علوم صحيه اتطمئن ستدرس الطب ...!~

يعطيك العافيه
ويسلمو ع المرور

ياحبيبي لو ماعندك طموح وهِمّــه صح تنسى ، والمتحطمين برا من هنا
لكن شد حيلك وربك كبير .....:@

تسلم لنا والله ما قصرت ومعلومات جدا مفيدة الله يوفقك يارب
وبالنسبة اللي يقولون 14 سنة كثيرة ترا هنا 7 سنوات طب عام سنتين زمالة 4 سنوات تخصص = 13 ..... يعني 14 ومن امريكا افضل من 13 من هنا مع ان هنا حلو تدريسهم بس يضل التعليم الخارجي افضل للأسف

واللي خايف من المعدل احب اقول له بالعكس شئ مره حلو لآنك اذا ما قدرت تجيب معدل قوي في البكالوريوس ما يحتاج تدخل الطب وما تمشي فيه وتضيع سنين

لكن اللي بيتعب ما راح يضيع تعبه

(ان الله لا يضيع اجر من احسن عملا)

يعطيك العافية شرح كافي ووافي
اسمح لي اصحح بعض النقاط
شهادة الادبي غير مقبولة انما المقبول Bachelor of science فقط. وضروري تكون واحد من التخصصات العلمية مثل البايولوجي والكيمستري والبايوكيمستري (مااظن ياخذون رياضيات وغيره).

وكذلك اللي دارس احد العلوم الصحية زي ما انت تفضلت . طول ماهو مخلص الـ prerequisites او المواد العامة المطلوبة لكلية الطب . وهي تختلف من جامعة للاخرى.

اما بالنسبة للزمالة او الريزدنسي مافي زمالة سنتين !!
فيه سنة انترنشيب والزمالة 4- 6 سنين حسب التخصص.

الطب في امريكا فعلاً صعب جدااا ماحد ينكر ويقول مو صعب.

اولا المعدل عشان تقدر تدخل المنافسة لازم تجيب فوق 3.5 من 4 يعني 3.7 او 3.8 اذا ودك تكون لك فرصة. وتجيب A في الprerequisites كلها.

الشي الثاني الاولوية في القبول للي معاه الجنسية الامريكية. الاجنبي فرصته اقل واصعــب كثيــــــــــــــــر.
وحتى قبول برامج الزمالة مثل الجراحة والاشعة وغيرها القبول فيها للاجنبي (حتى خريج طب من امريكا) اصعب بـ 1000 مرة من الامريكي.
ماودي اقول فرصتك كاجنبي شبه ضعيفه

كلامي هذا مو للتحبيط انما الواقع لأني عارفة اعداد كثيرة من المبتعثين راح ترجع بدون شهادة والسبب تخبط الوزارة طبعاً.

لأن حتى العلوم الصحية قبولها مو سهل وتحتاج معدل عالي بعد السنة التحضيرية لها.
فاللي بيروح يجرب حظه يروح ويبذل جهده, اما اللي يقدر يحول لبلد الطب فيه مضمون انصح بالتحويل ومن البداية.

العلوم الصحية 4 سنوات. بس على حسب انت كم تاخذ في المواد التحضيرية. المدة راح تطول او تنقص حسب نتيجتك في اختبار تحديد المستوى للانجلش والماث. يعني اذا كانت الجامعة طالبة مستوى عالي للماث (calculusمثلا) وانت ضعيف في الماث راح تحتاج تدرس مادة او اثنين تحضيرية قبل توصل للمستوى المطلوب.
اما الامتياز مو كل الجامعات تعطي امتياز للطلبة. الامتياز غالباً لافضل الخريجين واعلى المعدلات يعني تنافسي.
فيه بعضها اللي الامتياز جزء من البرنامج ومقاعده مضمونة ..وفيه اللي لأ.

اما الpre-medicine ايوه تدرسه خلال دراستك للعلوم الصحية. لأن العلوم الصحية والطب يدرسون مواد مشتركة اللي هي البايولوجي والكيمستري والفيزيكس والماث ..الخ.
وانت كمان تقدر تختار المواد اللي ترغب بدراستها .. الجامعات ما يهمها انت ايش تنزل مواد طالما انت تدفع لها.
عشان كذا احرص انك تدرس متطلبات الطب خلال دراستك للعلوم الصحية.

بالنسبة للاختيار مابين العلوم الصحية والصيدلة.
الصيدلة يبغى لها دراسة سنتين pre-pharmcy وتختبر الـ PCAT .. وقبولها لوحده صعب زي الطب.

اما العلوم الصحية مااقول لك قبولها سهل بس ممكن اذا جبت معدل بعد السنة التحضيرية.

و 14 سنه اتمر مر السلام

لازم احاول اجيب قبول طب من اي دوله اروبيه
وثانكس على التصحيح

يعني حتى العلوم الصحية في سنه تحضيرية ... وطب للأجانب بنسة 0.1 %
كأنه الوزارة تبي تعذبنه بكل انواع التعذيب النفسي و الجسدي يعني لما حولو تخصصاتنا حولوها من ورا ظهورنا عشان لي ما يتابع حالته ينصدم " وفوق هذا كله شحنونا لأمريكا غصب عن خشومنا وعشان يسكتونا قالو لنا تقدر تدرس طب في ( أمريكا ) يفكرون الناس ما تعرف شي
يعني موتوا بغيضكم

وش جابرني على المر غير الامر منه ...

السلام عليكم اخ ابو سرور هل لقيت رد على سوالي الي بانسبة للطبب البيطري ايش ممكن يقدر يكمل هل يقدر طب شرعي او مراض معدية او لا اذا في رد ممكن لا تبخل علينا بالمعلومات لاني اعرف احد زملائي كمل في الرعاية الصحية وجاب الماجستير في هذا التحصص من كلية طبية اكيد والله اسم الجامعة ما اذكرو بس اذا ممكن افيدني الله يجزاك خير ولك مني جزيل الشكر والاحترام واسف على الازعاج