اذا بروح بعثة بخلي زوجي

شكراً اخت هدولة وبالنسبة

وبنسبة لإحساس مان اشكر وجهة نظرك

فعلاً نسيت ان المجتمع متمسك بالتقاليد وكلمتهم على انهم اخواني (المبتعثين) كان هناك مفروض رد افضل لهذه الفئة لاكن تذكرت ان الناس قلوبهم غير

الامر الآخر انا حبيت اسمع وجهات النظر لاكن الواحد يكون محترم في ردة يعني انا طارحة الموضوع ماابي نزاعات فكرية تعصبية تدخل فية كنت اتمنى الناس المعتدلة التفكير هم اللي ردوا

واللي عندة رئي يقولي

خليه يقدم اجازه استثنائىه او يدور واسطه واذا قفلت يقدم فصله ويروح وياخذ شهاده بترفع الراس والله يوفقكم

والله رايي ونا اخوك

دام هو منصبه عالي ع قولتك و بوظيفه حلوه و موب محتاجين شي

اجل وشوله تعنين نفسك و تجيبين ماجستير يعني اتوقع كافي بكالوريس

وبعدين اصلا كيف تسمحين لنفسك من الاساس تطلعين برا بدون محرم ؟

خلينا نكون واقعيين ، كلامي هذا لا يودي ولا يجيب بالنسبه لك ، لكن حبيت اطرح رايي

اولا كيف تتركين زوجك لحاله ؟

ثانيا كيف ما تخافين ع نفسك بدوله برا ؟

ثالثا وش هالجرأه الي تخليك متيقنه انك ثلاث سنين بتطلعين برا وانتي بأتم السعاده ؟


ونا اخوك والله لتعفسين حياتك فوق تحت بهالقرار

ولا تهدمين بيتك بيدك والسبه ماجستير !! الله اكبر يالماجستير !! زوجك ومنصب عالي خلاص وش تبين بعد احمدي ربك غيرك براتب الف الفين هم الي يستاهلون يتعنون ويجيبون الشهاده عشان يعدلون

مستوی معيشتهم

اسال الله لك التوفيق

ولو سالتي اي شيخ راح يقولك لا والف لا لانك ع ذمه رجال

تأكدت ان محد فاهمني من الردين الاخيرة

لاكن افرحوا لاني ماراح ابتعث خلاص لانه صارت ضروف تمنع ذالك

ليش متضايقة من ردودهم
انا ما قريت كل الردود بس الردين اللي فاتوا فكروا فيك
وخافوا عليك انت وبيتك
تتوقعين زوجك وان كان يموت عليك
بيقدر يصبر ٣ سنوات من غير زوجة
وان كان فيه اجازه تظل الفترة طويلة
هم ما يصبرون فترة النفاس تبينه يصبر ٣ سنوات
كلامك بصراحة ما عجبني
بس انت ادرى بنفسك وزوجك وبيتك ووضعك
انا ما اقدر احكم ولا اقدر
والله يكتبك كل الخير ويحقق لك كل اللي تبين
ويكتبلك بعثة وزوجك معك بدونه ابد لا تروحين لا تروحين لاتروحين خصوصا لو كنت تحبينه
بالتوفيق

السسسلأم عليكم ورحمة الله وبركاتهــ ...

ان شالله انك بخير وصحة وعــافية ,,,,

انا قريت الموضوع كله من اوله لآخره وبكل الردود حبيت أنبهك على بعض النقاط ...

انا بصراحة طرحك للموضوع في بدايته أبدا ماكانت حلـوة وهي الي ولدت الآراء السلبية بإتجاه ماكنتي مقدمة عليهــ ...

يعني بدأتيها بأنو مين معي ... يعني تبي احد معاك من البنات وتبي احد يشجعك على شيء صعب وحدا تسويه مهما كانت نيتك في بداية الموضوع لكن ما وضحتي شيء بالتالي لازم تلاقي نقد وردود احيانا ليست لائقة صح انهم مبتعثين وتتوقعي منهم ردود تشجيعية لكنهم ترى يبقون من السعودية كلهم سعودين واحنا مثل بعض في النهاية رح يكون رأينا من رأي المجتمع اللي ولدنا فيه ...

