خطفه سريعه لمكتب تجسير+موعد الملتقى+اختيار الولايه تفضلو بالدخول ..

بسم الله الرحمن الرحيم

الاخوه الكرام يوم امس قمت انا وزميلي بزياره سريعه لمكتب تجسير واخذنا بعض المعلومات ان شا الله اقدر افيدكم
ولو بشي بسيط. اولا:اختيار المكان والمعهد على كلام الرجال اللي يشتغل هناك انو اختيار المعهد والمكان غير متاح لآحد نهائيا بتوصيه من الوزاره طبعآ والمكتب هو اللي يحطك في اي مكان يعني (حظك نصيبك) قلنا له ياولد الحلال وش السواة قال: اذا طلع لكم القبول وطبعا القبولات يبدآ توزيعهآ من 9 ذو الحجه الى نهاية الشهر على كلام الاخ الفاضل يقول اذا طلع لك القبول تعال عندنا وغير المعهد اذا كنت تبغى ,يعني التغيير متاح لك اذا طلع قبولك في احد المعاهد (مدري ليش اللف والدوران) يعني تآخير على تآخير ويالله انتظر ليين يطلع قبولك في المعهد اللي انت تبيه بس على كلامه هو انو ما يتآخر من 15 يوم الى شهر بالكثير . لكن لو جينا للواقع معليش كم شخص وده يحدد ولايه معينه ومعهد معين اتوقع فوق النص بالراحه يعني كللل ذولي اذا طلعت قبولاتهم بيجونكم يغيرون معاهدهم بتقنعوني انهم راح يستقبلون كل هذا العدد ؟؟؟؟؟ والله سالفهلكن انت غمض عينيك ان شا الله وما يجيك الا ولاية زينه وان شا الله ما راح نحتاج الى تغيير. ثانيا:موعد الملتقيات الاخ الجميل يقول الملتقى يبدآ سآدس العيد يعني 16 ذو الحجه في الرياض 5 ايام وجده 8 ايام والشرقيه منيب متآكد منهآ الظاهر 6 ايام اعذروني والله نسييت :D بعد ذلك نقدم ع السفاره وامورنا تساهييل ان شا الله وعلى فكره تقريبآ بعد 5 ايام من آلآن يوم الجمعه او السبت تقريبا اللي في مكتب تجسير يستطيع ان يعرف الولايه اللي حطوه فيها عن طريق موقعهم ادخل وحط رقم الطلب حقك ويطلع لك.
ان شا الله اني قدرت اقدم لكم شي مفيد وبالتوفيق للجميع ان شا الله ,, Abdulmalik

الله يجزاك الف خير و ميسره ان شاء الله لنا كلنا

بارك الله فيك على هالمعلومات

والله يعطيك ألفين عافية يااااارب

الله يعطيك الف عافية

مشكور أخوي الله يعطيك العافية

الله يجزاك خير على المعلومات
ويسهل امورنا جميعا
يااااااارب

الله يجزاك خير...... جاوبت على تساؤلاتي :)

الله يجزااك خيير اخوي

يعني شختك بختك الولايات ,
طيب أنا واثقة في اختيارهم ولو كان عشوائي وراح ادرس واذاكر واجتهد ولو لا سمح الله رحت في اخس معهد في امريكا والسعودية كلها :(
بس أقول يآآآآآآآآآآآآآآرب ..
شكراً أخويا وسلم كمان على صاحبك اللي راح معاك ,

الله يعطيك العافية ...

اهم شي موعد الملتقيات يكون صحيح ... ورانا حجوزات للسفر ...

بالتوفيق للجميع ...