اختصار ملتقى جده اليوم 5/1 المجموعه السادسه ..

أنا موعد الملتقى حقي بكرا
بس الى الان ماني عارفه هل مرافقي ( زوجي ) يحضر معايا ؟؟؟؟؟؟؟
لأن فيه شغلات ممكن تخص الرجال يعني ضروري احنا الاثنين نحضر


اتمنى الاجايه في اسرع وقت

ايوه عادي يحضر زوجك
انا زوجي حضر عادي

عادي يااختي زوجك يحضر لانو في مكان مخصص للمرافقين .......تحياتي

أنا شفت واحد يسجل الملتقى الي في الرياض

هااااااي ياحبااايب
برضو اليوم كانت المحاضر حليوا وقرقر واجد خصوصا بما يخص موضوع معادلة الشهادات وااجهنا صدما كوووتيييييرة

اعطيكم هيا زي النقاط عشان لا تطفشو


في نقطة امس سيتها الي هيا ان الكل مفكر ان فترة اللغة 18 شهر يقولك الادمي الفوزان غلللللللللللللللللللللللللللللطهيا سنة وحدة ومالك غيره الالاربع شهور لمن حبسه حااااابس>>>>>> حلوة
يعني الي كان له عذر اعتمدته الملحقية بسسسسسسسس

اما اليوم كانت عن القوانين والانظمة زي السرعة والاخطاء المرورية وان مافيها تساهل وقروشة الجيران ودول الي يشوفو بزورة ويبوسوهم ويختي عليهم زى هنا .... هنااااك مافي ممكن تنحسب تحرش خصوصا للاشخاص الي راح يسكنو مع عوايل .... يقلك مجرد انك تغطي الطفل وهو نايم عندهم تفكير تاااااني ... فمالو داعي وسيبوهم مقشعييين <<<<<<<<<<<هههههههههههه
واتكلم على القبول وانو يكون مرة وحدة في السنة الي هيا يادوب تكون سنة اللغة عندنا احنا الماستر وعادة يكون شهرسبتمبر

يعني قبولات الدنيا والاخرة نرسل وقال المفروض بعد شهرين من السفر نبدا الارسال .. وهنا احد من اللاخوة سال كيف ارسل وانا ماخلصت لغة واغلب الجامعات تبى تعرف ايش مستوى اللغة ... قال الدكتور هنا يجي دور القبول المشروط باللغة يعني لما تحصل عليه كووووويس الي هوا( نقبلك بشرط حصولك على درجة كذا في اللغة)
بعدين صنف المعاهد الاحسن فالاحسن
طبعا الاولى معاهد التابعة للجامعات بعدها المعاهد الخاصة المعتمدة من الجامعة (زي الي يجيبوها تجسير)
اخرشي المعاهد الخاصة

اتكلم عن صرامة المعاهد التابعة للجامعة الاكاديمية و انها مرا كوووووويسه بس لا تقبل التلاعب زي الغياب والاهمال وكداوانها مرا قوية في تاهيلك للقبول وقال ان خلال دراسة اللغة لازم نقيس مدى تطور اللغة بالاختبارات الي زي التوفل والايلتس كل شهرين

وان العودة الى السعودية في مرحلة اللغة والتحدث مع السعوديين او العرب حاجة خطيرة على مستوى اللغة ..ومو لازم تسمع كلام الناس حول جودة المعهد انت جرب بنفسك ولك احقية التغير مرتين فقط اكتر من كدا لا لانه يؤثر على الطالب ويضيع عليه السنة

اتكلم على ان التاشيرة الي ناخذها هيا بس تاشرة دخول كندا يعني مجرد دخولك كندا انتهت صلاحيتها
ونبهنا ان لازم ناخد من موضف الجوازات تصريح الدراسة الي على اسااااسه راح تدرس .,,,, والي مايعرف يبشر بالمرمطة من داااائرة الهجرة
بالنسبة لموضوع التامين الطبي من هناك من كندا مالو اي شي من هنا ابليكيش تعبيه من الجامعة او المعهد يصدق من الملحقية وبس


نجي للهرج الموووووووهم
الي هوا معادلة الشهادات طبعن البكالوريوس يتعادل ببكالوريوس والماستر بالماستر وكدا ودا تتاكد منو من ناحية الجامعات الموصى بها اولا بالنسبة للجامعة والتخصص عندهم بدرجة ايش بالنسبة للمعادلة ودا كلو من موقع الوزارة