لكن أسبابك بصراحة كانت قوية جدا جدا وكنت اتمنى لو أنك بديتي فيها من أول الموضوع كانت ازالت ولو على الاقل شيء من ظن السوء ...

لكن كما قالوا بعض الأعضاء تبقى هذه المسألة مسألة شخصية بحتة بينك وبين زوجك شريك حياتك تتفاهموا مع بعض ومادام رح تزورون بعض كل فترة ومعاكي الوالد الله يشفيه ويحفظه مافي اي مشاكل توكلي على الله

أنا بصراحة أعذر كل اللي قال كلمة مو حلوة واللي قال كلمة حلوة والمتفهمين يمكن كل شيء يرجع لكاتبة الموضوع على أنها مابينت أسبابها ورأيها من البداية ...
اتوكلي على الله واستخيري وان شالله الظروف اللي تقولي عليها انها وقفت بعثتك تعدي وتروح ان شالله مثل اي شيء صعب بالحياة (إن مع العسر يسرا )
وربي يوفقك ان شالله و ترجعي للبلد وتضيفي لها الكثير فبلدنا محتـاجة الكفاءات النسائية والشهادات النسائية العالية ... بالتوفيق ان شالله

السلام عليكم جميعا

اختي الكريمه من ردودك استنتجت انك تبين البعثه ومقرره من زمان لانك تردين ع اللي يشجعك بس ، دام انتي تبين البعثه توكلي ع الله ولا يحتاج تسالين ، اما اذا فعلا تبين راي الناس تقبليه بصدر رحب ومن دون زعل
من وجهه نظري لك وللشباب والصبايا
انتم تحسبون اذا ابتعثتو ودرستو وتعبتو بترجعون تستلمون اعلا المناصب والارض ممهده لكم بالورد وبتصيرون مدراء وان الشهاده من براا تغنيني عن كل شي بس فكري هل تغنيك عن زوجك اللي هو حياتك هل الشهاده تعوض الايام اللتي سوف تقضينها من دونه ولو افترضنا ان الله رزقك بماستر بس خسرتي زوجك شنو استفتدتي انا ما احطمك بس لو كان معاك تكون البعثه ممتازه
وحنا نعرف وش الغرض من الابتعاث ما هو والله نقص بالدوله يبون يكملونه اذا هم يبتعثون خريج وخريجه عربي واسلاميات ما تقولين لي وين بتلقا قبول برا ؟؟ عارفين انه تغير فكر بس
وانتي يمكن تقولين انت مبتعث وجاي تتفلسف علينا بس انا لو محصل تعيين ما رحت بعثه وغيري كثيرر بكره بنجي وتعلق الشهايد بالصاله وهذا هو الواقع لكن الكل يبي يبتعث عشان الكبت اللي يحس فيه
هذا والله اعلم
موفقين والله يكتب لك اللي فيه الخير

بالنسبة للأخ سليمان صحيح كلامك 100% لاكن الناس بلاها ربي بالاستعجال في كل شيء والعجلة من الشيطان

انا كتبت الاسباب في بداية الموضوع صحيح مو في اول كلام لي لاكن يمكن في اول صفحة هذا شيء
يمكن انا اكون اندر انسانة جاتها هل الظروف الصعبة اللي انا فيها

لاكن الدنيا مافيها احد يفهم الا قليل والحمد لله ان باقي بالدنيا خير مثلك

والله يعوض علي بالبعثة انشاء الله وييسر امري

ع فكرة (( الرجال لو جاء واحد منهم بعثة ع امريكا او غيرها راح ولا فكر في زوجتة ولا فكر الا في نفسة ))

ماالوم الاولاد ان ردوا هل الرد لأنهم كذا من يوم عرفناهم

والبنات اللي قالوا كذا الله يعينهم ع انفسهم

مايصلح ياشيخه ًًًًًًًَ

يابنت الحلال روحي وماعليك من الخرابيط الفاضيه وشو الشيطان شاطر ومو شاطر

هذي بعثه وشهاده
توكلي عالرحمن وروحي
واسالي مجرب البعد يزيد الحب