بعض الإستفسارات والإجابات من مكتب تجسير

السلام عليكم ..

أمس الصباح كنت عندهم في مكتب تجسير الفكر في فندق الحماد بالخبر ..
كان الوضع مرتب أكثر من أول الأيام ، بحيث إن كل واحد ياخذ رقم وينتظر دوره ..


عموماً استفسرت منهم حول نقطة التحويل من ولاية لأخرى ..


قال لي الموظف المصري .. بإمكانك التحويل .. وخلال هالأيام بتوصلكم رسايل بخصوص التحويل
يعني إن شاء الله هاليومين تجي رسايل على الجوال أو الإيميل بخصوص إلي يبي يحول ولايته ..


بعدها تختار الولاية فقط ، وهم يجيبو لك القبول ، مو شرط من نفس المدينة أو الجامعة إللي انت تبيها
لكن من نفس الولاية ..

ويستغرق هالشي بين شهر إلى شهر واسبوع ..
يعني الدراسة تقريبًا بتبدأ في السمستر الثاني بالنسبة للي بيغيرون ولاياتهم ..



وبخصوص القبول الحالي .. سألته استخرج فيزا بهالقبول الي عندي ؟!
قالي لا ، دام انك ماتبيه لا تسوي شي بخصوص الفيزا وانتظر قبولك الثاني ..

يعطيكـ العافية اخوووي ^^

انا ابي اغيرر ولايتي وكنت اخاف يتأخروون !!
الحمد لله ان شاء الله ما تطوول السالفة +)

موفقيين جميعاً يااارب ^_^

ويييين شهر ولا شهر ونصف والله مو هينه

لكن خلهم يعطوني قبولي الاول .. وبعدين افكر في التغيير

الله يعين

أنا اريد التغيير لكن بقدم على الفيزا بقبولي هذا علشان ما يطوفني الدور في السفارة

طيب عادي نقدم ع الفيزا
وكانه ماجانا قبول

طيب محتارة هل اعمل وعد لبابي او لا؟؟؟
طلبت تغيير ويكون الدراسة بشهر مارس تتوقعون لو ماخذت موعد الحين بتأخر