اللي فهم كلام الدكتور القجطاني بخصوص المعادلة يتفضل مشكورا

باختصرها لك

القحطاني هذا

ماعنده ماعند جدتي

يعني عندك حلين او ثلاث

ياتسألين الوزاره

ياتدخلين موقع الوزاره قسم معادله الشهادات

يانك تصبرين اذا رحتي هناك تاخذين كل العلوم من الملحقيه

وانا اشوف ان هالكلام وقته مو الحين

يعني ركزي عاللغه واول خطوات الابتعاث المهمه وبعدين لكل حادث حديث

لانو اذا رحتي هناك اكيد عندك خيارات اكثر ومجالات اوسع

وبكل خطوه عندك الملحقيه

مركز كامل متكامل بجميع موظفينه المتخصصين بجميع شؤون الابتعاث

فريحي نفسك واتركيك من خرابيطهم

^^^ قلتها قبلك

السلام عليكم

اسمحوا لي انا فعلا ماحضرت اللقاء هذا ولا اعرف الدكتور هذا بس حبيت اقول لكم ملاحظة اتمنى تكون مفيدة لكم

باختصار شديد جدا جدا ..

اذا كان التخصص اللي بتدرسونه في الماجستير امتداد لتفس تخصص البكالريوس ..هاذي مافيها مشكلة ...
اذا ماكان امتداد لنفس التخصص ... الوزارة ماراح تعادل الشهادة ... ايش يعني ماتعادل الشهادة؟
يعني انك بتصير عندك شهادة ولكن ماتقدر تقدم بها للوظائف الحكومية فقط...وبإمكانك التقديم بها للشركات الخاصة وغيرها.

امثلة
بكالريوس عربي ...... ماجستير حاسب الي
بكالريوس رياضيات فيزياء كيمياء .....ماجستير شيء ثاني
هاذي ماراح يعادلوها

اتمنى ان كلامي مفيد وجيد انكم تتأكدون من كلامي من مصدر رسمي

أنا الي فهمته انه اذا عطتك الجامعة مواد تكميليه لمدة لاتقل عن سنه ممكن انهم يعادلونها لك،
بس رجع بعدين وقال انها لازم تكون امتداد للتخصص فكلامه متناقض و يقلب الراس ويرفع الضغط و..
لذلك انا انصحك انك تأخذين بكلام الاخ قرقووش واذا جاء وقتها يحلها ربك.
موفقه عزيزتي
الله ييسر أمر الجميع

اختي الفكرة مو انك تتغربين وماراح تستفيدين شي
لا بس هم يبغون مصلحتك لان هنا
الشركات على سبيل المثال يبغون يكون تخصصك في الماستر امتداد للبكالوريوس
انتي تقدرين تغيرين تخصصك هناك من تسويق الى اي شي يناسب تخصصك البكالوريوس
اسئلي عن تخصص اسمة ( لغويات ) هذا مرة مرة يناسب تخصصك
وموفق اختي

انا الي اعرفه انه كل الشهادات لازم تتعادل سواء كان الماستر امتداد لتخصص البكالوريوس او مش على امتداد

بس التخصصات الماستر الي منها امتداد يحسبوها دبلوم عالي ...

*
ركزوا ركزوا ركزوا
- اللي مختار تخصص ماجستير ليس امتداد لتخصص البكالوريوس إذا وإذا فقط لم يأخذ مواد تكميلية لن تعادل له الشهادة
أما إذا أخذ مواد تكميلية فبإذن الله تعادل له ..
لأنه فعلا مايصير خريج او خريجة لغة عربية يدرس ماجستير بالتسويق
طيب وش أدرس ؟
ياتدور جامعة تعطيك مواد تكميلية ’ ومنها تكمل ماجستيرك
أو غير التخصص لتخصص مقارب لك وتوافق عليه الملحقيه " قد لايكون من التخصصات المطروحه اساسا"

- اما بالنسبة لدكتوراة الصيدلة والدكتوراه في العلاج الطبيعي هذي برامج تدرّس بالجامعات الامريكية وتوازي البكالوريوس عندنا
ماتوازي الدكتوراه اللي هيPHD - يعني اللي طالع ماجستيراو دكتوراة لايدرسها لانها لن تعادل له على انها ماجستير او دكتوراة
تعادل بكالوريوس واستنثى اهو بعض البرامج ماهي كلها مثل دكتوراة في ادارة الاعمال وغيرها انا نسيتها

فيه كتاب وزعوه اخضر صغير عن المعادلة اقروه وراح تفهمون او ارجعوا للموقع راح تحصلونه..
الله يعينا ويوفقنا

معليش أنا آختلف معكم في رأيكم في الدكتور .. بالعكس إنسان فاااااهم جداً وصاااارم .. ويعطيك المعلومات الصحيحة مو لف ودوران زي بعضهم..

المهم معادلات الشهادة بكل بساطة هي :
أي شهادة تجيبيها من الخارج لازم يسوون لها عندنا معادلة علشان تقدرين تتوظفين بها سواء في قطاع خاص آو حكومي ..( يعني باختصار لو ما تعادلت شهادتك ما كأنك درستي ولا كأنك أخذتي شهاده)
وكمان عندهم في الخارج شهادات يسمونها دكتوراة .. لكن لما تجين عندنا في الشروط تبع الجامعات السعودية ما تعتبر دكتوراة آبداً وحامل هذي الشهادة ما يستحق يكون دكتور .. فهذي إللي قال عنها إنها تعادل بكالوريوس ..

١-لما يكون تخصصك في البكالوريوس نفس الماستر مافيها أي مشكلة وراح يعادلوا لك الشهادة .
٢-لما يختلف التخصص ولكن اختلاف منطقي لازم تدرس مواد تكميلية وتختلف مدة المواد التكميلية حسب اختلاف التخصصات عن بعض.
٣-لما يختلف التخصص اختلاف جذري (زي ما قال) مثلا : لغة عربيه وماستر حاسب .. هذي لا تعاااادل الشهادة فيه آبداً.

وبالنسبة للي يقول خذي لغويات للي تخصصهم لغة عربية .. صحيح إنها إمتداد للتخصص لكن هذا التخصص (لغويات) غير متاح في التخصصات إللي محددتها الوزارة للمرحلة السادسة!!

وبصراااحة أنا أؤيد هذه المعادلات والشروط إللي حاطينها علشان يصير الواحد دكتور أو آستاذ ماجستير .. !! لأن الدكتوراة مو اسم بس .. نبغى فعلاً آشخاص يحملون شهادة الدكتوراة اسما وعلما ..

تخيلوا معايه لما يجيك دكتور في الحاسب مثلا وكل ما سألته سؤال يقول لك ما آدري!!!!!
معليش خرجت عن الموضوع بس أنفعلت.

وسلامتك ..