شنو رايكم أطلب تأجيل البعثة أو لااااا ؟؟

طبعا عرفتو من الموضوع أني بحيرة وأبي مساعدتكم ومتأكدة انكم ماراح تقصرون معاي
بالصراحة أنا موعد ولادتي في صفر و موعد دراستي في 21-3-2011
ومو عارفة هل أقدر بعد الولادة اعمل أجراءات الفيزة وتخلص أو يمكن تطول وتروح علي البعثة

لأني بصراحة ما ودي أأجل البعثة

عندي كم سؤال و أتمنى تجاوبوني عليهم طبعا أبي كلام أكيد مش توقعات

كم الفترة تستغرق لأستخراج فيزة كندا
هل شهر أو شهر ونص بالكثير؟؟
أذا كان بالفترة راح تكفيني

والسؤال الثاني
أنا بالنسبة لظروفي راح أسافر قبل موعد الدراسة 10 ايام تقريبا
هل الشي يأثر علي أو عادي
لأني سمعت من ناس تقول لأزم قبل الموعد بشهر هل الكلام صحيح
وانا باكون بالفترة أنتظر خروج الفيزة يعني ما اقدر

في حالة الولادة سكون تأجيل البعثة أمر ممكن كما ذكر وكيل الوزارة عبد الله الموسى

أمـآ عن موعد حضورك لو استطعتي الحضور قبل البدء بيوم واحد لا يوجد أية مشاكل

موفقه يآرب =)

تقدرين تأجلين البعثه الى مابعد الولاده
وبالنسبه لفيزا كندا
شهر بالكثير وتطلع
ولاتنسين انه انتي اذا ولدتي بالسلامه بتحتاجين تطلعين للبيبي فيزا كمان

بالتوفيق

السلام عليكم ..
عزيزتي الموضوع راجع لوضعك الصحي بعد الولادة .. اذا كنتي من الناس الي بعد شهر من الولادة ممكن تدرسين وتبدين كرف عادي .. حلو لا تاجلين والفيزا ابدي فيها من الحين انتي وزوجك .. والبيبي اذا ولدتي سوي له .. لانه نوو وي انهم ياخرون فيزا حقة بيبي .. لكن الكبار هي الممكن تتعرض لتأخير .. هذي شغله ...

الشغله الثانيه اذا بغيتي بريك بعد الولادة بسيطة بدون ماتطلبين تاجيل من الوزاره ولا شي .. خلي المكتب اللي جاب لك القبول يعدل لك تاريخ بدأ الدراسة للترم الي بعده اللي اعرفه معاهد امريكا اغلبها كل شهرين يبدا كورس .. مادري عن نظام كندا .. بس اذا كان كذا حلو بس تاجلين شهرين عن طريق المكتب ..

وبالنسبه انك لو بتروحين بتروحين قبل الدراسة ب 10 ايام .. ياستي انتي الي عندك الخبر الاكيد .. لانه في الــ I-20 يكتوب لك اخر تاريخ ممكن تجين فيه واظاهر من متى ممكن تجين .. فالشغله بسيطة لا تشيلين هم ..

بس زي ماقلت لك انتي فكري هل تبغين ترتاحين شهرين والا تبدين علطول ..

والله ييسر امورك ..

مشكورين على المرور والافادة

أذا كانت الفيزة اكيد تطلع في شهر ماراح أطلب تأجيل البعثة وبكمل اجراءاتي بعد الولادة والله المعين