الـــتكــتـك الــي عليه قبولك بطئ ولا ماوصل الى الان اتفضل !!!

السلام عليكم

انا روحت يوم الاثنين الماضي مكتب تجسير بصراحه انا مني عارفه
هم يكذبو او لا ده ماايخصني ذنبهم على جنبهم بس والله لفتني شي في
البدايه انا اتصلت عليهم يوم السبت وخاصمت كده بس لانو لازم كنت افضفض وقلت حرام اطفش احد معايا فاتصلت وخاصمت وبعد
المكالمة صح مااستفدت شي ملموس بس شي محسوس نفسيتي صارت احس وقالتي الموظفه والله على مااقول شهيد انو في دفعه جات وراح نرسل مسجات للاسف لي فتره اشقر على المنتدى لمن احصل عندي وقت فراغ ماحصلت مواضيع يتكلمو فيها الاعضاء عن رسايل وزي كده .
قمت يوم الاثنين اقطتعت من وقتي ورحت لهم عشان قبولي قالتلي بالحرف الواحد هذي الدفعه الرابع نحن جالسين نوزعها بس لاني كنت مستعجله ماجاء في بالي اسالها اذا في دفعه وصلت وهم لسه ماوزوعها يستنو على قولتها الدفعه الرابعه تخلص المهم انا خليتها تدور على رقمي في كل الفايلات للاسف ماحصلت اسمي صح خرجت زعلانه بس ان شاء الله نصوم نصوم ونفطر على شي مليح ..
اهم شي الي لفتني كل يوم في المنتدى احصل مجموعه كبيره تتافف ماوصلها قبولها طيب وهي قالتلي انو عندهم قبولات للطلاب يعني على كلامها مو ملف او اتنين قبولات قالتلي بالفم المليان قبولات ناس يعني معقوله القبولات الي عندهم كلها طلاب كنسلو البعثه .
بصراحه والله مااحب افتح مواضيع واعمل دوشه وزحمه في المنتدى بس الي ماجاته حتى رساله يرفع التلفون ويعلق عليهم الخط الين ماايرفعة امكن سبحان الله سقط سهوا ومارسلوله مسج اضافه انهم يفصلو الرقم وبرضو شفتهم بعيني تضغط زي يقفل المكالمة بس انتو حاولو والي يقدر يزورهم يطمن على قبوله برضو احسن
واتمنى للجميع التوفيق وده موضوعي مش للبلبة بس سبحان الله امكن ملفكم موجود مع الملفات الي جالسين عليها
وادعولي التكتك الي عليه قبولي وقبولاتنا يوصل لانو باين انو التكتك بطئ وفريد من نوعه عشان كده مااوصل
تجسير فرع جدة

مشكورة أختي وعقبال التكتك يسرع شووي ويجيب قبوولي معه

سوالي يا اختى انتي هل وصلك رساله من الملحقية ؟

اقتباس:

---

المشاركة الأصلية كتبت بواسطة خلود 2010

سوالي يا اختى انتي هل وصلك رساله من الملحقية ؟

---

انا مااوصلني شي من الملحقيه بالمررررررررة .
بس تجسير الي طفشني ورسلي مسجات المشكله لمن اهجد والهي نفسي في شغلي هم يرجعو يزكروني .
الله يسهل علينا جميعا

انا رحت بنفسي ولقيت الملف عندهم للاسف
نسوا يرسلون لي

واخذت الخميس منهم

p:
حلوه التكتك والله انهم كسلانين راكبين على سلحفاه نايمه وفوق هذا كلله الملفات تكوون موجوده لكن ما يعرفو يتصرفوا خخخخخخخ

القبولات مو على تكتك الا على حمار مربوط عليه عربية و جاية من امريكة و الان هم في صحراء ليبيا
اكرم الله القراء بس...

الله يعين ان شاء الله

ان شاء الله التأخير ذ1 يكون لكم حاجه كويسة

وبالتوفيق للجميع يارب