الأعضاء الإشتراك و التسجيل

الملتقيات
ADs

مابين إلغاء البعثه ,, و اكمال الاجراءات ..^^ فضفضه واستشارهـ

مابين إلغاء البعثه ,, و اكمال الاجراءات ..^^ فضفضه واستشارهـ


NOTICE

تنبيه: هذا الموضوع قديم. تم طرحه قبل 2564 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية BnOta@SugAr
    BnOta@SugAr

    مبتعث مستجد Freshman Member

    BnOta@SugAr كندا

    BnOta@SugAr , أنثى. مبتعث مستجد Freshman Member. من السعودية , مبتعث فى كندا , تخصصى صيدله , بجامعة ...Guelph
    • ...Guelph
    • صيدله
    • أنثى
    • ...vancover, B/C
    • السعودية
    • Nov 2010
    المزيدl

    December 9th, 2010, 09:15 AM

    نفسي ألغي البعثه ونفسي اكمل اجراءاتها
    احس اني ضايعه .. ماعمري اتمنيت اني اكمل دراستي براآا ومو من طموحي ادرس قسم طبي بالعكس اكرهـ المستشفيات ولما خلصت الثانوي استبعدت فكرة التقديم في اي مجال طبي واتوجهت للاقسام العلميه واخترت الكيموووو حبيب قلبي ^^ وبعدها..

    اتزوجت ومابعدو الا الحمل ومابعدو الا الولادهـ سحبت من الجامعه عشان الحمل والمعامل ماينفعو سوا
    ورجعت كملت صيفي وفجأه...............
    قدمت عالبعثه ماعرف ليه ... بس والله احس شي مسيرني شي يمشني مو بهوايا كأنها مكتوبه ليا ولازم اطلع ..
    سحبت ملفي وانا مابا اروح اسلمو لجهات التدقيق كان رمضان وكنت في التاسع وتعبانه اخر شي
    واوراقي ناقصه وملخبطه وحووووسه وانا اللي اركب السياره واتوجه للفندق من غير تفكير ومعايا اوراقي الناقصه من غير مااشيل هم اخدوها كان بها ... طردوني اهلن وسهلن بروح على مذركير بقضي اشيا للبيبي على طريقي مافرقت يعني << هع
    وانا الي اروح متأخرهـ بعد الوقت المحدد بساعه... والاقي الناس مشيت
    فرحت !! والله فرحت قلت احسن مابا اقدم اصلن
    يلاه على مذركير واقول الكلمه من هنا ويطلعلنا سكيوروتي ويقول مقدمين ابتعاث ؟؟

    لسه الرجال موجودين ... رح من هنا رح من هنا لوحدو محد سألو ^^ والا السيارهـ تلف وتروح للمكان المحدد وينزل زوجي مع اوراقي الناقصه وشهادة الثانويه الغيررر مختومه لاحظوا بس
    ويقابل مسؤول متفاهم اخد الاوراق وعدل على بياناتي ( لما قدمت في النت كنت ألعب ومو جادهـ وحطيت النسب مو زي اللي في الشهادهـ غيرت الفواصل بما اني حامل والذاكرهـ يالله لكـ الحمد )
    المهم وطبعلو الطلب وقلو كمل اوراقك وتعال بكره عشان التدقيق اخر يوم
    وخلصناااا ونسيييت
    احس اني مااستاهل البعثه .. ماعرف يمكن
    لانو انا ابدننننن ماحسيت بالوقت خخخخ ولا عمري استنيت مسج من الوزارهـ
    قدمت في النت ونسيت ولما جاتني رسالة التدقيق استغربت ووريت زوجي المسج مااستوعب لانو مايدري اني مقدمه اساسن ..
    اعطاني ضهرو وكمل نووم .. وانا قريتها مرهـ تانيه وشوفت التاريخ متى..؟ بيكون الاسبوع الجيي ؟اهاا.. اوك .. ورجعت كملت نومي خخخخخخ
    قدمت اوراقي ونسيييييت امر البعثه تخيلو ^^ نسيت
    لاني انشغلت بولاده وعيد ونفاس وفجأه مسج الترشيح لكندا وانا جالسه اسوي العشا في المطبخ قريت المسج وحطيت الجوال عالرف << لا مبالاهـ
    خخخخخخ وكملت طبخ ... اكمل ولا وجعتلكم قلووبكم ببرودي ....
    اوك نكمل اصلن انا بهرج ماني ساكته ...

