تكفوون ساعدووني

السلام عليكم

انا طالب الحين في ثالث ثانوي وافكر بعد الثانويه وين اروح
ناس قالو قدم على بعثه بس اشوف انها صعبه لاني داج في الدراسه بس بديت اقتنع يمكن لو اشد حيلي شوي بتمشي اموري

سوالي عن بعثه الملك
التقديم عن طريق موقع التعليم العالي على مافهمت من الاخوان

طيب يجيك القبول قبل بدء السنه الدراسيه والا تنتظر وتروح عليك سنه والا ترم ويمكن تجي ولا ماتجي
والشرووط بالنسبه للنسبه انا نسبتي في ثاني ثانوي 91 مدري مع التراكمي كم تطلع والقدرات فوق 71 اعلى نسبه
وشي ثاني المدرسه الي انا فيها اهليه مدري لها دخل ولا لا
وا اذا جت بعثه على حساب الملك شامله كل المصاريف ولا ايش واذا كانت شامله كم المصروف الشهري وهل يكفي؟

واخر شي وش التخصصات الي يمكن تجيب لك وظيفه باسرع وقت ممكن


اعذروني على عدم التنظيم

هلا فيك ياغالي ..


اهم شيء انت الحين شد حيلك .. لان البعثه شروطها ( على دفعتنا ) : 90 ثانوي - 70 قدرات - 75 تحصيلي ..
اذا كنت مستوفي الشروط باذن الله راح تكوون مقبووول ..

وبدء الدراسة على حسب كل معهد .. شفنا الحين جالسين نستنى قبولاتنا والى الان ما جت .. تقريبا الدراسه راح تكون بعد 3 اشهر من الان ..


وبالنسبة للمكافأة هي 1800 دولار تقريبا .. وايضاً تذكرة واحدة سنويه ويتكفلون برسوم الدراسة ..
اما الاكل والسكن والمواصلات عليك .. وتقريبا اذا كنت مقتصد بالمكافأة راح تكفيك وتزيد ..


وبالنسبة للتخصصات اللي منزلتها الوزارة لنا كمتقدمين على بكالوريس كانت مقتصرة على التخصصات الطبيه .. فقط ..




وفقك الله ..

ولك خالص تحياتي ..

نفس كلام اخوووي اللي سبقني

رد جميل وموفق

يعطيك العافيه ياخوووي والله افدتني كثير

بس فيه سوال بالنسبه للمده
انا قصدي ياطويل العمر مثلا قدمت لبعثه وانتظرت اشعار القبول خايف لايكون الانتظار ذا يطول ويجي بعد ماتقفل الجامعات التسجيل ويجي بعدها اني ماني مقبول في بعثه واكون ضعيت كل شي لا جامعاتنا في السعوديه ولا البعثه جت