متى يمكنني تأجيل البعثه ؟
السلام عليكم ورحمه الله وبركاته
مريت بظروف او بالاخص كثره الامور الي في راسي سوت لي شوي لخبطه الا والله واجد مو شوي وتردد كثير
وخلوها على ربكم
انا الحمدالله تم قبولي في الماجستير امريكا ولكن للحين ماوصلني القبول في المعهد وارسلوا لي تجسير انهم بيرسلون لي بس في شويه ضغط مو مشكله ع العموم
انا ابي اعرف طريقه كيف اجل البعثه لمده ميعنه مثلا سنه
هل من الوزاره او انتظر لمن يطلع قبولي في المعهد واكلمهم واقولهم ابيه السنه الجايه
وش الاجراءات اتمنى تفيدوني لاني من جد من جد متلخبط فوق تحت فا يليت تردون علي عشان ارتب اموري من الحين
لان في اشياء كثيره متوقفه ع هالقرار الي بسويه
شكرا لكم وجمعه مباركه عليكم
رد: متى يمكنني تأجيل البعثه ؟
هل من احد يرد علي :( :(:(:(
رد: متى يمكنني تأجيل البعثه ؟
انا راسلت الوزارة بخصوص تأجيل البعثه > وهذا ردهم
تأجيل البعثه بعد الملتقى ولأسباب قوية جداً
فقط هذا ردهم مع اني سالتهم عن اقصى مده للتأجيل >ولكن ماجاوبوني >وانتظر الملتقى لعلي ألقى جواب شافي بإذن الله
رد: متى يمكنني تأجيل البعثه ؟
وانا مثلك ماستر امريكا وماجاني قبول >>وياليت اقدر أأجلها لما تسمح ظروفي >بس سمعت ان قرار الابتعاث له مده معينه واذا ماطلعت لك هالقرار تروح عليك البعثه
شف انااا من كثر ماقريت ودورت وسمعت من الناس اللي أجلو
انك اول شي اذا جاك قبولك وصار وقت بداية الدراسه مايناسبك انت تراسل المعهد يغير لك وقت بداية الدراسه او عن طريق مكتب تجسير > ولاكن تجسير احسه موب فاضي يأجل لانه للآن ماجاب قبولات العالم
وبعد ماتأجل دراستك تبدا بأمور الفيزا حتى لوكنت ماراح تسافر الا بعد 8 شهور او سنه >طيب >> وبعدين تكمل باقي الآجرآت من قرار ابتعاث وضمان مالي ...الخ
وبالنهايه تقعد تنتظر موعد دراستك وأمورك خالصه وقرار الابتعاث مطلعه قبل لاينتهي وقت الابتعاث للمرحله السادسه >علشانك تعتبر منهم اوو بس :)
ترا هذا اجتهاد شخصي يمكن فيه خطأ لاكن هذا اللي لاحظته
اتمنى من عنده معلةمات مختلفه يقولنا
رد: متى يمكنني تأجيل البعثه ؟
تسلموووووون ياشباب
نبي واحد جرب وسوواها من الدفعات الي قبل ويفيدنا
رد: متى يمكنني تأجيل البعثه ؟
أدخل على هذا الموضوع فيه مبتعثين من المرحلة الثالثة والرابعة والخامسة
بعضهم طلعوا قرار الإبتعاث وبعضهم لسه http://www.mbt3th.us/vb/forum14/thread205942.html
رد: متى يمكنني تأجيل البعثه ؟
مكتب تجسير ممكن يأجلون لك ا3 شهور فقط
اذاتبي اكثر من كذا لازم لازم تخاطب الوزاره ترسلهم خطاب مع نموذج من عندهم اسمه نموذج مراجعه مع تقارير طبيه اذا اسباب صحيه
واستعين على امورك بكثرة الدعاء والاستغفار
رد: متى يمكنني تأجيل البعثه ؟
القبول اللي معي من المعهد
يقول بالمختصر لو ما حضرتي بالموعد المحدد
يمكن الحضور بتاريخ ثاني
كيف مدري
رد: متى يمكنني تأجيل البعثه ؟
طيب مثلا لو خلينا قبولنا بالمعهد متأخر عشان يعني نأجل شوي
ينفع مع الوزارة والا بتقول لنا لا متأخر موعد دراستكم ؟