    المهمـ
    ولما جاني مسج تجسير الفكر دا استنكرتو وقلت ايشبهم دول مصروعين كلو كدا ورا بعضووو مابا اسافر دحين صقعه هيا .. دوبي والدهـ
    ولما جاني القبول ...المبكرررر
    ......بكيــــــــــــــــــــــــــــــــــــــــــــــــــــــــــــــــــــــــــي يييييت وبكيت وبكيت وبكيت
    لانو موعد السفر بعد 3 شهور وانا اللي متوقعه اني اسافر بشهر 7 او 8 زي كل المبتعثين اللي قبلي
    مرهـ ندمانه ومحتاسه وغير مستعدهـ وشايله هم البيبي وهم ماما كيف بسيبها انا وحيدتها وهيا وحيدتي في الدونياآا دي احس اني اتسرعت واتورطت
    يوم اتحمس للدراسه والمستقبل ويوم استنكر الغربه والوضع
    يعني 7 سنين والله مو قليل
    ضميري يأنبني غيري اولىبالابتعاث ولما اشوف مواضيعكم استغرب واحزن عليكم واحتقر نفسي
    اللي يستنى ويستنى وفي النهايه يجيلوا قبول متأخر ويقدم طلب تقديم موعد الدراسه واللي متأزم اوراقو ناقصه واللي ماجاهم قبول وللي اتأخروا عليهم في رسالة الترشيح واللي يدعي عليهم خخخخخخ واللي يقولي ادعولي وتعبت واتهجولت ... وانا ولا حاجه جالسه افكر في ادفى مدينه في كندا وابا اخر موعد الدراسه ولا ااجلها سنه << مجرد حلم ...
    وفي ازمه كمان اني مااقدر اعيش في بلد موثلج كني كورة ايس كريم في التلاجه ماقدر
    يجيني اكتئاب ازا صحيت يوم وماشوفت الشمس


    كل صباح زي دا الوقت افتح الشباكـ واتفرج عالشمس واتكلم معاها افضفض لها
    عمركم شفتوا احد يحب الشمس ^^
    والله اجلس ااقولها ياشمستي الله يخليكي لا تروحي وتسيبيني في كندا تعالي كل يوم ابغاكي ماقدر اعيش من غيركـ<<<<< خخخخ خبله ولله الحمد
    من جد عندي خوف ولا مرض ولا وشو ماادري بس اكرهـ الغيوووم والامطار الزايدهـ
    يعني المطر فين وفين يجينا لما يجي افرح بيه بس لا يكتر حدك يومين تلاته وخلاص ابا شموستي ترجعلي.. ووالله وانا صغيرهـ افتكر سمعت من ناس انو في بلد الليل فيها 6 شهور والشمس 6 شهور او حاجه زي كدا .. المهم انفجعت وجلست افكر طول اليوم كيف نروح المدرسه في الضلام كيف نصحى الصباح مافي صباح خخخخخخخ
    كيف كدا مافي عصافير ولا زرع << علموها في العلوووم انو الزرع يبغالو مويا وشمس خخخخخ دافورهـ ماشالله
    ...... يعني ....
    كل همي دحين مودراسه ومعهد وقبول
    همي شمس وبيت وراحه ^^ زي ما انا دحين في بيتي وشمستي داخله وورداتي عالشباك متفتحين وقهوتي فايحه ريحتها وورعي نايم الله يكفيني واياكم شر قومتو ^^ والعصافير تصوصوو وروقاااان <<< ياسلاااام احلى شي
    دايمن افكر ايشلي وايشل الغربه والهجوله والتعب وقلة الراحه مابا خلاص انا مبسوطه هنا والكيميا حلوه واحبها والجامعه قريبه من البيت <<<< احد يرقعني على راسي يمكن اعقل
    والله مادري بس ازا في احد يعرف يواسيني ياريت مااكرهـ وهدا غرضي من الموضوع المنسم دا
    وازا في احد بيدعي عليا ولا بيتشمت بليز .. حدكـ اووووت لو سمحت بالطيب مو ناقصني
    لحسن ضميري مأنبني عالاخرررررر وضايق خلقي من البعثه واجراءاتها
    الله يسهل عالجـــــميــــع ^^
  2. الى صاحب الموضوع....اول شي البعثه ماهي لعبه....ولازم تعرفي ان اجراءاتها

    كثيرهــ

    انتي لازم تعرفي انك انتي ام وعندك ولد وزوج...