في بنات حزنوني كانو دراسات اسلاميه و واقتاد منزلي وعربي طبعا النظام حطهم تسويق
الدكتور قال دا نهااائي مو امتداد للتخصص ولا قريب منه ...... خصوصا انه شدد بالنسبة للدراسات العليه لازم لازم امتداد للتخصص او قريب منه ولا راح تتفاجؤ اثناء المعادلة و<<<<< انا هنا وربي انفجعت اصلا البنات صارو يقومو ةيسالو مساكيين

قالوله ايش الحل <<<< قال الحل تطلبي تدرسي بكالوريوس تاني في اي تخصص من التخصصات المتاحة خصوصة ان هذه البلاد ادي تحمل بكالوريوسيييين
انا مرا زعلت واللهي علييييهم مراااا

دا الي افتكرو .... اي سؤال انا حاضرة .... ولو افتكرت شي تاني جيتكم

لو سمحتوا اخواتي انا عندي أستفسار

انا ودي احضر الملتقى بعباتي ما فيني حيل ألبس عالصبح لكن أكيد بيكون وجهي مكشوف عادي ؟؟ظ

في احد استلم الخطاب الموجه للسفارة من الملتقى ؟؟

مسسساء الخير كيفكم اليوم ان شاء الله طيبين

سومي أخذتي عليا الجوو في موضوعي < اطلع انا برا يعني هههههه

اممممم طيب أنا حابه اقولكم اهم النقاط الي كانت في الملتقى اليووم .. اللي هوا ملتقى طلاب وطالبات كندا
يوم الأحد الموافق 6 / 1 / 1432

اممم أول شي كان المحاضر الدكتور : يحي تركي الخزرج ..

بصراحه كانت احلى محاضره وكلام الدكتور كان مريح ومفهوووم ومافجعنا زي اللي بعدو على قووول سومي هههه

لانو محاضرتو كانت عن القوانين والانظمه الدوليه واهم المشكلات القانونيه ...

طيب اول شي اتكلم عن شوط دراسه البكالوريس والماستر والدكتوراه وكان كلاااااام كثير بس اهم النقاط الي قدرت اجمعها

انو لما تجي تدرس الماستر او تقدم لازم يكون معدلك 3.75 من 5 وطبعا اعتقد انو جيد جدا انا مدري لانو معدالتنا كانت من 4

كمان قال انو لما نجي بنكمل دكتوراه لازم تكون دراسه الماستر درسناها بطريقه البحث مو طريقه الساعات وقال انو الفرق بينهم بسيط

يعني الأولى سنتين والثانيه سنه ونص اعتقد بس مافهمت ايش الفرق بينهم واتوقع انو الاولى اللي هيا البحث يكون فيها بحث علمي او شي

زي كدا يعني اصعب شويا من الدراسه الثانيه ..

قال انو الفصل الدراسي يآخذ حوالي 3 اشهر ..

بعدين اتكلم عن الأنظمه القانونيه في كندا وفي اشياء لازم تتنبه لها بصراحه ماكنت اعرف انهم يدققو على اشياء زي كدا ومنها ..

التأشيرات نوعين الي هيا تأشيره دخول وتأشيره دراسيه دي نأخذها من المطار قال .. قال انو في ناس يتوقعو انهم اذا دخلو كندا

وبعد فتره يطالعو بتأشيره الدخول وتكون انتهت يقولو بنروح نجددها لا دا غلط خلاص التأشيره حقت الدخول من يوم تدخل كندا تعتبر

ماتهمك قد تأشيره الدراسه .. دي نقطه

النقطه الثانيه انو مثلا لو معهدك كان في فانكوفر وانت تعرف أحد في تورنتو وخليت رحلتك من السعوديه على تورنتو عشان صاحبك

يستقبلك وتتسهل امورك هنا راح تواجه مشششششششكله كبيررره وممكن تتعاقب قانونيا لأنو يقول لازززم تدخل من المطار اللي

معهدك موجود فيه ماتحجز على مدينه ثانيه وتدخل من مطارها ..

بعدين اتطررق لأهم المشكلات القانونيه اللي ممكن تواجهنااا وركز فيها على الأطفااال كثيرر

يعني منها انو مانضرب الأطفال لانو راح يسألونا قانوني وممكن يسحبو الطفل منك ويودوه مدري فين شي كذا للأطفال

وانو مانترك الأطفال بالسياره وهيا شغاله وطبعا قال انو هنا بالسعوديه تصير كثير انو ينزل الأب يروح السوبرماركت والمكيف مفتوح

ويخلي الطفل قال هناك العكس راح يتكون الدافيه شغاله مو المكيف هههه بس برضو ممنوع مانخليهم بالسياره ولا تفكر انو مافي شرطه

