تحولت بأقل من يومين ..وارتحت من مماطلة تكسير الفجر
السلام عليكم >> رد السلام واجب
اممممم مدري شَ قول من الفرحة هع
http://www.mbt3th.us/vb/imgcache/111127.png
هذي لي لا تفرحووون واجد لأني اتحولت :clap3:
المهم مالكم بالطويلة وصلني قبول ILSC بمونتريال
وانا والله من اول مااخترت كندا وقرأت عنها ان هذي المقاطعة سكانها فرنسيين وانا حاسة ان بيجيني قبول فيها أدري حظي نحس >> أوووخص يااحساس :sweatingbullets:
أنا السبب نقيت على نفسي يعني أنا هربانة من فرنسا لكندا يقومو يحطوني بمقاطعة فرنسية
المهم واقول يمه ادعي لي ان مايجيني قبول في مونتريال ويجيني بفانكوفر
وتروح الوالدة الله يطول بعمرها وتشقلب الدعوة :wallbash:
والأدهى انها حجت بعد الله يتقبل يآرب وعلى صعيد عرفة يمه لا تنسين ادعي لي
وتشقلب طآل عمرها الدعوة
وبداية الاسبوع اللي راح وصل الايميل فيه قبولي أنا ومرافقي اللي بيفصل بسبتي ومتخيل الدنيا ورديه وآخرتها مونتريال عز الله اللي وهقت ولد النآس
رغم اني مااعطيتهم أي شي لمرافقي
وبسم الله افتح أكيد فااانكوووفر من دعاوي الوالدة
والا يطلع مونتريال :new_shocked:
أنا : يمممممممممممممماااااااااااااااااااااه جاني قبول
أمي : الحمد لله أكيد مون مون مونتيول >> لا احد يضحك على مميمتي :heart:
أنا : وش دراك ؟
أمي : مو بأنا أدعي لك حتى وأنا ساجدة
أنا : لا والله الا تدعين علي
وبعدها فهمت ان كان عندها لبس بالاسماء فديت تراب رجولها والله
راسلنا الواد تكسير الفجر
وانتظرنا وانتظرنا دون جدوى >> كيف الفصحى بالله :shifty:
وانا أحوس هنا بمبتعث شفت موضوع لواحد حول من طلاب أمريكا الله يوفقه http://www.mbt3th.us/vb/forum134/thread233595.html
قلت مابدهاش كندا وأمريكا واحد :sticktongue:
أرسلت لنفس الايميل الموجود بورقة القبول info@ilsc.ca
وكمان لقيت ايميل المسئول عن التسويق لمعهد ILSC هنا بمبتعث mschlag@ilsc.ca
وهذا الايميل بعد وحدة استفادت منه بتعدييل بياناتها هون بمبتعث wasem.rateb@ilsc.ca
وطلبت منهم تحويلي لفانكوفر أو تورنتو >> ماتفرق معي
بنفس الموعد أو بعدة >> بعد ماتفرق معي
وبلغتهم ان كمان فيه خطأ بتاريخ الميلاد << تأكدو من تواريخ الميلاد اللي تجي بالقبول
أرفقت لهم قبولي انا ومرافقي وصورة جوازي أنا واياه
أرسلت لهم الرسالة يوم الاثنين بعد المغرب بتوقيتنا طبعا
ووصلني منهم رد يوم الثلاثاء بتوقيتنا بعد أنهم أرسلو قبولي الجديد لتكسير الفجر
واليوم الاربعاء أرسل لي تكسير الفجر قبولي أنا ومرافقي بفانكوفر بنفس موعد القبول السابق وعدلو لي تاريخ الميلاد بعد
مايستفاد :bwush:
* تأكدو من دعاوي والديكم هع
* لا تنقو على نفسكم
* كسرو راس تكسير الفجر قبل يكسر روسكم من الصداع
* تأكدو من تواريخ الميلاد بالقبول ممكن تسبب مشكلة بالفيزا
* اللي ما وصلها من بنات كندا قبول لمرافقها مع قبولها ترسل لتكسير الفجر صورة من جواز مرافقها وصورة من قبولها وتقول لهم يجيبو له قبول بنفس المعهد والفترة
والله حنا المبتعثين ضعيفين :bye2: راضيين بالمعاهد التجارية
يعني الفرحة مش سايعاني عشان معهد تجاري :crap:
بس وش نسوي نسلك عمرنا كم شهر فيه لحد مانضبط أوضاعنا ونشوف لنا معهد أكاديمي بإذن الله
وبس طولت عليكم
فمان الله وبالتوفيق للكل ان شاء الله
:)
رد: تحولت بأقل من يومين ..وارتحت من مماطلة تكسير الفجر
الله يوفقج يا قلبي ويريدج اللي في بالج ويبارك لج
الله يخلي لنا امهاتنا ويخليهم في صحة وعافية ياااااا رب
الله يسهل علينا وننقبل بعد في معهد عدل ....