    فاذا رحتي البعثه ووصلتي لدوله الابتعاث طبعا زوجك لازم يترك عمله عشان يرافقك

    وزوجك اجباري انه يشتغل او يدرس..فهل انتي قادره انو زوجك تخليه يتخلى عن عمله.؟؟؟؟

    وطفلك اذا وصلتي هناك يحتاج للحضانه والحضانه ماهي على حساب الملحقيه بل على حسابكم انتو من مكافأتكم..لانو انتي وزوجك بتكونو تدرسو هناك وطفلك لحالو؟؟

    فهل انتي راضيه وقادره على تكاليف الحضانه؟؟؟؟

    وموعد دراستك قريب وانتي باقي ما غلقتي اشياء كثير هنا؟؟فهل انتي قادره عالتحمل والصبر والمثابرهـ؟؟؟؟




    يا اختي الكريمه...انا بتكلم شوي بجديه في الموضوع..وخلينا شوي من المزح...

    انتي لازم تكوني جديه والمفروض انك تعرفي من الان انو راح تكون عليك مسؤوليات زوجك وولدك ودراستك ؟؟؟؟




    السؤال ////هل انتي قادرهـ على انك تكملي؟؟؟؟


    انا مجرد وجهه نظر فقط لا غير....


    بما انك في جامعه قريبه منك ومرتاحه لها نفسيا وزوجك متوظف وظمن نفسه بالوظيفه

    ومعاك بيبي يبغا امه معاه دايما.....


    انك تبقي في السعوديه.....



    وفي النهاي القرار لك انتي


    ....

    لاكن لازم تتذكري هذي الجمله


    //هل انا قادرهـ اني اكمل واتحمل كافه المسؤوليات؟؟؟؟؟


    وبالتوفيــــــــــــــــــــــــــــــــــــــــــ ــــــــــــــــق
    7 "
  3. ياويلي كلامكم حيرني زيادهـ
    انا كل مبتغاي من البعثه الدرااااسه
    وماعرف يعني صعبه القرار والله مو سهل زواج ومسؤولياتو ولا دراسه ونجاح << اتمنى وحده زي ووفقت بين الاتنين تنصحني
    اما اني اختار ....؟؟
    البعثه مصلحتي فيها ومستقبلي وشهاداتي..
    بس كيف ينجمعوا الاتنين سوا دا اللي محيرني وقالقني
    واقول هنا في الراحه والاستقرار وانا متحمله مسؤولية زواجي وبيتي والبيبي على اكمل وجه والحمدلله ما امدح في نفسي بس مااتحتجت احد وان اشالله ما احتاج ..
    بس الانسان بطبعو يحب الافضل والافضليه في البعثه لمصلحتي
    وزوجي على فكرهـ صغير ويبا البعثه عشان بيكمل دراستو معاهـ دبلوم وبيكمل بكالوريوس <<< حوسه تانيه
    ويمكن يغير التخصص بما اني فترة دراستي طويله يعني من ناحية زوجي مو قلقانه بس ماعرف بعد التنظيم والترتيب والراحه اللي انا عايشه فيها دحين كيف ح اتحمل حياه فوضى ودراسه مافيها لعب مو زي جامعتنا هنا نحضر محاضره وبعدها نطلع نتغدا مع البنات ونسحب عالتانيه
    وطبعن حياتي الزوجيه وبيتي ومسؤولياتي تهمني ..

