مقدمة في الــ GRE, مدخل لاختبار القدرات الامريكي
بسم الله الرحمن الرحيم ..
كتابتي للموضوع هو اولا واخير الفجيعه اللتي اصابتني عندما عرفت ان امريكا مصيري فالابتعاث
خاصه واني كنت حاذفتها من خريطة العالم مع كندا طبعا ..
ولاكن يجب ان لا نستسلم لليأس ..
وأول سبب يخلي الواحد يكره اميركا بالنسبه ليا هو اختبار الــ GRE
ما جربتوا ولاكن أكرهوا ..ماهو داخل مزاجي ..لاني عندي اختبار الرخصه للمدراس الاجنبيه واختبار الانكلكس عشان
اخد البورد في التمريض علشان اقدر ادرس ما ستر .. يعني من يناقصه اختبارات وصار شي اسمو توفل او ايلس اتفه شي عندي لانو لا يقارن بالقائمه الرائعه اللي لازم اختبرها ..
المهم قررت إني أبدء أذاكر وأهيء نفسي علشانو ..
وفي دا الموضوع كتبت كل شيء وجدتو عن هدا الامتحان .. عشان يكون فائده للجميع وأجر من الله وتوفيق أولا وأخيرا ..
إختبار الــ GRE :
هو أختصار لكلمة : Graduate Record Exam
يعني مثل إختبار القياس اللي هو القدارت اللي عندنا في السعوديه ولاكن هذا الاميركي وهو مهم حتى لطلاب الماستر والدكتوراه مو بس الثانوي زي السعوديه
ويوجد انواع اخرى وهو الــ GMAT والــ ESSL والــ GRE SUJECT TEST
وذلك يعتمد على نوع التخصص ومتطلب الجامعه ..
ومعظم جامعات اميركا تنظرا اليه وليس إلى الــ GPA وهو المعدل ..
وفي بعض الجامعات تلغي إختبار الــ GRE إذا كان المعدل 3.5 من 4 إذا كان المتخرج من جامعه أميركية .
رسوم الامتحان :
داخل الــ USA راح يكون 150$
في أي دوله اخرى غير الصين راح يكون 180$
وهذه صفحة المبالغ المطلوبه وتعتمد على مكان ونوع الامتحان :
Fees for Tests and Related Services - General Test
طبيعة الأمتحان :
إمتحان القياس نوعين على كومبيوتر أو على ورق في أوقات معينه في السنه ويوجد له مكان في السعوديه في الغرفه التجاريه بالدمام ولاكن على الكومبيوتر ..
أقسام الامتحان :
يعتمد الاختبار على 3 اقسام
أولا : Quantitative (( الكمي ))
وهو يعتمد على 17 ماده مثل (( الرياضيات في مرحلة المتوسط , الكيمياء , الفيزياء , الاحياء , علم النفس .. إلخ
ثانيا : Verbal (( النظري او اللغوي ))
وهو يعتمد على الثقافه الضحله في اللغه الانجليزيه والقدره على حفظ الكلمات العريقه واستخدامها في المكان المناسب .. وهو عادة صعب لدى الجميع لانه يحتاج الى معرفه وخبره باللغه الانجليزيه
ثالثا : Essay (( الكتابي ))
وهو يعتمد على مسئلة يتم حلها وتعتمد اولا واخيرا على الفتكير السليم والقدره على الكتابه بشكل علمي
وعادة لا ينظر الى هذا القسم
وفي هدا الجدول المترجم من احد المواقع نظره الى مدة الامتحان وعدد الاسئلة في كل قسم :
http://www.mktml.com/vb/imgcache/2/22347alsh3er.gif
كيف يتم تقسيم الدرجات :
القسم الاول والثانيه وهو الفوكابلري و الكمي ..
لكل قسم يوجد سكال وهو ما يقال عنه اعتقد بالعربي مدرج العلامات وكل درجه تكون بزيادة 10 يعني مستحيل تاخد درجة 505 لازم 500 او 510 . << اللي قلك اخدت 415 تراه كداب :sleeping:
مثلا اقل درجه في الامتحان هي 200 واعلاها 800
يعني إذا ما حليت ولا سؤال راح تاخذ 200 ولو في اسئلة ماحليتها ممكن تاخد العلامه الكامله 800 << يعني اللي قلك انا اخدت 300 تراه من جنبها :tongueP:
طيب على كل قسم يوجد 800 يعني المجموع الكامل 1600
وفي ماشاء الله سمعت انو طلاب سعوديين وصلو للـ 1000
طيب القسم الكتابي الدرجات تبعتو من 0 – 9 وهو مدرج الدرجات
صاحبتي جابت فيلو 1 هع هع بس بصراحه ما ذاكرت هديك المذاكره ..
وفيه ملاحظة مهمه لقيتها :
اللي يحل في اختبار الكومبيوتر راح يجيلو سؤال في النهايه هل تريد عرض الدرجة او لا
اذا اخترت ايوه .. راح تسجل درجتك وما راح يمديك تمسحها وراح تترسل لاي جامعه تستفسر عنك حتى لو اختبرت اختبار تاني .. راح تكون هدي الدرجة موجوده
ولو حطيت لا ما راح يسجل الدرجه وراح يعتبر انك ما اختبرت الاختبار ابدا ...
ويوجد في أميركا معهد كابلان وهو للتهيئة والتقويه للــ gre والملحقيه تتكفل مصاريف دخول المعهد
بشرط ان يدفع الطالب اولا ثم يرسل الفاتوره للملحقيه لكي يتم التعويض عنه
وحتى رسوم الامتحان يتم التعويض عنها حينما تحضر ما يثبت ذلك .
