مكتب تجسير وتحويل الطلاب للملحقية ...هام .../على الدنيا السلام

السلام عليكم ...


بعد السلام ...والتحية ..حدخل بموضوعي على طول ,

الموضوع عن مكتب تجسير >>>>كلمة مكتب حرام عليه والله

اتصلت على المكتب بعد عناء طويل عبان ما حصلت رقم يردو عليه .....

طلعتلي وحدة بنت متحمسة ....>>>>>شكلها سورية انا قلبي دق ,قلت شكلي بستلم قبولي الحين ....:smilie_gruenweiss:

قلتلها السلام عليكم ...كيف الحال ...مكتب تجسير ؟؟

قالتلي اتفضل ...

قالتلها انا متبعث ولين دحين ما جا قبولي وموعدي مع السفارة بعد يومين ......

قالتلي : ومين قلك تحجز موعد بالسفارة ,دا الكل بيسوويه وهو غلط .....

>>>انا هنا فار دمي بلا سورية بلا هم ....وما اقدر احد يكلمني كدا وافضل ساكت >>الولد دمو حاامي :gun:

قلتلها عفوا ..!! على اي اساس عبتحكي معي هيك ...؟؟

انتو لو صدقتو بكلامكم ...ووزعتو القبولات من 15 نووفمبر ...كان كل شي تمام ومافي مشاكل وانا اتصلت على مكتب وورلد اديوكيشن جروب ...وقلي نحن ارسلنا آخر اي توني لأخر مبتعث كان يوم 13 نوفمبر ....

هنا البنت سكتت ......

قالتلي هات رقم ابتعاثك : .....اعطيتها هو ..قالتلي انت تخصصك صيدلة صح >>>لاحظو فين الطامة الكبرى .

قلتلها ايوا ....

قالتلي ..ملفك مو عندنا .>>ابو جدك كيف كيف كيف كيف :axe:والله انا هنا اعصابي انهارت >>>اعصابك لوول

قلتلها كيف يعني وين ملفي .: مين حيجبلي قبولي .....

قالتلي الملحقية الثقافية السعودية بأمريكا اخدتو وهي بتجبلك القبول على الأغلب ....

>>>هنا بدأت البنت تتوتر وصار في وحدة تنقلها الكلام ...مدري ايش جنسيتها ...

المهم انا عصبت قلتلها بعد دا الأنتظار دحين انا كيف اتواصل مع الملحقية ....

سكتت وديك الي معاها بتقلها بالحرف ((قليلو قبولك مو عندنا عند الملحقية ...انت ما تفهم ))كدا بالعربي ...

انا فكرت تفكير عميق لكدة ثانيية و55 جزء من الثانية ....

قلتلها اوك يعطيكي العافية ....بس يا ريت تقولي ...للأخت الي معك تحسن اسلوبها ..ما حبيت اكبر بالكلام ..

خفت يجيبولي القبول ب مدغشقر بعدين ههههههههههه


والله مالي عارف ايش اسوي اضحك اعصب ابكي ...بلا اضحك للدنيا تتضحكلك بلا هم .....نص سنة راحت من عمرنا ونحن جالسين ....نسيت كيف ازاكر ...نسيت كيف احفظ ...

بالله دا مكتب يتعامل مع وزارة .....كلو كزب ونفاق ....وتصريف ....حسبي الله عليهم ..


والحل يا اخوان .......لو ضفلنا ساكتين ...كدا حيفضلو راكبينا .......

وبيمننونا .......وحنا الي لازم نمننهم .......بياخدو رواتب وبياخدو على كل طالب مبلغ وقدرة ...

ويتكلمو بطريقة مو لائقة بمكتب ابدا ....

حنتظر لين 30 نوفمبر ولو ما جاه ......قولو على مكتب تجسير السلام :blowup:

الله يعينكم أحنا قبول كندا رسلوه بس مو واضح ويوم زاد عليهم الكلام و السؤال رجعوا رسلوه مرة ثانية واضح وحتى ختم الوزارة واضح مو مثل الصورة الاولى

هههههههههههههههههههه ضحكتني الله يصيب الشيطان
والبنت دي اللي بتقول عليها .. اعرف طختها للأسف !
لمن رحت استلم قبولي .. مالت .. حتى اقلها طيب يختي فين ولايتي .. تقللي اقريه في البيت
ما ابا اقراه في البيت ابا دحين عشان لو ما كان مع اخويا ابا اغيرررر

المهمـ
لا تشيل هم .. تراها تصريفه جامده وانا اختك :)
لأنو بعض القبولات راح تتوزع في الملتقى .. لا تقلق :)

بالنسبة لموعد السفاره يحق لك التغيير مرتين .. دونت ووري .. موفق

الله يعيننا
والله فكوني بس عليهم آآآخ والله قهر
نستنى وفي الاخير موموجود
كيف يعني وش السوااات الحين ؟؟؟
للحين لاحس ولاخبر :(
كان الله في عوننا

افاااااااااااااا ياذا يالعلم .. اجل مو عندهم تقول هآآآه ..

هي لعب والا لعب .. بس عشان نفهم >_<

طيييييييب حدهم بكره ولكل حادث حديث .. قال ايش انتا مابتفهم عربي ياشيخه دبارتك عندي اذا ماشرشحتهم ماكون مبتعسه >_<

قسم بالله اننفجرت من اسلوبهم ذا غير النصب اللي عيني عينك بتقول مو عندنا اجل عند مين يابنت الايه عند الخباز مثلآ

وقبل ماطلع بليز حطلي رقمها ودي اعيد عليهآ بكلمتين ^_^

لا تخاف ولا على بالك القبولات حتتوزع في الملتقى ان شاء الله
او قبلو بس انت خليك ريلاكس ودونت ووري اوكي تيك كير باااااي
الله يوفقفك يارب ..تحياتي

رامي واللهي نفس الكلام السورية تكلمني وحدة جنبها تنقلها الكلام !َ
المشكلة رجلي مكسورة ولا رحت لهم أشوف أيش الهرجة أخخخخخ
ربي يسرها أمس أرسلت للوزارة كلامهم عن طريق الإيميل وردولي ملف مرفق صورة توصفلي مكتب تجسير الفكر كروكي > يعني ضف وجهكـ بالعربي >
مسألة صعبة > لاني قادر أذاكر ولا ني قادر أشتغل ولاني قادر أسوي شي بس أفكر أفكر أفكر

حنين : عسوول بس شكلها البنت ..

انو ما بتمزح اوشي ..شكلو منجد انو قبولاتنا او ملفاتنا بالملحقية ....

اقسم بالله عيب ....عيب وزارة ولا مكتب ولا اهلنا ولا الطفش ....من فين نحصل ولا نحصل ..

فراشة الربيع ههههههه ...

طولي بالك الشغلة مو مستاهلة تصبي >>>بيهدي الناس وهو فاير دمو ....:D

مالنا غير 30 نوفمبر بعد كدا حتشوفي انواع الأنقلابات والمظاهرات

ههههههههههه

شكلي شكلش شكلي بلقم الرشاش والله