~$ ][ مبتعثـ / ـة وتبي تنسى هم الإنتظار >>تفضلـ/ـي هنا ][ $~

شكله محد مهموم غيري

الله يصبرني في حد غيري لسا ماجاه القبول؟؟

س1: متى قررت دراسة الباكاليريوس في الخارج على أيام الثانوية أم بعد التخرج ؟ وان كنت من اهالي الدراسات العليا والماستر والدكتوراه هل كنت مقرر إكمال الدراسة في الخارج منذ دراستك للباكالبريوس ؟ وما الهدف؟

أنا دحين مقبله على دراسة الماجستير ..

كنت حلم العائله يعني حتى اهل ماما وبابا كانو متوقعين انو راح ادرس شي غريب وكل العالم انصدمو بأني أختر في البكالوريوس رياض أطفال ..
انا مقتنعه انو لازم ادرس شي أحبو وقريب من نفسي عشان أبدع فيه .. بس حطيت في بالي بما إني اتخصصت دا التخصص وصدمت الدنيا
إلا ماما وبابا طبعا لأنو هم علمونا نختار التخصص اللي إحنا نحبه عشان نقدر نبدع فيه .. في الجامعه كان كل همي اجيب أعلى درجات
عشان أقدر أكمل ماستر برا البلد لأنو هنا تقريباً شبه مستحيل .. غير التعقيدات في التقديم .. غير الطريقه القديمه ومافيها أي تطوير للذات ..
هدفي .. إنو أثبت لكل الناس اللي انتقدوني في البداية لدرجة بعضهم ماباركوا لأهلي بتخرجي وهم اقارب من الدرجة الأولى إنو اختياري كان صحيح ..
وإنو الإنسان لما يكون عندو حلم حيقدر يحققه لو حاول محاولات بسيطه .. وكمان أبغى بابا وماما دايماً يكونو فخورين فيا وفرحانين من ناحيتي ..

طموحي ناس كثير يضحكوا لما يسمعوه .. بس من جد هوا في بالي .. أبغى أكون من أوائل الوزيرات البنات أو السيدات في السعودية


يعجبني اصرارك وثقتك بنفسك ، وان شالله ترجعين البلد بالشهادة الي تسرك و الكل يشووف انو انتي الي على حق


س2:كيف كان شعور أهلك عندما أخبرتهم عن رغبتك في الدراسة في الخارج ؟ أم هم من ألزمك على ذلك ؟

كل الدعم كان من بابا واخواني مررره شجعوني رغم انو كل اخواني اصغر مني بس حسيتهم تحمسوا كثير .. ماما ماكنت تعلق زي اللي تسلك لنا

لما جا وقت الجد .. شفت في عينها دمعه قطعت قلبي ..

ولما جا القبول النهائي .. جات بتبارك لي حضنتني وشدت شعري بقوه اول مره تعملها قلت ليه ليه ليه انا ماسويت شي

قالت دحين تروحي وتسيبيني أرجع من العمل ما الاقي الغدا جاهز .. لأنو آخر 4 سنوات اعتمدت عليا في كل شي في البيت

الله يعينها

س3:ماهي البلدة التي قررت الإبتعاث إليها ؟ ولمذا هي بالذات ؟

كنت أبغى كندا .. عشان مع أخويا .. بس لقيت انو التخصص اللي المفروض ادرسو ماستر وهو التسويق مره صعب القبول له في كندا

وعملت بحث في الجامعات الموصى بها في موقع الوزارة وكتبت انو ماركتنق في كندا ماطلع لي ولا جامعه لاموقوفه ولا غير موقوفه ..

تخوفت .. قمت عملت سيرش على أمريكا والحمدلله لقيت كثير .. فأخذت راي أهلي ورحت تاني يوم الوزاره بنفسي وطلبت تغيير الدولة ..

والحمدلله خلال أسبوع وصلني الرد بالتغيير ..

يعني الآن اخترت أمريكا عشان الجامعات أكثر وأقوى .. وليا صاحبات هناك .. وكمان صاحبتي بتحول على امريكا برضو ادعوا لها دوبها قدمت

عجزت اقنع فيها هي شخصيتها متردده بس الحمدلله سوت نفس اللي سويته واقتنعت ويارب يمشي حالها ونسافر من هنا سوا ..

ان شالله تسافروآ سوى

س4:هل تفضل البد التي بها أقاربك أم تحب أن تكون وحيدا كما يقول البعض حتى تتطور لغتي ؟

بيني وبينك شردت من كندا عشان فيها كمان أولاد عمي وأولاد خالي .. لا والقبول اللي جاني في نفس المدينه اللي هما فيها ..

اتكسفت انو انا ما اكشف عليهم فجأه كدا يشوفوني بحجاب بس وملابس .. استحيت منهم ..

بس اذا بلد فيها صاحبات أحلى .. عالأقل مافي أحج استحي منو وكمان أنا انسانه واعيه واقدر افصل بين الجد وبين الراحه

من جد بتستحي ان شالله مايكوون احد من قرايبي معاي باستثناء المحرم

س5:هل تخيلت يوما أنك من سـ ( يطبخ , ينظف , يغسل الصحون الملابس , يكوي ,يكنس الخ,,) ؟هل تتدرب على هذه الأعمال أم تقول >>اعقلها وتوكل ستتعلم حين تعمل ذلك في الخارج ?

في بيتنا متعوده أسوي دي الأشياء كلها بنفسي .. عشان كدا ماراح تفرق معايا ..



س6: هل أتعبتم الأسئلة أم شعرت بالمتعة ونسيت هم الانتظار ؟

لا أبداً .. استمتعت فيها


س7: نصيحة توجهها لكل مبتعثـ/ـة؟

لاتنتظروا البعثه وانتو حاطين يد على خد روحو خدوا دورات إنجلش في أي مكان بشرط يكونو اللي يدرسوكم أجانب يعني مو مصاريه ولا سوادنه

وطقة نيوهرايزن والخليج ومدري ايش..

حالياً انا أخد كورس في القنصليه البريطانيه .. ويدرسونا بريطانيات .. مره حلو وممتع .. كل لفل 6 أسابيع ويكلف 2250 بس من جد تستفيدو ..

منها تضيعوا وقت وماتفكروا كثير ومنها تستفيدوا لما تروحوا هناك .. لأنو في ناس مرره مايعرفوا يتكلموا كويس .. فحلو انو يبدأ من هنا ..

لغتي مرره كويسه بس قلت لازم اطور نفسي قبل ما اسافر صرت اشتغل في الصباح وكورسي بعد الظهر .. مافي وقت تحك راسك ..
بس تتسلى وتنسى المواضيع التانيه ..

لما تسافر .. مافي شي ممنوع ومافي شي حرام .. لازم دائماً تحكم ضميرك وقلبك .. وتخلي الله سبحانه وتعالى قدام عيونك ..

زي ماكلنا عارفين انه هناك في فضول عند البعض عشان يعرفوا المسلمين .. لازم نكون مسلمين بجد بأخلاقنا وتعاملاتنا ونحط في بالنا
إننا نمثل أمه إسلاميه بحالها .. لازم نوريهم انو ديننا دين بساطه ودين خير وطيبه ..

لازم نحط في بالنا اننا نمثل بلد كامله يعني كل الناس هناك حتحسب انو السعوديين زي اي شخص فينا فلازم نمثل بلدنا بشكل مشرف.


س8:وهل لكاتبة الموضوع نصيب من تعليقك

الله يسعد قلبك يارب وييسر أمرك .. ويرزقك أجمل مما تتمني