زيارتي لمكتب تجسير..... المنطقة الشرقية
السلام عليكم
مالكم في الطويله اليوم بعد صلاة العصر وانا ادور مكتب تجسير من شارع الى شارع في الخبر واخيرا لقيته داخل الفندق الحماد غرفة 3*3 بدون مبالغة من غير لوحه ولا شي الزبده شغل ترقيع الشغله مؤقته مصري قاعد على مكتب صغير يخدم المنطقة الشرقية بكبرها اللي هي اكبر مناطق المملكة شخص واحد بس اتوقع يكفي وزياده .. :wallbash:
على العموم انا من اول الناس اللي جيته وماعنده سالفه لاتعبون نفسكم
انا بقولكم وش قال
يقول المرافق اذا يبي قبول اذا جاء قبول للمبتعث بنتصل عليكم تعال وقدم على قبول مرافق وجيب معك صورة الجواز وضمان مالي 4000 دولار وظاهر شهادة الثانوية طيب بعض الناس عندها قبول وبعض الناس تبي مكان معين هناك المصري يقول انا مقدرا اعمل اي حااااااقه اول شي لازم يجي القبول بعدين اذا مو عاجبك قدم اعتراض ونرفعه الى الوزارة واذا وافقت جبنالك قبول ثاني
يعني لا تعب نفسك وتروحله ويقول المصري اللي جاته رساله يعني قبوله وصل بس القبول في الرياض على مايوصل الشرقية يبيله اسبوعيين يقول تقريبا في 7 ذوالحجة خبركم ينقلونه بعااااااارين :jump1:
هذا اللي صار معي اليوم
ويقول المصري المكتب الشرقية حق توزيع قبولات فقط مامنه فايده الكلام كله في فرع الرياض
رد: زيارتي لمكتب تجسير..... المنطقة الشرقية
تسلمي وربي
الله يجبرررررر بخاطرك
طيب ياليت ياخووو وصف المكتب بضبط
سؤالي لو كرمت عشان نجيب القبول للمرافق ماندفع شي يقولون في المنتدى في فلوس بس مادري ع حسابنا...
طيب وسالتة بالولاية هل حنا الي نختارها ولا
رد: زيارتي لمكتب تجسير..... المنطقة الشرقية
هههههههههههههههههههههههههه
اجل على بعاارين هههههه
.. أحمـ أحمـ
صح كلآمك ..
حتى انا كلمت فرع الخبر وررد علي هالمصري
ونفسس السؤآل بعد
بعض الناس تبي مكان معين هناك؟؟
المصري يقول انا مقدرا اعمل اي حااااااقه اول شي لازم يجي القبول بعدين اذا مو عاجبك قدم اعتراض ونرفعه الى الوزارة واذا وافقت جبنالك قبول ثاني
..
ثآنكسس
رد: زيارتي لمكتب تجسير..... المنطقة الشرقية
طيب حبيبتي ماريانا ابي رقمهم ممكن
رد: زيارتي لمكتب تجسير..... المنطقة الشرقية
الله يعطيك العافية يارجال والله الواحد بيتعب معهم اذا بدايتها كذا اجل بعدين كيف مع اللي يبي يغير المعهد او القبول معاناة...
يعني ياحبيبي ارضا باللي يجيك..
رد: زيارتي لمكتب تجسير..... المنطقة الشرقية
هههههههههههههه معقولة وصلت للرياض ولين مايجيبونها الخبر يبيلهم هالمدة هههههههههههههه
شكلهم صحيح بجيبوها ببعارين
رد: زيارتي لمكتب تجسير..... المنطقة الشرقية
باربي هذا الرقم
038657607
..:)
رد: زيارتي لمكتب تجسير..... المنطقة الشرقية
اقتباس:
المشاركة الأصلية كتبت بواسطة بااربي
تسلمي وربي
الله يجبرررررر بخاطرك
طيب ياليت ياخووو وصف المكتب بضبط
سؤالي لو كرمت عشان نجيب القبول للمرافق ماندفع شي يقولون في المنتدى في فلوس بس مادري ع حسابنا...
طيب وسالتة بالولاية هل حنا الي نختارها ولا
اختي
يقولك ماتقدرين تسوين اي شي لين يجي القبول بعدين تقدمين اعتراض
ام عن موضوع المرافق .... فيها دفع فلوس ولا لا مدري ؟
رد: زيارتي لمكتب تجسير..... المنطقة الشرقية
للاسف الوزاره جالسه تعطي مكاتب تعميد لجلب القبولات
وهالمكاتب ما عندها هالكفائه والمؤهلات للشي هذا
وللاسف بعضها الموظفين اللي يشتغلون على القبولات فقط معهم لغه انجليزيه
ماعندهم خبره في جلب القبولات ،، اتمنى من الوزاره تنتبه من هالنقطه
خصوصا مكتب ثلاثه في ثلاثه ويخدم منطقة الشرقيه اللي فيها الالاف المبتعثين ؟؟؟ وموظف واحد ؟
لهدرجه ؟
يعطيك العافيه ع التوضيح
رد: زيارتي لمكتب تجسير..... المنطقة الشرقية
يعطيكـ 1000 عافيهـ ماقصرت
بس القهر انهم بيجيبونـ القبول بكيفهم وأنا حاطهـ في راسي ولايهـ معينهـ :(