ياماما بديت اخااااف؟؟؟!!!
عرض للطباعة
ياماما بديت اخااااف؟؟؟!!!
الله يستر على الجميع ويوفق الجميع
ياجماعة الخير النيه اهم شي وصدقوني بتلاقون كل شي متيسر من رب العالمين
الكل ينوي ان الامر هذا يبغى فيه اول شي وقبل كل شي وجه الله سبحانه وانه يبي يرتقي بعقله
وتفكيره وان الموضوع هذا كله لوجه رب العالمين ثم علشان يخدم بلده ومجتمعه
الله يستر على بناتنا وعيالنا والله ياما بنت عن الف رجال وياما رجال راح هناك وضاع وانسجن بسبب
تفكيره وانحرافه
تقبلوا مروري والله يسهلها ويفتح كل طريق خير بوجه كل طالب علم يبغى العلم لوجهه الكريم
ودي
الله يعين
ومشكوووووووووور
في وجهة نظري القرار محجف بحق الكثير
وكل وحدة لها ظروفها واسبابها
وحرام حلم ومستقبل كتيـــــر يضيع بسبب شرط مالهم يد بيه
وزي ماقالت وحدة قبلي اللي عندها محرم اكيد اهلها حيخافو عليها ويرسلوة معاها
بس اللي ماعندها انا اشوف المفروض تروح
ولكن بشروط وضوابط
منها:
ان اللي تروح من غير محرم تكون ماستر
لان طلاب البكلوريوس صغااااار لسى
مراهقات
ودا الشرط يكون للبنات والاولاد سوا
لان حتى طلاب البكلوريوس هما لسى مراهقييييييين ويحتاجو المربي والمشرف وولي الامر
تاني شي انو يكونو محددين مدن خاصة يجمعو فيها الطالبات اللي من غير محرم
ويخصصو لهم كامب خاص يسكنو فيها مع مشرفات
والله يكون في عون كل وحدة ماعندها محرم
لا أحب الخوض في مواضيع فيها شجار ونزاع و أغلب من يناقش فيها ليس لديه علم كافي بالموضوع الذي يناقشه !
ولكن أحببت أن أذكر وجهه نظر من واقع وشي شفته بعيني
كنت من قبل أسمع بأن المبتعثات بعضهم تسافر لوحدها وبدون محرم
و نسمع اشاعات سيئة عنهم , رجعو حوامل !
باعو أعراضهن !
والمتكلم لا يعرف عنهم شي ولم يشاهد بعينه
فإن كانت هذه المبتعثة ارتكبت خطأ بسفرها للخارج , فمن يتكلم فيها أرتكب أخطاء
ووقع في كبيرة من كبائر الذنوب وهي الغيبة والطعن في اعراض المسلمات !
ومما قراته في الردود شخص يقول : كيف تبيع المرأه دينها وشرفها وعرضها من أجل الدراسة !
حسبي الله ونعم الوكيل , كيف تتهم مسلمه وتدخل في النيات ! ؟
{ وتحسبونه هينا وهو عند الله عظيم }
أنا مبتعث وكنت أضن مثلما تضنون بان البنت قد تفسد في الخارج قد تتغير
و أقسم بالله العظيم وأنا أكتب كلامي وعيني تدمع لما اسمعه عن بناتنا وأخواتنا
والله ما شفت منهم الا الحشمة والستر
بناتنا جواهر تمشي على الأرض
هي الأولى في الحضور
و الأولى في الدرجات
تسهر الليل بالمذاكرة
وبعض الذكور يسهر في البارات والمراقص !!
و في الكلاس الذي أدرس فيه حاليا
تعبت حتى أكون الأول على الكلاس
وما أتعبني إلا وجود بنت سعودية ( ما شاء الله تبارك الله )
البنت السعودية هي الأولى دائما على الكل
هي من يمثل الأسلام أفضل تمثيل
هي من يمثل بلدنا أفضل تمثيل
ولو نظرنا للواقع , الولد من يحتاج محرم وليس المرأة
الولد يحتاج من يتابعه حتى لا يشرب ولا يفعل المحرمات ويبيع دينه
والواقع أن المرأه تأتي ومعها أخوها المحرم
وهي تجري خلفة وتتابعه وتنجز كل معاملاته و تحافظ عليه
وليس هو من يحافظ عليها
البنت عندنا في السعودية إذا لم تجد وظيفة وأضطرت أن تعمل في قرية بعيدة وتقطع ألف كيلو متر ذهاب وعودة يوميا !!
لم يتكلم أحد !! ولا يسألها أين المحرم
والخطورة في سفرها بالصحراء في باصات منتهية الصلاحية أكبر من الخطر في سفرها للخارج
كم من معلمه شريفة عفيفة أرادت أن تصرف على أطفالها أو تساعد والدها المريض في مصروف البيت
و عملت في القرى البعيدة ثم . . . خبر في الجريدة معلمات يحدث لهن حادث وهن في الطريق الى العمل
و يتوفاهن الله
والله نحن الرجال ما نتحمل هذا كله
ولما يحصل لها فرصة للدراسة في الخارج تتهم في عرضها !!
ولو كان سفرها محرم لست أنت من يوزع الحسنات ولست من يكتب السيئات
{ فذكر , إنما أنت مذكر لست عليهم بمسيطر }
يوجد رب كريم عظيم يرأف بحالهن ويعلم سرهم ونجواهم
وهو أكرم منك ومن جميع البشر
إن أخطأت في نظركم في سفرها للخارج
فأنت أيها الشاب انشغل بعد أخطائك ومعرفة ذنوبك عن النظر الى ذنوب الناس
لست مفتي حتى تفتيهم !
والفتاوى موجودة لا يوجد حاجة لصراخك و نقدك
وكم رأيت شخص يشدد في مواضيع في الدين لانها لا تهمه ولا تمسه
ولما يحتاج موضوع مهم يرمي بالاحكام عرض الحائط ويقول الله غفور رحيم !
عموما . . . الكثير من الفتيات بدون محرم وهي آمنه ولا خوف عليها و مجتهدة في دراستها
و تخاف ربها و متمسكة بحجابها
ولم يضرها بعدها عن اهلها
( لا أقول حرام أو حلال وإنما أذكر ما رأيته بعيني وسمعته بأذني من حال المبتعثات )
ياشيخ ربي يسعد ام جابتك
الله يوفقك في الدنيا والاخره يا اخ ابراهام ...كلامك عين العقل