الله يوفق كل من يجاوبني> دعوة صادقة
السلام عليكم
انا مقبولة ببرنامج الابتعاث لدراسة الماجستير
انا عندي عدة استفسارات مابي اقول انها مشكلات مع انها مسببة لي قلق كثير
الاول: وهذا الاهم زواجي بشهر تاريخ 17 مارس والقبول قالوا نستلمه بتاريخ 9 الشهر الجاي هل يمديني اتزوج واروح واذا لا ما يمدي هل بامكاني تاجيل البعثة وهل سبب عدم زواجي وعدم وجود محرم بنظر الوزراة كافي للتاجيل ؟؟؟ وكم مدة التاجيل ؟؟؟
الثاني: عرضت علي وظائف كثيرة بالقطاع الخاص هل ممكن ان تكتشف الوزراة اني موظفة حاليا يعني اقلها اخذ خبرة لو كم شهر ؟؟ باقبي لم اقبل العروض لكن هل سبق لاحدكم المررو بشئ مشابه
الثالث: هل المرافق يجب ان ييختار من التخصصات الموجودة بقائمة التسجيل عندنا او من الممكن ان يختار اي تخصص يريده ويلتحق بالبعثات لاحقا؟؟
الرابع: تخصص المرافق شبه نادر بامريكا مما يجبرنا على ولايات معينة هناك هل بالامكان تغير ولايتي وهل هذا سبب وجيه بالنسبة لهم ؟
الخامس: قريت بعض المواضيع تتكلم بان المرافق يجب ان يكون بحسابة 15000 ما صحة الخبر؟ وغريبة يعني هالطلب
اللي يعرف جواب سؤال واحد انا ارحب بالجواب مو ضروري كل الاسئلة
بسعة الصدر اتمنى الاجابة الكافية والوافية والله يجزى خير ويوفق كل من يساعدني يارب العالمين
رد: الله يوفق كل من يجاوبني> دعوة صادقة
كان ودي اجاوبك لكن ... لاحول ولا قوه الا بالله .. يااااا اخوووووووووووان وينكم
رد: الله يوفق كل من يجاوبني> دعوة صادقة
رد: الله يوفق كل من يجاوبني> دعوة صادقة
الأول: من الآن تأكدي من المكتب اللي يجيب القبولات , اسأليه إذا تقدرين تبدين الدراسة بآخر وقت ممكن ولا لأ , إذا ما يقدر , يا انك تقدمين الزواج أو تأخرينه .
الثاني:والله من رأيي مافيها فايدة خبرة شهرين من الآن , ويمكن يعرفون , أو حتى لو ما عرفوا ما أضن ذيك الفايدة إلا إذا كانت المسألة مادية , بس ممكن تضحين بالوظيفة (اللي بالأساس مانتي قاعدة فيها إلا شهرين) لجل عيون البعثة.
الثالث: يقدر إي تخصص مو شرط القائمة.
الرابع:من ناحية المبدأ تغيير الولاية متاح فترة الملتقى , لكن ماهي الأسباب الوجيهه اللي تقبلها الوزارة ما أدري , من الآن تأكدي من مكتب القبولات عشان وقت الملتقى تكونون عارفين وش بتسوون. , لكن تذكري أن الوزارة ما يعنيها هو المبتعث.
الخامس: هذا يمكن يكون صحيح في حالة إن المرافق يبي يجيب القبول من الآن , لكن لو راح وجاب القبول من بلد الابتعاث يقدمه للوزارة وهم يعطونه الضمان .
سامحيني لو فيه خطأ .
رد: الله يوفق كل من يجاوبني> دعوة صادقة
بنت وبس ~
ـأختي الجميلة اللطيفة ~
صرآحة مآقدرت أجآوب على أسئلتك لـ عدم ثبآت صحتهآ
يعني مآقدر أقول لك ممكن أو أحتمآل,,
الله يوفقك يآرب ,, ويسهلك كل أمورك أن شاء الله
وتكوني ـأكووس واكششخ عروؤوؤوسة ,, الله يسخرلك الحيآه الطيبة والسعآدة يارب في الدنيآ والأخرهـ
ان شاء الله تنآلي مبتغآكِ يآرب ,,
حبيت أترك لك بصمة هنآ ,, لآ تنسيني
أجعلي لي نصيب من دعوآتك ليآ
في ـأمآن الله أختي ~
=)
رد: الله يوفق كل من يجاوبني> دعوة صادقة
سهيل 11 شكرا جزيلا والله يجزاك خير ويوفقك ويحقق لك مناك
انا ما يقلقني هو التاجيل فقط موعد الزواج مرغمة ان يكون في شهر محدد بسبب الظروف المادية ولا استطيع السفر بدون زواج
في مبتعثين كاتبين ان السفر لامريكا يمكن يكون بشهر اوغست وهذا بيكون احلى خبر سمعته لو كان صحيح
واي زائر للموضوع عنده لو فكرة عن التاجيل يخبرني
او يعرف طريقة معينة تاخر السفر برضو يعلمني
شكرا
رد: الله يوفق كل من يجاوبني> دعوة صادقة
Dr.julia
بصراحة ردك رهييييييييب عجبتني اكوس واكشخ عروس لانك بنت تعرفي تفكير البنات بس صح عليك دعوة خطيرة
مشكورة حبيبتي يكفي انك تعبتي نفسك ورديتي وهنا تكمن قمة الذوق
رد: الله يوفق كل من يجاوبني> دعوة صادقة
لا حول ولا قوة الا بالله ,,,
احمـ ,,,
ليه ما تقدمين زواجك عشان تريحين نفسك ويكون عندك محرم ؟؟!!!
رد: الله يوفق كل من يجاوبني> دعوة صادقة
السلام عليكم
ما اقلك اني انسان خبير .. لكن قريت استفساراتك و بحاول اعطيك اللي اعرفه
الأول: مسألة تأجيل البعثة هذه تعتمد على موعد بدأ كورس اللغة .. عموما لو كنتي تدرسي ماستر الوزارة راح تعطيك ضمان مالي عشان تراسلي الملحقية و تطلبي قبول لغة و انتي حددي موعد بداية الكورس .. و راح يوصلك القبول بالموعد اللي حددتيه و بكذا تروحي للسفارة و تكون الفيزا على موعد بداية الكورس , يعني تقدري تأجلي موعد اللغة بس كم المدة المسموحة ما ادري
الثاني : ما اعتقد ابدا القطاع الخاص يأثر على البعثة لأنها ماهي وظيفة حكومية ... و الشرط كان واضح انك ما تكوني موظفة حكومية .
الثالث : اهم شي في التخصص انه يكون امتداد للتخصص السابق عشان المعاملة تمشي في الوزارة ,
الرابع : تغيير الولاية حاولي فيه و انتي هناك بأمريكا بإمكانكم تدرسوا اللغة بمنطقة وحدة و بعدين تنسقوا مع الملحقية و ان شاءالله يساعدوكم ,
الخامس : أول مرة اسمع بهذه المعلومة اجل وش فايدة الضمان المالي !
بالتووووفيق و لا تحرميني دعواتك
رد: الله يوفق كل من يجاوبني> دعوة صادقة
اللي اعرفه انه وظائف القطاع الخاص ما تأثر بالبعثه اهم شي ماتكوني موظفه حكومي..ونصيحه لك اذا حصل لك وظيفه في القطاع الخاص لاترفضي على الاقل تشغلي حالك شوي وتجمعي لك كم فلس يفيدك في بلد الابتعاث :)