تقول اصرف نفسي بسرعه انزل يقول هناك اتوقع اي احد يبلغ عنك من النظام الي عندهم < والله حسيتهم هما والشرطه اصحاب خخخخ

اقل موقف يدقو على الشررطه هههه

مانترك الاطفال بالمنزل والعنف الاسري بلاشي منوو ومخالفه انظمه السير كمان شدد عليهاا وعدم التعدي على حريات الاخرين .
.
كمان اتكلم عن المبتعثين اللي اطفالو يكونو في سن دخول مدرسه ماراح ينقـبلو في اي مدرسه حكوميه لو كان بمعهد خاص عشان كذا لازم

يقولو للملحقيه عن اولادهم وهما لازم يكونو بمعاهد حكومييه عشان اولادهم يدرسو حكوومي بدون دفع رسوم دراسه ..

اما عن بدا الدراسه للطفل عنهدم تبدأ من عمر 4 سنوات تخيلو ؟؟ مررا بدرري بس ممكن يكون فيي صالحهم ..

وقال انو ممكن يبلغو الشرطه عليك لوسمعو صوت طفل يبكي في آخر الليل يفكرونا بنضربهم هههه يعني ايش اسوي مثلا اكتموو ؟؟

كمان قال انو في رمضان وقت السحوور احنا بنصحى أخر الليل لازم نراعي انو اصواتنا تكون واطيه والا حيبلغو الشرطه الجيران

ههههههه ماقلت لكم هما والشرطه اصحاب .. انتبهو لاطفالكم لا يصرخو بس آخر الليل ..

كمان في وحده سألت انو الأطفال الي اعمارهم اقل من 4 سنين ايش وضعهم ؟؟

قال لازم بيي سيتر والا دي كير وقال انو اسعااارهم مرا غاليه < عاد انا هنا اتحطممممت

راح اروح ان شاء الله وولدي لسسا صغير دوبو شهور معرف ايش راح اسوي بس الليه يعيننا ياااارب

دي اهم النقاط في المحاضره الاولى

المحاضره الثانيه جا الدكتور عبد الله كرردي بصراحه دي المحاضره ماعجبتني مررا صوتو ماكان واضح وماقدر يوصل المعلومه

للطالبات والطلاب بصوره واضحه مدري أنا حسيت كذا ..

بس اتكلم عن كيفه التعامل مع القوانين الدوليه واشياء ثانيه يمكن سوومي كتبت منها انا بصراحه ما افتكر لاني ماكنت فاهمه ايش بيقول

فمعليش اعذروني على دي النقطه ..
طبعا كان بعدهاا فتره استراحه ربع ساعه خلصت بسررعه ههه مو زي حقت امس كان فيها برركه المهم رجعنااا

الا كان في دكتور اسموو عبدالله القحطاني اتكلم عن معادله الشهادات وكلاموو كان مررررا كثير

وكيف الناس الي مختارين تخصص غير امتداد لتخصصهم مرا حالهم صعب < زي حالتي

مدري ايش راح اسوي والله وقال كمان انو في ناس يتوقعو ان التسويق هوا القسم اللي ممكن يترمو عليه اذا ماكان في قسم امتداد

لتخصصهم ودا غلط وفي بنات كانو مررا خايفين زي ماقالت سومي وبصراحه مو عارفين ايش راح نسوي هناك اغلب البنات اقسامهم

ادبيه والتخصصات الي موجوده علميه طيب وايش نسوي احنا ؟؟

انا قبل يومين راسلتهم على تخصصي وايش اقرب قسم له قالولي تسويق وقالو انوو راح يغيروه دايركت من الكمبيوتر بدون

مايستشيروني < قمه الظلم أنا مابديي تسويق ادرسو غصبا عني يعني !!

المهم دا اهم شي كان اليووم وان شاء الله بكررا يكون ختامها مسسك ونخلص على خيرر

واحنا خارجين طلبومننا نعبي استبيان في خلف الكتبا حق دليل المبتعثين ونسلموووو لهم وورقه ثانيه مدري ايش هيا الين دحين ماشوفتها

وسمعت وحده تقول الي ماتسلمها ماراح نستلم بطاقتها اظن يسترجعو البطايق مو متأكده ..

اي سؤال أنا حاضره ..

اكيد عادي كل البنات بالعبي جالسين الا الفاضيين ..

الخطاب الموجه للسفاره دا تستلميه من ادراه البرنامج في الرياض ..

معقوله بكرا موعدك ؟؟؟ انتي من فين
انا شايفه انوو انتي مبتعثه لأمريكاا وبكرا ملتقى كندا لسااا اتاكدي من موعدك