السلام عليكم ورحمة الله وبركاته
طبعا انا ما اربارك لكم القبول لان القبول بركناه لكم من زمان
والله العظيم مارايح اطلع من هالموضوع غير وانا مبارك لكم بس على ايش تتوقعون؟
بس اقراء الموضوع كله
يمكن احط المباركه بين هالسطور؟
ابارك للجميع من مبتعثين ومرافقين
جميع الدول نعم فرحه كبير للكل
وش تتوقعون رايح ابارك لكم بزيادة المكافئات
طبعا لا لان مافيه زياده
طيب تتوقعون ابارك لكم ان الوزاره بتصدر قرار ان من حق اى مبتعث
تغير التخصص مثل مايبي لان المبتعث هو من يخطط لمستقبله ويعرف ميوله وقدراته
طبعا لا لان مافي قرار مثل كذا...
طيب على ايش ابارك لكم ؟
حتى الشفافيه والوضوح بالتعامل من قبل الوزاره مع المبتعثين
ما اقدر ابارك لكم عليها لانها غير موجوده ....
ومستحيل ابارك لكم على ان الوزاره بتصدر قرار بأعطاء
كل مبتعث مكافئه مقدمه قبل السفر على شان يضبط اموره لما يوصل
هذا المستحيل بعينه بيقلون خلوا اهليكم يعطونكم فلوس :fireman:
بصراحه ودي ابارك لكم ان الوزاره بتتكفل بحضانة الاطفال لان اسعار الحضانه بالدول غاليه
طبعا ما اقدر ابارك لكم لان الوزاره والمسئولين فيها ما عندهم هذا الهم ولا يحسون فيه
الشغلات والخادمات في بيوتهم افقدوهم بالاحساس بهذا الموضوع ....
طيب انا جالس التف يمين ويسار ادور شي ابارك لكم عليه..
منى عيني ابارك لكم ما تقدمه الوزاره من خدمه سريعه بالرد على الايميلات
رد مفيد يروى عطش المبتعث بس مع الاسف موية الوزاره مالحه تزيد العطش
الحقيقه انى احلم لو فكرت ابارك لكم بأنشاء موقع رسمي ومنتدي خاص بوزارة
التعليم العالي لشئون الابتعاث الخارجي يكون فيه مشرفين من الوزاره يجاوبون على
التساولات...
اما لو ابارك لكم على وجود خط ساخن اسامحكم لو قلتوا انى مجنون
تحت مسمى ( الخط الساخن لخدمة المبتعثين )
تقدر تتصل فيه وانت بالسعوديه او في دولة الابتعاث يخص المشاكل الطارئه...
عاد تصدقون انا شكلى من النوع اللي يمشي وهو نايم بس المشكله مو هنا
المشكله امشي وانا نايم واحلم لان افكر ابارك لكم بوجود مكتب بكل مدينه
بدول الابتعاث يكون فيها ثلاث موظفين فقط محامي للمبتعثين ومرافقيهم
ومستقبل مشاكل طارئه ومستشار تستطيع الجو اليه في اي شي تريد ان تقدم عليه ...
مشكلتي انا حالف ما اطلع من هنا غير وانا مبارك لكم ورطتني الوزاره ما في شي
ممكن افرحكم فيه غير شغله وحده تعرفون وش هي
انى
ابارك
للجميع
وبدون استثناء
على
قرب حلول عيد الاضحى المبارك
نعم ابارك لكم جميع قرب هذا العيد
كل عام وانتم بخير......