    والله من يوم مااتزوجت ماعرفت طعم النجاح نسيتو من ايام الثانويه
    كلو عشان بيت وزواج ومسؤوليه تركت الجامعه على جنب بس رايحه جايا تسليه
    يعني دي فرصتي ارجع زي ماكنت وانا بنت ناجحه في دراستي والحمدلله
    وكنت ادرس في ثانويه اكاديميه مطوره واتخللتها نجاحااات غير عن كل السنوات
    كان تحدي بالنسبه ليا اني ادخل نظام جديد زي الجامعه ومافي كتب ومو ابلات اللي يدرسونا لا دكاتره ومعيدات لانو النظام صعب ومو اي احد يعرفلو والحمدلله مشيت فيه ونجحت بتفوق وكان احلى نجاااح ودا اللي مأملني
    اني انجح في البعثه دي بس
    هيا والله الاجراءات تمت بسرعه يعني حتى مالحقت افكر انا فعلا ابا اطلع ولا لأ
    كل اللي حواليني جاتك البعثه مبرروووك مبررروووك ..!! واخويا شجعني كتير لانو هو مبتعث
    كدا احس نفسي مشتته كل مابا افكر في الموضوع واقول اليوم ح اتخد القرار فجأه تجي رساله منهم وتلاقيني لا اراديا اسوي اللي يقولوه
    هاتي ملفك لتدقيق .. روحت , تم ترشيحك ادخلي عدلي بيانات المرافقين , دخلت ادخلي ارسلي ايميل للمكتب برقم الطلب ...ارسلت
    ح تطلعي شهر 3... صح رفضت وطلبت تأجيل و ماردوا بس.. لقيت نفسي بجهز للسفر وبنفكر نبيع السياره عشان نأمن مبلغ كويس ونأجر الشقه عشان يكون عندنا راتب اضافي << هنا قلقت وكتبت الموضوع لانو دا الكلام اللي هو التجهيز للسفر امس وفعلن حسيت بالخطر والجد
    وان شالله الاقي وحدهـ موفقه بين الاتنين تريحلي ضميري وتطمني ...
    وشكرااا لكل من مر وكتبلي رد فيكم الخير .. ^^
    7 "
  4. خشمك يا BnOta@SugAr


    أنتِ بصراحه جايبه العيد .. أجل أحد يبي الشمس بالسعوديه .. تمنيت انك تكلميني بالمسسسن عشان اصكك بلوك على دميجتك <- وجه معصب

    شوفي ياطويلة العمر خلينا ناخذ الموضوع حبه حبه وعلى قلبي حبه حبه <-بطلي عبط لايجيك كف ..

    الي فهمته من كلامك كلمة " فضفضه " والفضفضه في قاموسي تعني تفريغ للألم والأحباط وأيضاً تعني أخذ رأيي الي قدامك أما بتأييدك على فكرة السفر أو أقناعك برأي آخر .. وتنتهي المشكله

    وبصراحه باين من موضوع انك للحين ماوصلتي لقرار ورميتي الهم وبس ..وبعدها تشوفين وش الي بقنعك أكثر .. !

    اممم فكرة البعثه للبنت .. أعقد من الأولاد .. لأنه المسؤولية حتكون عليها كبيره والتحديات والمواجهات والقرارات الي ماتوقعت انها بيوم من الايام تتخذها راح تتخذ بها الموضوع ..

    حتى لو هي حاطه الفكره براسها ومعششتها من سنين وقدمت ومتحمسه وجاها القبول " تحس كذا بنغزة ألم بداخلها " وهذي هي طبيعتنا يالبنات مشاعرنا زي المحيط الهندي

    أنتي متوقعه بهالسهوله بتترك أمها وأبوها واخوانها وأخواتها وجيرانها وصحباتها والسوق الي دايم تقحص فيه جنب بيتهم والضحك والوناسه البيئه الي تكيفت عليها 20 سنه وبكل سهوله تروح بمكان مالها احد فيه ..؟

    فما بالك لما تكون محتاره بين زوجها والبعثه واطفالها وحياتها ووضعهم المادي والاستقرار .. ( كذا بتكون المعادله أصعب وأتخاذ القرار راح يكون قرار مصيري وحاسم )

    ياعزيزتي والله اني حاسه فيك وبمعاناتك وبغربتك بس بقولك شغله ، مو شرط فلانه وفلان من الناس متحمس ولا ماصدق جاه القبول أأنب ضميري واقول ليه ماني متحمسه مثله ؟

    ظروفه وحياته والاشياء الي بيتخلى عنها أكيد مو مثل ظروفي وحياتي ، وكمان أولوياته وطموحه يختلف عن أولوياتي وطموحاتي ..