تعرفين حبيبتي معهد تجاري في تورنتو او اكتفي بمعهد كنج جورج واتوكل ؟؟
الله يوفقج مرة ثانية ويسهل عليج كل الامور يااااارب
رد: تحولت بأقل من يومين ..وارتحت من مماطلة تكسير الفجر
رد: تحولت بأقل من يومين ..وارتحت من مماطلة تكسير الفجر
وعليكم السلام والرحمه
ومبروك عليكي القبول وعقبالنا ان شاء الله
وكندا افضل من امريكا بالمرافق ماتطلب شهاده بنكيه ولا حساب الله يعينا بس
رد: تحولت بأقل من يومين ..وارتحت من مماطلة تكسير الفجر
اقتباس:
المشاركة الأصلية كتبت بواسطة maroco_sakura
الله يوفقج يا قلبي ويريدج اللي في بالج ويبارك لج
الله يخلي لنا امهاتنا ويخليهم في صحة وعافية ياااااا رب
الله يسهل علينا وننقبل بعد في معهد عدل ....
تعرفين حبيبتي معهد تجاري في تورنتو او اكتفي بمعهد كنج جورج واتوكل ؟؟
الله يوفقج مرة ثانية ويسهل عليج كل الامور يااااارب
آمين يآرب
هي أغلب قبولات تكسير تجارية ماادري عن معهدك والله اعذريني
أسألي بقسم كندا مايقصرون هناك
ويوفقك يآرب
حيآك
اقتباس:
المشاركة الأصلية كتبت بواسطة ساره الدلوعه
مبروووووك عقبال الشهاده
يبآرك بعمرك ياعسل وعؤبااااالك
اقتباس:
المشاركة الأصلية كتبت بواسطة soso_1
وعليكم السلام والرحمه
ومبروك عليكي القبول وعقبالنا ان شاء الله
وكندا افضل من امريكا بالمرافق ماتطلب شهاده بنكيه ولا حساب الله يعينا بس
الله ييسر للجميع يآرب
رد: تحولت بأقل من يومين ..وارتحت من مماطلة تكسير الفجر
ههههههههههههههههه
الله يسعدك ويخلي لي الوالدة يارب
والف مبروك التحويل وعسى ربي يرزقنا كل ما نتمناه وافضل
موفقة
رد: تحولت بأقل من يومين ..وارتحت من مماطلة تكسير الفجر
ألف مبروووووووك
ولا تنسي سلمي لي ع الوالده
رد: تحولت بأقل من يومين ..وارتحت من مماطلة تكسير الفجر
الف مبرووك
الله يوفقك ويسهل امررررك
ادعيلي معك يوصلني قبولي على خيرررر
رد: تحولت بأقل من يومين ..وارتحت من مماطلة تكسير الفجر
مشالله عليكــ قويه هههههههه على البركه بس انا مشكلتي ابغى اقدم تاريخ الدراسه ارسل على ايميل تكسير العسر ولاالاقي جواب منهم وش الرأي؟؟؟!!!
رد: تحولت بأقل من يومين ..وارتحت من مماطلة تكسير الفجر
اقتباس:
المشاركة الأصلية كتبت بواسطة Dr.Nada
ههههههههههههههههه
الله يسعدك ويخلي لي الوالدة يارب
والف مبروك التحويل وعسى ربي يرزقنا كل ما نتمناه وافضل
موفقة
ويخلي أمهات المسلمين جميعا
ويبارك فيك ويسعدك يآرب
حيآك ندوج
اقتباس:
المشاركة الأصلية كتبت بواسطة سأبتعث إن شاء الله
ألف مبروووووووك
ولا تنسي سلمي لي ع الوالده
كح كح غبااااااااار سأبتعث وينك هع :hypo:
الله يسلمك ويبارك فيك يارب
اقتباس:
المشاركة الأصلية كتبت بواسطة احلام طفله
الف مبرووك
الله يوفقك ويسهل امررررك
ادعيلي معك يوصلني قبولي على خيرررر
ان شاء الله يارب تتصبحي على قبول يفرحك يآآآآرب
الله يبارك فيك
اقتباس:
المشاركة الأصلية كتبت بواسطة mooood
مشالله عليكــ قويه هههههههه على البركه بس انا مشكلتي ابغى اقدم تاريخ الدراسه ارسل على ايميل تكسير العسر ولاالاقي جواب منهم وش الرأي؟؟؟!!!
لا وقسم موب قوية :dead1: بس ذي الامور يبي لها قوة
ويارب اسير قوية :showoff: الله يسمع منك هع
دام ماردو عليك تكسير
قدااااام
الله لا يعوق بشر
أرسل لهم الموعد اللي تبي تقدم له وبث :thumbsupup: