لمن تصير الأيام سواء
حياتك بدون ألوان
الناس وجوههم كلها هم
وكل واحد منهم ساهر على ليلاه
وإذا أعطاك شوية وقت مو علشانك يامسكين
علشان يحس ويشوف إنك في وضع اسوأ من وضعه
مو الواحد إذا شاف مصيبة غيره تهون عليه مصيبته
ولمن يصيرللأكل نفس الطعم
ولساعه نفس الدقايق
لمن يمر الوقت وتطالع حواليك كل واحد لاهي في حياته وأنت...
للأسف تنتظر نعم تنتظر
تنتظر رساله
وكل مارن جوالك طرت وتفتحها وأنت تقول يارب هي
وبرضوا للأسف كنت غلطان
لمن تكره الناس الي يعايدوك لأنهم قاعدين يلعبون بأعصابك
لمن تصحى الصبح ماتلاقي حواليك غير ....
الجدران
ولمن تفكر أنت ليش هنا
وماتلاقي جواب
لمن تحس نفسك ماتحس و تشوف نفسك ماتشوف
لمن يهزئونك وماتتأثر
ليش صابر وماتلاقي جواب
تعرف ليش أنت متحمل القرف الي أنت فيه
لأنك تحترم قراراتك
وتعرف إن اختيارك هو الصح
ومن جد متمسك بطموحك
أقولك خليك زي ما أنت ولا تغير من نفسك شئ
إذا تبغى شئ سويه ولا تخلي أحد يوقف في وجهك
لا تتردد أنت تعرف نفسك أكثر من أي أحد ثاني