    وأنا أدري انه تبيني اقولك يمكن ربي كاتبلك الخير هناك ..صح ؟ <-لا تقعدين تهايطين ع البنت

    ولكن ماتدرين يمكن يكون الخير لك هنا ، لأني شايفه كمية ألم وقهر في هالموضوع أنك منتي قادره ترفضين البعثه وخايفه ترفضينها وتندمي ..

    قوي قلبك شوي وحطي النقط على الحروف وأستخيري الله ، وسوي الشي الي منتي مرتاحه له وأذا تبين تلغين بعثتك .. ألغيها .. وأطلبي من الله أنه يعوضك خير ..

    وأوزني أمورك وشوفي أذا زوجك يستاهل انك تجلسين معه ، فهو يستاهل التضحيه ويستاهل انك تضحين بحلمك عشانه ، وباين من كلامك انه متعاون معاك جداً وأنه وقف معاك وقفة رجال مع أنك سويتي الموضوع من وراه وفاجأتيه بالقبول ألا انه ساعدك لآخر قطره وماسسسوى مثل بعض الرجال هداهم الله ( لعن سابع جد لك وقلك كلي تراب وانثبري بالبيت بلا بعثه بلا خرابيط ) ..

    القرار لك .. أستخيري وأتوكلي ..وأووووعي بصي أوووعي تندمي على قرارك ..اتحملي نتيجة قرارك للأبد وأنتي راضيه مبسوطه



    انا دحين في بيتي وشمستي داخله وورداتي عالشباك متفتحين وقهوتي فايحه ريحتها



    انتي قليلة ادب طيب اعزميني .. وسويلي فطور هههههه

    <- ياشين الي يدخل المنتدى وهو جيعان يلقى ناس ( ناس ناس الله يستر عليهم ) يحسرونك بعمرك بالورود المتفتحه والقهوه .. واعتصمااااه


    /


    الله يكتبلك يائلبو الي فيه الخير .. ويسدد خطآك .. ويوفقك لما يحبه ويرضاه


    وهأك ورده بآريسيه



    7 "
  5. بودليرايه ....
    الحمدلله اني بعيدهـ عنكـ ولا كان اتقرمعت ليما قلت امين اتفاهمي بالكلام بعدي يدكـ لاجنب خليها ورا ضهرك خوستيني بالضرب
    خخخخخخخخ والله كلامكـ عسل حبيتكـ اضحكـ وابكي مادري ايش دا اتجنننت شكلي بعيد عنك ^^
    رباااآآآاااهـ كأنو ضميري يتكلم والله انكـ حاسه فيا وفهمتيني صح
    خخخخخ عن الحكاكه مالكـ ومال تفكيري وانا اقرا ردكـ لا مو صح مااتوقعت تقوليلي كدا
    بس يعني اتورطت ومافي مفرر انا اللي مسكتني انو الحمدلله اموري سهااااله وماشيه والى الان ماواجهت اي صعوبه في اجراءات البعثه
    دا الشي يخليني اقول دا قدري ونصيبي حتى لو كان في تعب وتغييير حال مايجي النجاح اللي بعد التعب اسأليني ^^
    بس مدري والله مترددهـ
    ماعندي قلم احط نقط بيه ضاااع !!
    احس في شي مبهم في الموضوع مو عارفاهـ هو اللي مخوفني
    كيف ح اكون هناكـ كيف ح اتأقلم وامسك بيتي وولدي واكون مجتهدهـ في دراستي
    كيف ح اتحمل الغربه والغييييم اللي يدوم شهور ويجبلي اوم الاكتئاب
    خصوصا انو البعثه مو حلمي يعني لما يكون في عقبات كتير في الحياهـ تقدري تتحمليها بعزم وارادهـ بس انا عمري مااتمنيت الدراسه برا
    وعلى قولتك خايفه ارفضها اندم وخايفه اطلع وتكون غصه على قولة الاخت عذبه
    7 "
  6. بودليرايه << عاجبني الدلع
    الا على طاري الدراسه انتي ايش تخصصك ــ محلله نفسيه ^^
    اقلطي الفطور جاهز ولا تزعلي
    جبنتن وزيتوتن واللذي منه الخير واجد هع
    وشاي بحليب ^^ <<< خلص وقت القهوه
    فديتكـ ربي يسهل اموركـ ويسعدك
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.