ما الفرق اذا قدمت على الفيزا في الرياض او الظهران؟؟

أكيد اخوي مافي فرق ،،
لان انا الحمدلله اخذت الفيزا امس وانا مقدم على الظهران :
أخـيـرا أسـتـلـمـت الـفـيـزا الأمـريـكـيـة ولـلـه الـحـمــد .. (( التفاصيل بالداخل ))

بالعكس ،،، يمكن الظهران اسرع لان الحمدلله استلمت الفيزا منهم! .. وفيه واحد غيري مسوي المقابلة في الرياض ولااستلمها (بالرغم انا في نفس اليوم ونفس موعد الدراسة...)

وعلى فكرة سرعة اصدار الفيزا توفيق من الله عز وجل ...
يعني لا تسمع كلام الناس إلي يقول مثلا سوريا تأثر ولا غيره ،،،

الحمد لله .. لان افكر بالظهران علشان اختيار اليوم مو محدد ولا مقيد بتواريخ معينة ..

سلام

الله يوفق الجميع يارب وشكرا مقدماً للي عنده اجوبه على استفساراتي الثلاثة ..

استفسار (1)

اثناء تقديمي لموعد في موقع السفارة

يوم حطيت رقم الطلب لبرنامج الملك عبدالله وحطيت قنصلية الظهران

ماقبل تستمر الصفحة معي دايم يقول غلط

ويوم شلت رقم الطلب وحطيت سفارة الظهران مشت معي الامور ..

فهل مفروض دام اني ابغى قنصلية الظهران اني ما احط رقم الطلب لبرنامج الملك عبدالله ؟

::

وعندي استفسار (2) .. إذا كان المرافق سواء زوج او زوجة ويبغى فيزة اف 1 دراسية ..

في DS-160 يكتب المتكفل على حسابه ولا حساب البرنامج ؟

::

استفسار (3)

اذا طبعت صفحة التاكيد للـ DS-160 ..

وماسويت حفظ للابلكيشن ..

واكتشفت ان فيها اغلاط ..

ونويت اعدل فيها ..

هل هناك طريقة للتعديل ( وماهي إن وجدت ) ، أم لا بد من تعبئة ابلكيشن جديد ؟


/

مع خالص تقديري

مشكور اخوي
لاني ما ابي ادق مشوار للرياض اذا ما في فرق بين الرياض والظهران

وألف مبروك على الفيزا
عقبالنا
ياااااااااااااااااااا رب

جـ1/ لو تشوف موضوعي عن الفيزا راح تعرف اني مقدم قبل ما يخصصون ايام في البرنامج اصلا ،،،
وطبعا اكيد انك ماتحط رقم الطلب .. لان لو تحطه اجباري تسوي المقابلة في الرياض ويوم الاثنين فقط ،،
ولا تخاف مثل ما قلت لك انا سويت المقابلة في غير الايام المخصصة ومشت الامور تمام واستلمت الفيزا ولله الحمد

جـ2/آسف جدا انا مش بنت عشان يكون عندي مرافق هههههههههه ... اسأل الاخوان ان شاء الله يفيدونك ،،

جـ3/ مستحيل تعبي الابلكيشن بعد ماتخلصه نهائيا ،، لانه يرسل لسيرفرات السفارة ,,, الحل انك تسوي ابلكيشن جديد وتغيره في موقع حجز الموعد ،،

وبالتوفيق ،،

وعليكم السلام ..

اخي , أولاً التوفيق من الله عز وجل ..

ثانياً المتعارف ان سفارة الرياض أسهل من القنصلية بجدة والظهران ..

بالنسبه لي , جدة كانت أقرب , لكن حجزت للرياض عشان أضمن والضامن سبحانه وتعالى ..

بخصوص اذا عندك نواقص في سفارة الرياض , مايعطوك ورقة صفراء مثل القنصليات ولكن تكتب عليك نواقص اذا

عندك , ولكن ما أعلم سر عدم إعطائك للورقة الصفراء بالرياض !

أنصحك تقرأ تجارب الاخوان في مواضيع المنتدى عن السفارة بالرياض والقنصليات بجدة والظهران تحت قسم إجراءات التأشيرات وأمور القنصلية Visas Affairs - .:: مبتعث ::. ..

وأخيراً الخيار يعود لـك !

أتمنى لك التوفـيق ..

مافي فرق أخوي كله واحد

الفرق هو ان الظهران قنصليه والرياض سفاره

بالاضافه حسب كلام الشباب السنوات الماضيه الرياض سهلين في التعامل وواضحين
بالاضافه نسبة الرفض التأشيرات اقل بكثير من الظهران وجده خصوصا جده هذي الرفض فيها كثير
ويذكر انه في قنصيلية جده وحده كبيره بالسن هي السبب ههههه

بالتوفيق