.
وهذا موقع كابلان حيث ينصح بكتبه لانها مفيده جدا جدا وتستطيع شرائها من الانترنت او امازون ويوجد البعض منها في جرير ..
في السعوديه سمعت عن مكتب اديكون انو يقدم دورات للجي ار اي
وهذا هو الموقع الرسمي للامتحان :
http://www.ets.org/gre/
وفيلو اشياء ء مفيده للامتحان ومنو يتم التسجيل ..
صحيح انو اللي ماعندو لغه لا يتعب نفسو ويدخل الين ما يقوي نفسو فيها ولاكن لمن تعرف طبيعة الامتحان وانت بتدرس لغه ابدء ادرس المواد بالانجليش عشان تتقوى في الاثنين وتضرب عصفورين بحجر ..
منقول عن الاخت aroon
رد: مقدمة في الــ GRE, مدخل لاختبار القدرات الامريكي
اول مرهـ اسمع فيه .
والوزارة ما جابت طاريه .
بس شكرا عالمعلوماتـ و التوضيحـ.
رد: مقدمة في الــ GRE, مدخل لاختبار القدرات الامريكي
السلام عليكم هذا الاختبار موجودفي كندا كمان ولابس في امريكا
انا مبتعثه دكتوراه الله يسعدك رد علينا شيلتنا هم الله يستر
رد: مقدمة في الــ GRE, مدخل لاختبار القدرات الامريكي
شكرا جزيلا اختي :)
انا اشتريت كتاب GRE من Barrons اسمع انه افضل من كابلان .. الله اعلم
عمر .. هذا اختبار قدرات خاص للمتقدمين على دراسات عليا في الجامعات الامريكية .. اذا بتدرس دكتوراه لازم تختبره واكيد الوزارة ماراح تجيب سيرته لانها مالها دخل في قبول الجامعة للماجستير والدكتوراه احنا الي نجيب قبول الجامعة واغلب الجامعات تطلبه وفي جامعات ماتطلبه بس نادرا ..
شكلك انت بكالوريوس مادام اول مرة تسمع عنه
رد: مقدمة في الــ GRE, مدخل لاختبار القدرات الامريكي
اقتباس:
المشاركة الأصلية كتبت بواسطة وردة كندا
السلام عليكم هذا الاختبار موجودفي كندا كمان ولابس في امريكا
انا مبتعثه دكتوراه الله يسعدك رد علينا شيلتنا هم الله يستر
الي اعرفه ان GRE بس في امريكا.. الله اعلم
رد: مقدمة في الــ GRE, مدخل لاختبار القدرات الامريكي
مين قال
اغلب جامعات كندا تطالب باختبار الجيمات؟
الله ييسرلنا وبس بجد الموضوع يبغاله جد واجتهاد
بالتوفيق يارب
تحيااااااااااااااااااااااااتي,,,,,,,,,,,,,,,,
رد: مقدمة في الــ GRE, مدخل لاختبار القدرات الامريكي
ترى في فرق بين الجيمات و الجي أر أي
مو كل الجامعات في كندا تطلب GRE تختلف من جامعه لجامعه ومن تخصص لا تخصص
يعني في جامعة تورنتوا في الماجستير لتخصص تقنيه حيوية يطلبون GRE
الله يعين بس
الواحد يلقاها من وين ولا وين
توفل ولا لغة ولا أختبارات جيمات وغيره ولا قبول جامعات ولا معيشه
لا حول أحسهم مرسلينا حتى يتعبونا مو عشان ندرس في الجامعات
أغلب الجامعات في المملكه ما تهيئه خريج البكالوريوس لهذه الاشياء بتاتاً
ليه ما يجيبون المناهج الامريكيه والكنديه هنا في السعوديه ويدرسونا وخلي الواحد في البكالوريوس يكرف وهو عند أهله حتى يتخرج فاهم كل شي
رد: مقدمة في الــ GRE, مدخل لاختبار القدرات الامريكي
هذا الاختبار بس لطلاب الماجستير والدكتوراه صح؟
رد: مقدمة في الــ GRE, مدخل لاختبار القدرات الامريكي
اقتباس:
المشاركة الأصلية كتبت بواسطة amalh82
شكرا جزيلا اختي :)
انا اشتريت كتاب GRE من Barrons اسمع انه افضل من كابلان .. الله اعلم
عمر .. هذا اختبار قدرات خاص للمتقدمين على دراسات عليا في الجامعات الامريكية .. اذا بتدرس دكتوراه لازم تختبره واكيد الوزارة ماراح تجيب سيرته لانها مالها دخل في قبول الجامعة للماجستير والدكتوراه احنا الي نجيب قبول الجامعة واغلب الجامعات تطلبه وفي جامعات ماتطلبه بس نادرا ..
شكلك انت بكالوريوس مادام اول مرة تسمع عنه
انا بكالوريوس , بس والله شلت همه يوم قريت الموضوع ,
الله ييسر ان شاء الله .
رد: مقدمة في الــ GRE, مدخل لاختبار القدرات الامريكي
يسلموو ع الموضوع
انا عارفه من اول عن اختبار الجيمات
ومرره شايله هم وبصراحه مني عارفه من فين ابدا
خاصه انو لسه اللغه عندي موش ولا بد
الله يسهلها عليا وعليكم