معلومة من الوزارة عن من تغير تخصصهم وعن السجلات الاكاديمية
السلام عليكم ورحمة الله وبركاته
الله يوفق كل مبتعث ومبتعثة
اليوم رحت الصباح لجامعة الملك سعود وطلبت السجل الاكاديمي حقي
بعد ما اخذت نصيحتكم اني آخذه
مع اني من الطلاب الي ما دقت عليهم الوزارة تطلبهم السجل
واعطوني نسخة اصلية بعشرة ريال
وقلت اروح بسرعة على وزارة التعليم العالي الي بحي الوزارات
وبعد ساعة من التعب والزحمة قالوا لي البعثات لهم مبنى جديد وخاص بمخرج خمسة :crazy:
واروح اطق مشوار ساعة ثانية ووصلت هناك على الساعة 12
ويوم دخلت والا القى طلاب واجد لكن الغريب فيه ناس من الدفعة الخامسة
ما ادري ليش ماراحوا ؟
المهم ، بعد سرى طويل قلت للرجال انكم دقيتوا على طلاب وقلتولهم نبغى السجلات الاكاديمية حقكم
وانا صادق ما كذبت
وهذا السجل حقي ولا قلتله انكم ما اتصلتو علي
قالي طيب اكتب رقم الطلب حقك عليه وهاته
ثم أخذه مني
يعني الي عنده سجل يطير لهم
ثم قلت له انتو غيرتو تخصصي ودولتي ، لييييييييش ؟
قالي اكتفت المقاعد
قلتله كل الي اعرفهم قدمو مثلي ما قبلو ، اجل وش المقاعد الي امتلت ذي
قال والله هذا العلم ، ثم سالته اقدر احول بعد سنة
قال تحويل مافي ، لكن تسجيل جديد ممكن
هذا الي قدرت اخذه معلومات منهم
واتمنى اني اكون افدتكم
على فكرة
يواصل المسؤولين عن البعثات خربطتهم وعدم اهتمامهم بالطالب
دخلت اليوم على صفحتي الشخصية في برنامج خادم الحرمين
بعد ان خفت صدمة تغير التخصص والدولة
لتتجدد الصدمة بعد ان كانت الرغبة الثانية التشيك والثالثة المجر
لاجد الثانية الصين والثالثة سنغافورة
مع تمنياتي للجميع بالتوفيق
رد: معلومة من الوزارة عن من تغير تخصصهم وعن السجلات الاكاديمية
الله يعيننا على هالوزارة ...
طيب هو قال لك بيرجع لك الدولة بعد تسليمهم السجل الاكاديمي ... ؟؟
بالتوفيق للجميع ...
رد: معلومة من الوزارة عن من تغير تخصصهم وعن السجلات الاكاديمية
لا والله ماقالي شي
بس طلب السجل مني وقال اكتب عليه رقم الطلب وأخذه
رد: معلومة من الوزارة عن من تغير تخصصهم وعن السجلات الاكاديمية
لاحول ولا قوة الا بالله العلي العظيم
الله يكون بعون جميع المبتعثين
نو كومنت >>
رد: معلومة من الوزارة عن من تغير تخصصهم وعن السجلات الاكاديمية
كل مالي واكره الوزارة زووود
الله يعين
بالتوفيق اخوي
رد: معلومة من الوزارة عن من تغير تخصصهم وعن السجلات الاكاديمية
اتوقع ان اللي غيرو تخصصاتهم الى دوله ثانيه بدأو يفتحون دول ثانيه والله اعلم مثل الصين سنغافوره
رد: معلومة من الوزارة عن من تغير تخصصهم وعن السجلات الاكاديمية
رد: معلومة من الوزارة عن من تغير تخصصهم وعن السجلات الاكاديمية
برايت مايند آمين
كلنا يا جبورة
هذا الي يقهر يا الراشد يبغون يعبون هذي الدول على حسابنا
آمين والجميع
رد: معلومة من الوزارة عن من تغير تخصصهم وعن السجلات الاكاديمية
اقتباس:
قال والله هذا العلم ، ثم سالته اقدر احول بعد سنة
قال تحويل مافي ، لكن تسجيل جديد ممكن
كيف يعني ؟
مانقدر نحول بعد اللغه قصده ؟
خير ان شاء الله كل واحد له كلمه -.-
رد: معلومة من الوزارة عن من تغير تخصصهم وعن السجلات الاكاديمية
^
^
لاتخافي فيه تحويل بعد سنة اللغه إذا جبتي قبول ..الكلام مضمون