اخر الاخبار ( تغيير الولاية - المرافق - تاجيل الدراسة - حجز موعد قبل I20)
بسم الله الرحمن الرحيم
السلام عليكم
اليوم رحت لمكتب تجسير من اجل قبول زوجتي قبل رسالة الوزارة ب 10 دقايق
@ تغيير الولاية @
سالته عن تغيير الولايه
قال تقدر تغير الولاية بنسبة 100% اما انك تختار معين يمكن بنسبة 50 %
طلب مني اسم المعهد قلت له المعهد التابع لجامعه اوهايو بكلومبوس
قال مافيه امل
قلت ليش يعني مجبورين على معاهد تجاريه قال ايوه
قلت طيب انا ابغى المعهد هذا
قال ادرس بالمعهد اللي نجيبه لك 3 شهور بعده تقدر تغيير
@ المرافق @
سالته عن وضعي كمرافق
قال روح جيب لي شهاده بنكيه بمبلغ 45000 بعدين تراجع وقال 75000
قلت له قبل شوي تقول 45000 قال لا ما قلته ههههههه
بجانبي شخص سالته قال ان اللي سمعت انه قال 45 الف
وبرضوا واحد من الطلاب بعد قال مكتب تجسير يقول 30 الف
صرفها الرجال قال : انا اعطيتك الحد الاعلى
والله ضاق صدري وانا ما فرحت على الله ادبر 40 الف
قلت طيب متى تبون الشهاده قال اذا تقدر اليوم جبها مع صورة الجواز
بعد ما طلعت منه ب 10 دقايق جتني رساله الوزارة ان قبول زوجتي عند الملحقيه
@@@ تاجيل الدراسة @@@
يقول اخر شي تقدر تاجل شهر 6 ميلادي
@@حجز موعد قبل وصول القبول @@
اما بالنسبه للسفارة فقد ارسلت لهم ايميل استفسر عن حجز موعد قبل وصول القبول
وان اكتب كلمة NONE في معلومات المعهد N0000000000 في رقم السيفس
هل هذه الطريقة سليمه
ردو لي بعد 3 ايام
YES YOU CAN
بس اللي عايقني ان بطاقتي الفيزا ما طلعت الى الان
مع تمنياتي لكم بالتوفيق
رد: اخر الاخبار ( تغيير الولاية - المرافق - تاجيل الدراسة - حجز موعد قبل I20)
انا مرافقي لما استلم قبولي قالوله ترسل الشهادة البنكية وصورة الجواز ع الايميل
واللحين ننتظر قبول مرافقي
انت مكتب تجسير اللي فين قالك هالكلام
طيب اللحين اتوكل على الله واخذ موعد بالسفارة واكتب بياناتي واخوي اسوي له مثل ماذكرت
ومشكوووور
رد: اخر الاخبار ( تغيير الولاية - المرافق - تاجيل الدراسة - حجز موعد قبل I20)
رد: اخر الاخبار ( تغيير الولاية - المرافق - تاجيل الدراسة - حجز موعد قبل I20)
شكرآ اللة يجزاك بالخير ويرزقك ويحقق امانيك...
رد: اخر الاخبار ( تغيير الولاية - المرافق - تاجيل الدراسة - حجز موعد قبل I20)
اقتباس:
المشاركة الأصلية كتبت بواسطة حلم.
انا مرافقي لما استلم قبولي قالوله ترسل الشهادة البنكية وصورة الجواز ع الايميل
واللحين ننتظر قبول مرافقي
انت مكتب تجسير اللي فين قالك هالكلام
طيب اللحين اتوكل على الله واخذ موعد بالسفارة واكتب بياناتي واخوي اسوي له مثل ماذكرت
ومشكوووور
الرياض بس ما سالته اجيبه له ولا ارسله بالايميل لانه سد نفسي بسالفة ال 75 الف
بالنسبه للموعد والله لو معاي بطاقة فيزا حجزت وخلصت
لان حتى لو يجي لزوجتي قبول ما راح اكتب المعلومات لان يمكن اغير الولاية او اغير موعد الدراسه
وانتي اذا انتي من الناس اللي ودها تمشي بدري توكلي على الله واحجزي لان الزحمه اتوقع راح تكون
بعد ملتقى امريكا لاني اتوقع راح يسلموا القبولات دفعه وحده
رد: اخر الاخبار ( تغيير الولاية - المرافق - تاجيل الدراسة - حجز موعد قبل I20)
يعطيك العافيه عالموضو
بس اا تبغى تسوي موعد للفيزا قبل ماتطلع بطاقتك تقدر تسويها عند مكتب
الله يوفقنا ويسهلنا امور البعثه يارب
رد: اخر الاخبار ( تغيير الولاية - المرافق - تاجيل الدراسة - حجز موعد قبل I20)
شكراً على حرصك واهتمامك
مودتي لكـ...
رد: اخر الاخبار ( تغيير الولاية - المرافق - تاجيل الدراسة - حجز موعد قبل I20)
برآفوؤووؤ عليك
طرح بطل ,, أحسنت صنعآ
الله يوفقك يآرب
وتنحرم يدك من النآر
ويسعدك دنيآ وأخرهـ
ايش كمآنآ !!
ايوه ويسهل أمورك ك مرآفق
ويسهل اجرآءاتكم انت و المدآم :1eye:
رد: اخر الاخبار ( تغيير الولاية - المرافق - تاجيل الدراسة - حجز موعد قبل I20)
موضوع روعه
يعني زوجي اذا بيجيب له قبول
لازم هالمبلغ والله حرام ولعب
المفروض الوزاره مسهله هذا الموضوع علينا
بالتوفيق
رد: اخر الاخبار ( تغيير الولاية - المرافق - تاجيل الدراسة - حجز موعد قبل I20)
أأنا أرسلت لهم طلب تغيير الولايه ، ولا رحت لهم
الله يكتب الخير
مشكور على المعلومات