تعاااااااااالوا بسرعه......

بسم الله الرحمن الرحيم

السلام عليكم ورحمة الله وبعد

يا ناااس اليوم جانا خبر والذي نفسي بيده انه موقف لا احسد عليه

اليوم

مات واحد من جماعتنا ( الله يرحمه ) باقي شباب وعنده بنتين صغااااار
رحت أنا والوالد نصلي عليه وندفنه وكان هناك ناس كثير
المهم... كنت أنا من اللي يحملون الجنازه واللي نزلوها الي القبر ... موقف لا احسد عليه
كنت اشيلها علي كتفي والله أني كنت افكر ... اقول لنفسي ( لو أنا مكانه ؟؟؟ )
كنت اسمع اللي يشيلونه معي واللي يشوفونه من بعيد يقولون يالله وسع مدخله يالله اغفر له يا الله ارحمه يا الله تجاوز عنه .... الخ ...
وكان هناك اثنين من الشباب اللي يحفرون القبر وكلهم أعرفهم لنا جماعه وحدة وكلنا نعرف بعض .. المهم .. سلمناهم الجنازه ونزلوها في لحد .... وكنت أنا واقف علي طرف القبر اشاهد المنظر من قرب جدا وكنت اوصل الطين واشيا كثير المهم و أنا شغال وأشوف هذا الميت .... الله اكبر يااااا نااااااس من منظر و الله انه ليبكي الشجاع ، أنا في حياتي ما بكيت الا اليوم ( اللهم اغفر لنا اذا صرنا الي ما صاروا اليه ) ... المهم كنت افكر واقوووول ....
* الله اعلم ٌكم عندك هدف ما بعد حققته ؟
* الله اعلم كم عندك امنيه ما تنفذت ؟
* الله اعلم كم واحد واعدته اليوووووم بس ؟
.................................................. ........
يا عبدالعزيز ... هذي داراً انت ساكنها اطااااال الزمان بك او قصر ( هذا ما كنت اقوله لنفسي )


المهم اكمل القصه لما انتهينا منه بدينا ندفنه بايادينا ... وانا اول من دف التراب عليييه وأقول اللهم اغفر له ولي اذا صرت الي ما صاااار اليه ....

بعد ما دفناه وانتهينا بدينا نعزي ابوه .. الاب !! الله الله من رجل والله ما لمحنا دمعه داخل عينه مع انه بكره الاول واحب أولاده مثل ما نعرف لكن للرجال مواقف كان يقول خلاص ماااات ما بيرجع ..

وبعد ما انتهينا من مواسات الاب قال لنا : يا جماعه الله يكتب آجركم أنا باروح لقبر ولدي اسلم عليييييه ( الله من كلمه والله كانها طبعت علي قلبي طباعة فاوجعت قلبي فدمعت عيني

بعد ذلك فكرت وانا اقول لأبويه ...
أنا اسعي لانجح ههههههه ولا إدي متي بموت ؟؟؟
قالي ابويه وعيونه فيها دمع ... مع العلم باني اول ولد له ...
يا ولدي الموووت راحه ؟؟؟؟
انت تدور علي بعثه وانا أبيك تبتعث ..الله يوفقك .. لكن ما ندري ويش الاول فرحه ولا ... ؟
...................

يا ناس
أنا احكي لكم واقعي اليوم هذا والله
تذكروا هنااااااك مكان راح نسكنه

الموت كاس وكل الناس تشربه
والقبر دار وكل الناس تسكنه

اللهم اغفر. لأمواتنا اجمعين وأغفر لهم ورحمهم و تجاوز عنهم يا رب العالمين
اللهم اغفر لنا اذا متنا وتجاوز عنا وأغفر لنا يا الله فانت ارحم الراحمين
اللهم امين
اللهم امين
اللهم امين


والسلام عليكم ....


تقبلوا تحياتي .... ابو سعود

..........