المرحلة السادسة والخطر الملازم لها ارجوا الانتباه الى الجميع

السلام عليكم ورحمة الله وبركاته

الى اخواني واخواتي في المرحلة السادسة

مافيه الا كل خير

اعزائي بما ان الجميع يتحدثون متى نستطيع تحديد الولاية

ارجعوا معاي بالذاكره شويتين مكتب التجسير ارسل لكم انو تم استلام ملافاتكم من وزارة التعليم العالي
وبصدد احضار القبول

والى الحين البعض يتكلم انو متى احدد الولاية (( مكان الدرسة )) اي مدينة

اللي صار انو انا رحت مكتب التجسير اول ماجاتني الرسالة طبعا انا الى امريكا

سالت الموظف اقدر احدد مكان الدراسة تخيلو بكل برود رد لا هذا النظام زمان الوقت الحالي نستلم كل ملف

والوزارة كل مجموعة حاطينهم بولاية اللي صار اني خاطبة وكالة البعثات عن طريق الايميل تبعهم وبعده بيوم جاني

الرد منهم انو الطالب يحدد وجهة دراستة حسب رغبة في اي ولاية يرغب وفي اي جامعة طبعا رجعة بعدها للمكتب

وكلمتهم قالو اعطنى مايثبت انو الوزارة تقول كذا طبعا كنت طابع الورقة حقة الرد اللي عندي بالايميل ماقتنع

فتح الايميل وشاف الرسالة حقتي وشاف الرد حق الوزارة ومع ذالك كانو مراسلين معهد لغة بيجيبوا منه قبولي ورفضة

لانهم بيجيبوه بولايه انا مابيها اعطيتهم الولاية اللي ابيها ((الينوي )) قبل اجازة العيد باخريوم من الدوام ارسلوا انه

تمت الموافقة على نقلكم الى ولاية الينوي...(( عارف طال الكلام والناتج من الكلام ان اللي ماخاطبهم راح يجيه القبول

جاهز ومحدد ))طبعا البكالوريس قبول المعهد والجامعة هم يجيبونها اما الدراسات العليا فقط قبو المعهد وانت هناك اثناء

دراسة اللغة عليك البحث عن الجامعة اللي تبغاها حسب رغبتك..

للمعلومية (( اذا تبون الرد حق الوزارة ان الطالب يحق له تحديد دراسته حسب رغبته انا جاهز انزله لكم
واذا تبون موافقتهم على تغيير ولايتي انا جاهز كمان))

ان كان هناك صواب فمن الله وان كان هناك خطا فمني والشيطان
ولكم جزيل الشكر

تشكر اخي الكريم ولكن أفادتك متأخرهـ جداً ودنا بلغتنا في البداية ولكن أن شاء الله يكتب لنا ما فيه خير


ومع ذلك نطمع من الأخوة الأعزاء أن لا يبخلوا علينا بمعلومات نجهلها أو لا نعرفها وليعلم أننا سنجزل له الدعاء وسينال الأجر من المولى عز وجل فلنكن قلب نابض بالمحبه ويد سخيه بالعطاء وروح واحده مهما أختلفت أجسادنا


ودّي ومودّتي

أختي لو سمحتي تقدرين تنزلين الرسالة هنا
انا ودي بجامعات معينة وودي ادخل المعهد التابع لها عشان يسهل علي القبول
رحت لمكتب التجسير و قالولي ان ما يحق لي اختار المقاطعة و حسبت ان هذا نظام الابتعاث بس لو كان كلامك صدق يصير غشنا مكتب حسبي الله عليهم

بما ان الوزارة صرحت بقبولها تغيير ولاية احد الطلاب ومكتب تجسير بنفسه شاف تصريح الوزارة
المفروض حاليا يقبل يغير للكل من غيرنقاش بما ان الوزارة نفسها موافقة خلاص
صح والا ؟؟

ليتك قلتي هالكلام من زماااااااااان

بس مايمنع انك تنزلين لنا الرسالة هنا

بليزززززززززززززز

طيب ليه ما قلت لنا من زمآن :huh1:

http://www.mbt3th.us/vb/forum29/thread220366-17.html

شكرا اخوي على الفائده
بس ممكن تنزل ايميل اللي راسلتو بالوزاره
وايش مضمون كلامك لهم
لان انا للان مابدأ قبول بولندا

هذا مكتب تفجير كل شي توقعومنه ولا بعد لهم عين يقلون وش الاثبات
مانقول الا الشكوى لله

ياربي ياليت هذا الكلام من زمان
بس لعلمكم كلمتني الوزارة قبل أسبوعين وسألته بنفسي عالجوال
وقلت له أبغى مدينة معينة وزي كذا ومعهد ومن هالكلام
قالي انو نحنا مانحدد المعهد والجامعة واذا نبغى نجيب عذرنا القوي المقنع معانا للوزارة لوكالة البعثات قسم القبول
ولكن للأسف مو ساكنة بالرياض فكيف أوصلهم بارجولي بعيدة علي مررة

خلاص اذا وصلت هناك راح اغير وأجيب القبول لي بنفسي مثل بقية المبتعثين

يسلموا ماقصرت
لكن مو كأن الكلام متأخر شويتين
خير الناس أنفعهم للناس
صحيح انك أفدتنا لكن والله متأخر
على كل جزاك الله الف خير وياليت تنقل لنا الرسالة الي انت كتبتها للوزارة وتنقل ردهم هنا

بالتوفيق وتحياتي لك