رد: مبتعثة زوجها أو مرافقها موظف أرامكو
مرحبا
أختي بالاول اللهيسر لك أمرك يارب
أنا نفس حالتك بالضبط بس زوجي بالاتصالات السعودية
جالسين نعافر على اجازة بدون راتب والوضع جدا معقد
بالمحاولات بياخذ شهرين من رصيد اجازاته وشهرين بدون راتب لانه كلم المدير الاقليمي للمنطقته في العمل وقاله بس تسافر ارسل ايميا وانشالله نعطيك 9 شهور بدون راتب
يعني بصراحة الوضع مره على المحك
وانا ما ابي يترك شغله لانه زين وراتبه زين
بعدين المشكلة الاكبر
انه حتى لو أخذ اجازة بيعطونه بس سنة والتخصص مابيكون اقل من 3 سنين للماستر
الله يسر الامور
انا شفت موضوعك وحسيت فيك لاني جد بنفس الوهقة
الله كريم
رد: مبتعثة زوجها أو مرافقها موظف أرامكو
الاجازه الاستثنائيه فقط لموظفين الحكومه
اما ارامكو قطاع خاص تعتبر
مااتوقع عندهم الااذا احد مجرب قبل
الله يعطيك الف عافيه
رد: مبتعثة زوجها أو مرافقها موظف أرامكو
ياليت يعطونا اجازه استثنائيه
كاا ماحترنا كذا ولاتعبنا من التفكير في الموضوع
رد: مبتعثة زوجها أو مرافقها موظف أرامكو
الاجازه الاستثنائيه مستحيله للقطاع الخاص حتى مع الواسطه صعبه
يابنات والله خبرة ازواجكم بتوظفهم لو ماتوفقوا في البعثه بس واحد تارك وظيفته ومتغرب اكيد انه بيشد حيله وبينجح وتخيلوا خبره وفوقها شهاده صدقوني الشركات بتتهاوش عليهم هذا فرصة العمر ,, انتواذا بتجلسون تسمعون كلام الكبار اللي اهم شي انتو ماسكين وظيفه خلاص اذا بتسمعون كلام كثير وتحطيم بتجلسون زي مانتوا طول عمركم اللي عنده طموح ويبي يغير من نفسه ومن بيته ومن عائلته وتغير المستوى التعليمي للعيال والعائله ككل ويشوف ثقافات جديده ينتهز هذي الفرصه ويطالع لقدام وانشالله لكل مجتهد نصيب ويقول صلى الله عليه وسلم ( من سلك طريقاَ يلتمس فيه علماَ سهل الله له به طريقاَ الى الجنه ) ونسأل الله لنا ولكم التوفيق
رد: مبتعثة زوجها أو مرافقها موظف أرامكو
ياسلاااااام مافي اجازه استثنائيه بارامكوا ؟؟؟؟ معقوله
يعني راااح المرافق
طيب وش الحل ياناس اتوقع انه فيه انشاءالله بس مين احسن واحد/وحده الي تجيب الخبر الاكيييييييييد
ياااارب فيييه ادعوا معايه
رد: مبتعثة زوجها أو مرافقها موظف أرامكو
الله يعينا على شغل ازواجنا
اخاف تروح احلامنا كلها بالابتعاث
الله يسهلها يارب
رد: مبتعثة زوجها أو مرافقها موظف أرامكو
قلبي كلا معورني انه يمكن مااروح
واحسني بموووت قهر لو مارحت
وربي حلللللللم حياتي اخذ لغه وادرس برا
غير الحين زوجي وعيالي معي
ياربي
لاتحرمني اياه
رد: مبتعثة زوجها أو مرافقها موظف أرامكو
مرحبا
والله هالنوع من المواضيع صار يسبب لي ازمة , لاني امر في مثل هالحاله .طبعا كتبت موضوع هنا ..و اغلب الناس انصحوني بالوظيفة
انا خريج جديد .. وطلبتني شركة براتب فوق 10 بشكل مبدئي .. ويصير فوق 15 بعد كم سنة و الوظيفة على حسب مايقولون مريحه .. وفي نفس الوقت ..حصلت لي البعثه ... بجد موضوع يحير.
لكن لو تجي لموضوع القلب و العقل و المنطق .. قلبي يقول روح للبعثه وتزوج و درس عيالك هناك و خلهم يستفيدون ومنها زوجتي تدرس ... وعقلي و المنطق يقول .. روح للوظيفه وخذ لك على الاقل خبره ... والى الان انا محتار بشكل غير طبيعي وخصوصا ان البعثه كانت حلم يراودني من 5 سنوات يعني يوم تخرجت من الثانوي.
في نقطه .. التخصص الي راح ادرسه يختلف عن التخصص الي كنت ادرسه في البكلريوس ... لكن قلت لو بروح البعثه بروح عشان زوجتي تدرس هناك ... مدري هل هي تستاهل التضحية او لا... لاني لسه مو متزوج :)
على العموم.. انا اكتشفت ان هالنوع من القرارات ياخذها صاحب الشان نفسة فقط .. لكن مايمنع ان نسمع اراء الناس.
بالتوفيق,
رد: مبتعثة زوجها أو مرافقها موظف أرامكو
الله يعين الجميع ويريح لاكم جميعا ،،
اماتقررقرار لا تفكر لليوم وبكرا فكرا بعد 10 سنين وبعد عشرين سنه
لما تكون موظف بشركه وش ممكن توصل بعد عشر سنين وبعد عشرين سنه وش ممكن تحقق لذاتك ولعائلتك
ولما تطلع وتاخذ ماجستير ودكتوراه ايش بتكون بعدها وكيف بيكون حالك
ولما زوجتك تدرس وتتوظف او تكون قاعده هنا لا وظيفه ولا شي
غير كذا الواحد يفكر لما يتقاعد
اذا كان من الناس اللي دوامهم مرره متعب لما تتقاعد بيكون وظعك سيء
ماعندك ولااا شي تسويه ووظيفتك عزلتك عن الناس والمجتمع تقريبا ولا سمحت لك انك تمارس اي نشاط تجاري لو كان بسيط
الوضع متعب والفرار صعب
اهم شي انك واثق من نفسك وانك تتحمل الغربه بكل متاعبها
وواثق انك بتصون نفسك مهما كانت التحديات ..
لانه مصيبه اذا اخطأ الواحد ,,
بالاخير الله يوفق الجميع
وربي حاسه فيكم .
رد: مبتعثة زوجها أو مرافقها موظف أرامكو
اي والله صادقه الاخت fatat
ووضعنا جدا محير