الخبر الاكيد فيما يخص الدورات التعريفية في السفارة الامريكية

November 8th, 2010, 11:43 PM

السلام عليكم
طبعا دحين الكل حالو مقلوب من مسج السفارة والدورات اللي عاملتها
انا حديكم الزبدة
السفارة تسوي دي الدورات لكل فترة وبالنسبة للمواعيد الجديدة اللي يقدرو مبعثين برنامج خادم الحرمين الشريفي يحضروها هيا اللي رسلولكم هيا
انا حضرت وحدة من دي الدورات
هيا تحصل كل يوم سبت واتنين
السبت مخصص لطلاب البكلريوس والاتنين لطلاب الماستر والدكتوراة والزمالة
الدورات ليـــــــــــــــست اجبارة
انما موضوع اختياري للاستفادة فقط لاغير
طريقة التسجيل ترسل ايميل للسفارة وهو : edujeddah@state.gov
المسؤولة اسمها حنين كمال هيا اللي حتتواصل معاكم
انا رسلتلها ايميل اني بحضر تاني يوم رسلتلي ايميل فيلو ملف اكسل اعبي فيه بياناتي وبيانات اي شخص يبغى يحضر معايا
عبيتها ورسلتها
بعدها بيومين رسلتلي انو خلاص اسمي اتسجل واقدر احضر يوم الاتنين
الدورة تبدا الساعه 4 والحضور قبلها ب40-45 دقيقة
ممنوع دخول اييييي شي يعني روحو بطولكم انتوا والملابس اللي عليكم
وجيبو معاكم الهوية وصورة منها
ولازم تطبعو الايميل اللي وصلكم بالموافقة على الحضور

الدورة كللللللللها انقلش
يعني اللي مايفهم انجليزي مرة لايتعب نفسو ويروح صراحه
يوزعو عليكم بروشورات عن الجامعات
ويجو مسؤولين من السفارة يشرحو كيف تقدم للجامعه خطوة بخطوة
كيف تختار الجامعه الصح
كيف تستلم القبول
وكيف تطلع الفيزا
بعدها يتركو مجال للكل انو يسال عن اي شي يبغاه

فقط
اتمنى اني اكون ريحتكم ياللقلقانين

كان من ضمن الاسئلة اللي سالناها لمسئولة الفيز هيا عن مواعيد جدة
كان ردها انو في مواعيد في جدة بس محدودة جدااااااااا
لان بعد احداث 2004 قفلو موضوع الفيز هنا والان في مكتب واحد بس مايقدر يستوعب عدد كبير من المتقدمين بس في الفيوتشر حيكون في ان شاء الله
والمسؤولة ناسية اسمها بس لقبها الخطيب
وقالت ماينفع احد ياخد موعدين مثلا في جدة والرياض لازم يكنسل موعد ويسوي بعدين التاني

• نشر عبر تويتر
• نشر عبر فيسبوك
• نشر عبر جوجل