وصلني القبول من معهد PLI

الله يبارك فيكم ويوفقكم ويكتب لكم الخير بكل خطوه تخطوها ياا رب

انا اخر روحه لي كانت مثل ما تقولوا استكشافيه
قلت قبل لا افكر ادرس بالدوله خليني ازورها واتعرف عليها من جميع النواحي واشوف مستوى الدراسه فيها
واطلعت على أغلب المعاهد اللي بترنتو بس أفضل معهد ارتحت فيه هو الـ PLI (وجهة نظر) وكان أغلاهم سعر تقريبا بس يستاهل
وكنت ناوي لو جاني قبول في غيره أشتغل ع الموضوع واغير له بس الحمد لله حظي حلو
ولا تحطوا أمل على دفارتي ترى روحتي كانت استكشافيه وسياحيه بس

الكلاس ما كان يتعدى 11 طالب منوعه من مختلف الجنسيات .. وتشكيلة الكلاس على شكل حرف U
الطالب مخير ياخذ كلاسين باليوم أو مكثف 3 كلاسات منوعه بين اللسننق والرايتنق والسبيكنق والقرامر
مدة الكلاس الواحد ساعتين يتخللهم بريك في النص 10 دقايق وبين الكلاس والثاني نص ساعه وفترة الظهر يكون البريك أطول عشان الغدا (ويقال انه صار فيهم تعديل بسيط في الفتره الأخيره)
اعادة تشكيل الكلاس بصوره مستمره عشان اللي تحسن ينتقل للمستوى الاعلى مباشره .. ومن ناحية التسجيل في المعهد فهي مرتين شهريا عشان كذا راح يتغيروا الطلاب اللي بالكلاس الواحد باستمرار لدخول طلاب جدد
طريقة التدريس ممتعه من ضمنها الألعاب - أفلام - موسيقى .. الخ للتعود على اللسننق .. وعمل قروبات للسبيكنق بإشراف التيتسشرز
التيتشرز متعاونين جدا ويحاولوا يوصلوا المعلومه قدر الإمكان بصدر رحب ومقدرين وضع المسلمين بحيث يحاولوا تجنب خلط السعوديات بالرجال مثلا - السماح بالخروج للصلاه او الإستأذان للخروج لصلاة الجمعه - حرية اللبس حتى البعض كان تحضر بالنقاب وما يتعرضوا لأي تفرقه أو مضايقات (أغلب التيتشرز من النساء)
انترنت (بالواير لس) مفتوح
يوجد بالطابق الأرضى أحد فروع الكوفي الشهير تيم هورتنز
يقوم المعهد بعمل رحلات سياحيه بأجور مخفضه

طبعا أول يوم لكم راح يكون اختبار تحديد مستوى وبناء عليه راح يحطوكم في الكلاس المناسب
ومن ناحيتي أفضل انكم ما تحلوا فيه كويس عشان يدخلوكم كلاسات البدايه وتاخذوا أساس قوي (باستثناء اللي عنده هالأساس) .. ولا تخافوا راح تدرجوا بسرعه للمستويات الأعلى اذا كنتو دوافير

ويمنع منعا باااااتا التكلم بلغه غير الانجليزيه داخل المبنى .. حتى لو بالجوال
وفيه هناك غرفه خاصه للي بيكلم

موفقين يارب واي استفسار انا بالخدمه

مبـــرووك إلــي جـآهـم قبــووول وعقبـآل البـآقـي يـآرب ..
آنـآ جـآني قبـول في هـذآ المعهـد في تورونتو تـآريخ 4-4-2011
ومشكــووور آخوي غرور الصمت بـجد كنت خـآيفة من المعـهد لآن البعض كان يقول آنه سيء و البعض يقول جيـد بس آن شاء الله يكـون مثل ماقلت يـآرب
موفقـين يـآرب الجميع ..