشرب عليك ان تدفعها من المكافئه
اللي تاخذها اخر الشهر ....
واللي ابي منكم تنتبهوا له شغله المكافئه لاول شهر
لان مارايح تاخذها كامله غير في حاله وحده لو انك وصلت بلد الابتعاث
قبل موعد الدراسه بشهر وفتح ملف لك بالملحقيه ...
يعني نفرض ان الدراسه تبداء في 1/5/1431
وانت وصلت وفتح الملف يوم 15 /4/1431
طبعا تنزل لك مكافئة 15 يوم لو جيت قبل الدراسه بعشرين يوم وفتح ملف
تاخذ مكافئة عشرين يوم فقط ..
لو جيت قبل الدراسه بشهر ونص تاخذ حق شهر مالهم شغل الملحقيه
بالوقت اللي قبل شهر من بداء الدراسه...
________________
الاخت اللي تسأل كم ناخذ معنا قبل مانسافر
طبعا رايح اتكلم عن كندا بالتحديد مدينة فانكوفرلاني بروح كندا وعندي خلفيه بسيطه عنها
طبعا اللي الطالب يحتاجه من يوم يوصل هو فندق كم يوم الين ما يحصل شقه
اما لو انه حاجز شقه خلاص ما يحتاج فندق
الفندق سعره تقريبا باليوم غرفه وحده من 70 دولار الى 150 دولار
على حسب موقعه وخدماته ..
يعني على الاقل الشخص بيجلس 10 ايام وهو يبحث يعني نضرب
بالمتوسط 100 دولار في 10 ايام ....
طبعا بالنسبه للاكل والشرب الوجبه للشخص هناك
10 دولار الى 20 دولار اقصي شي يعني ثلاث وجبات للشخص
بالمتوسط 15 دولار يعني يكفيه تقريبا 45 دولار يومياً....
طبعا يحتاج مواصلات في انواع كثير من المواصلات باصات
باشتراك شهري تقريبا بالشهر 125 دولار للشخص
يعني هالباصات من المعهد الى البيت ...
ويحتاج تكسي يبحث فيه عن شقه التكاسي بالعداد هناك
الكيلو الواحد بـ3 دولار يعني لو ان الشخص باليوم
استخدم تكسي 50 كيلو باليوم على فترات متقطعه
180 دولار تقريبا ....
طبعا يحتاج يستاجر شقه الشقه هناك بيكون سعرها
غرفه واحده مفروشه بوسط البلد وارقي مكان بـ1750 دولار
غرفه وحده غير مفروشه بـ1400 دولار هذا المتوسط للايجارات ينقص 100 تزيد 100
طبعا لازم يكون معه ايجار شهر لان يمكن يستاجر قبل ما تنزل المكافئه ....
على فكره اغلب اصحاب البيوت ياخذ نص الايجار كتأمين لو الشقه مفروشه
يعني لو استاجرت بـ 1000 ياخذ 500 ويردها لك لما تطلع لو ما خربت شي بالبيت
واقل عقد ممكن تسويه هناك ثلاث شهور يعني صعب تحصلون عقد شهر
الدفع شهري بس العقد 3 شهور ونصهم 6 شهور طبعا هناك ما في لعب
لو طلعت من الشقه قبل العقد تدفع باقي الاشهر ما تقول والله ما رايح اسكن ليه ادفع ...
طبعا الشقق هناك ترخص كل ما الشخص بعد عن وسط البلد والخدمات ...
على فكره المكافئات تنزل كل شهر بين يوم 20 و22 هجري
تحياتي
LinkBack URL
About LinkBacks
سلمت يمناك الله لا يحرمنا من هيك زلامات