أهل الغربية اللي مازالوا محتارين بين قنصلية جــده و سفارة الريـــاض ...

السلام عليكم ..

كتير مننا محتار اذا يطلع الرياض عشان الموعد و لا يعمل مقابلتو هنا ..

طبعا انا لسه ما سويت شي لاني بستنى الاي تويني من تجسير .. و اليوم ماما كلمتهم .. قالو اليوم وصلت دفعة وباقي كم دفعة تيجي و دي اليومين بيرسلولنا .. >> سمعنا دا الكلام كتير و من جنبها .. :sticktongue:
ماعلينا.. نستنى و ان شالله ربنا يعوضنا خير ..


المهم نرجع لموضوعنا .. أنا من قبل الحج راسلت القنصلية الامريكية في جده و السفارة الامريكية في الرياض .. عن اذا كان بامكاني اخد موعد في القنصلية ..

هذا النص اللي ارسلته ..

I am one of KASP students and I live in Jeddah, so are the appointments for the scholarship students are going to be held ONLY at the U.S. embassy

in Riyadh?

and is there any problem if I set up an appointment at the consulate in Jeddah?

I look forward to hear from you

Thanks alot,

و هذا جواب سفارة الرياض

Dear Mashael,

Although we are encouraging students to apply on the special days set aside in Riyadh, you are welcome to apply for a visa appointment in Jeddah if that is more convenient. Simply follow the normal F1/F2 visa application process, which you can find on the Jeddah Consulate website: http://jeddah.usconsulate.gov/visas/non-immigrant-visas.html .

All the best,

Beth

وهذا جواب قنصلية جده :(الرد ماجاني الا بعد ما نسيت اني ارسلت اصلن):wounded2:

You can take a visa appointment here in Jeddah.



Hanin Kamal



فالزبدة انو نقدر ناخد مواعيد في جده لو كانت تناسبنا اكتر ... :hbeat:


الحمدلله اتطمنت بس الى الان خايفة من شي واحد لو اخدت موعدي في جده....

الضماااااااااااان المااالي:happy_crying:

اخاف هنا يطلبونا اياه .. مع انو انا هنا شفت مواضيع الاخوان اللي عملو المقابلة .. انه البعض اكتفى برقم الطلب (كاب) و البعض طلبوه ضمان.. فلو كانت الهرجة لااازم لااازم ضمان معناتو في طلعة للرياض و لو كانت فيها رياض يعني خلاص احسن اسوي المقابلة هناك ..

و شي تاني .. صحيح انو قنصلية جده معقدة؟؟؟؟؟؟؟؟؟
انا صراحه ماقد طلعت منها فيزة ..
السنة الماضية طلعت فيزة من سفارة الرياض وقتها كانو طلاب المرحلة الخامسة (برضو هما يوم اتنين) بس انا كنت ثلاثاء حتى اتذكر سألني الموظف انتي تبع الخامسة قلتلو لا طالعة على حساب الوالد ..:sweatingbullets:
بس كانت مقابلة بالمرررره سهلة و طلعت الفيزا بأقل من اسبوع بس ربنا مااراد و ماسافرت.. :(
الحمدلله .. الله يعوضي دي السنة ..


المهم انا حبيت اوضحلكم انو مافي مشكلة لو اخدنا مواعيد في جده ..:naughty:
لاني الى الان شايفة كتير محتارين

دعواتكم و بالتوفيق


:v:

الحمدلله اليوم كانت مقابلتي في القنصليه االامريكية بجده لا تعقيد ولا شي في النهايه هي خيارات كل واحد يختار الي ريحه بس خلينا واقعيه ابدا مافي تعقيد حتى اذا راسلتي الوزارة راح يعطوكي خطاب موجه للقنصليه وراح يرسلو عليكي بالايميل .
فالخيار ليكي بالنسبه لمقابلتي كانت عادي حتى اني ماعندي اصلا I 20 ورحت وقبل كل شي استخرت قبل لا اخذ الموعد لاني حجزت بالرياض من كتر التشويش الي الناس عملوه لي وكلهم كانو يحزروني منها وهم اصلا ماجربوها سمعو كلام انها مو كويسه في الوقت الي بترفض طلاباتهم غالبا الضمان المالي حقه مو مرتفع او ماعنده اثباتات قويه فده ممكن يروح الرياض اما المبتعثين الي يشحططو نفسهم على موعد وهو موجود في مدينتهم ده شي راجعلهم ده مجرد راي لي بس ووجهة نظر وفي النهايه مااصرت اسمع وافتح ادني لاحد لانو لو جيتي ناقشتي الي قال كذا وتعمقتي معاه في الكلام راح يكون في شي ضايقه وعمم على كل شي بدون مايوضح السسب الرئيسي
اما مكتب تجسير والله نفسي احرق ده المكتب عشان الادارة الكبيرة عالاقل تلاحظ ويبطلو يماطلو ويعشمو الطلاب حسبي الله عليهم

مبرووك عقبال ماتطلعلك الفيزا..

يعني افهم من كلامك انو ما طلبوكي الضمان ؟؟ بس سألوكي عن رقم الطلب؟؟؟؟؟

طيب يعني برايك ... نعبي الابليكيشن ؟؟ انا ما عبيته لاني انتظر القبول ,,

صح كذا ؟؟

الله يبارك فيكي وفي حياتك ياقمر .
طلبوني خطاب او اي اثبات من الوزارة اي شي بس يثبت انك من ضمن المبتعثين يبغو ورقه مو رقم انتي حافظته يبو اثباتات ملموسة .
المهم شوفي ده الرابط
http://www.mbt3th.us/vb/forum16/thread235589.html

وحتى الاخ كيويل لمن عمل المقابله في الرياض طلبو منه ضمان او خطاب من الوزارة يعني انتي مو ضامنه الي يعمل معاكي المقابله تكون في راسه حبة سوده ويبغى خطاب شوفي الرابط للموضوع
http://www.mbt3th.us/vb/forum134/thread235572.html

في الاخير الخيار الك اتوكلي عالله واختاري المكان الي يريحك وان شاء الله سهاله فين ماروحتي يارب

اقتباس:

---

المشاركة الأصلية كتبت بواسطة فيزياء الضوء

طيب يعني برايك ... نعبي الابليكيشن ؟؟ انا ما عبيته لاني انتظر القبول ,,

صح كذا ؟؟

---

انا اقلك بالنسبه لي المقابله حمل وارتحت منه ومافي اسهل منها وبالاضافه انا روحت الموعد ومريضه عندي نزلة معويه للاسف المهم جسرت على نفسي ورحت وكان باين انو مريضه والحمدلله خلصت منها الان انتظر القبول عشان اسدد السفيس وارسله عليهم .
كده يصير همي واحد مو همين تجسير ومقابله واضافه اتفرغت لتجسير بس للاسف فرع جده ماتستفيدي منه اي شي فقط حلقه وصل لتسليم القبول الموظفين الي فيه بنفسهم ماعندهم اي صلاحيه .
وبالنسبه للابلكيشن عبيت حقي من تاريخ 10 نوفمبر او قبل كمان مني متزكرة بالضبط التاريخ يعني من زمان وبس قبل المقابله طبعت الاوراق .
في ناس في المنتدى تشكك انو غلط ومدري ايش بس اكتشفت هم بنفسهم خايفين وماعندهم اصلا علم باي بروسجير في تعاملات السفاره الامريكيه والقنصليه لانو بعد فتره وجيزة من تهديداتهم انو ماينفع نزلو مواضيع يستفسرو فيها كيف الحجز ومدري اش .بالنسبه الي اي شي كنت احوس فيه ارسل للقنصليه ايميل والله واليوم نفسه يجيني الرد حتى طفشتهم لدرجه الجنون بس صراحه مررة متعاونين .
قلبك دليلك سواء بدك الان تحجزي او لا الخيار ليكي واكيد عندك خطه بتمشي عليها من انو تبغى تسافري بدري او لا وربي يوفقك ياختي دنيا واخرة واسفه عالاطالة

تسلمين يالغلااااااا ..

انا ودي اسافر بدري

وشكلي رااح اعبي الابليكيشن واحجز موعد لي ولأخويه اليوم

واريح راسي

طبعا انا من الناس اللي جااتهم رسالة تأمين القبول

ويارب تتسهل الاموور

اقتباس:

---

المشاركة الأصلية كتبت بواسطة فيزياء الضوء

تسلمين يالغلااااااا ..

انا ودي اسافر بدري

وشكلي رااح اعبي الابليكيشن واحجز موعد لي ولأخويه اليوم

واريح راسي

طبعا انا من الناس اللي جااتهم رسالة تأمين القبول

ويارب تتسهل الاموور

---

يارب من تمك لباب السما
ان شاء الله قبولك وصل بشرينا
اما انا تحت رحمت المكتب الخيبه تجسير :sticktongue:

^^
اختي طيب انتي شسويتي؟؟؟ جبتيلهم ضمان؟

أنا فتحت اللينك وقريت الموضوع و الردود واللي فهمتو انو سالو عن الضمان بس الوزارة مايردواااا عل احد ..
انتي راسلتيهم و ارسلولك الضمان و لا كيف؟ ياريت تفهميني والله موضوع حيرني..

يب انا عندي نفس سؤال مشاعل ^_^

لانو انا لسة ماجاني القبول وانا من مكة ومررررررررررررة مشوار اروح الرياض !!!

وبفكر اسويها في جدة بس ابغى اتطمن وابغى اللي راحو في جدة يقولولي ايش سوو بالتفصيل بليز يعني :)