السسلام عليكم ورحمه الله وبركاته ..
طبعا اليوم عدى اول ايام الملتقى على خيرر وكان سهاله يعني مافي شي معقد
دخلنا استلمنا بطايقنا على الساعه سبعه ونص وبعدين مررناها على الجهاز ودخلنا القاعه جلسنا شويا الا
جا الدكتور ماجد الحربي تكلم عن اجراءات السفر قبل الابتعاث وعن المحرم شويا واشياء ثانيه وبعدين كانت
في شويت اسأله طبعا الأسئله كانت كثيررره جدا والموظفه بس تصررخ ههه والبنات صار يقومو كل وحده
بتسأل قالت اكتبو في ورقه وهاتووها وتعالو شوفو الاوراق قد ايش صارت :D
المهم كان سؤال للرجال وسؤل للبنات ماقدرو يسالو الا كم سؤال عشان الزحمه وجاوب الدكتور ..
شويا جا دكتور ثاني ومحاضره اخررى عن الفيزااا وقرار الابتعاث وترك المجال للاسئله كمان ونفس المشكله
كان في شويت لخبطه .. بعدين قال استراحه 15 دقيقه خرجنا فيها كانو حاطين فطوور خفيف كرسون وكيك
وتوست وعصيرات فررش وكوفي اكلنا ورجعناا جا اموسى جاكنت محاضرتوو شويا ممتعه لانو كان لقاء زي القصص
ويتكلم عن الطلبه والطلاب هناك وعن تجربتو هوا واصدقائو كيف في ناس قدرو يصبرو وناس لا يقول جاتنا ايام
الثلج فيها يووصل للركب < هناا انا خفت شوويا :( الله يستر مانتحممل احنااا
واللي معاه كانو يقولو احنا ايش جابنا هنااا ماكنت هناك جالس على مكتبي راز العقال ومافي احد قدي ههههه
بس دحين الي قال دا الكلام صارر منصب كبير وقال اسمو بس مو مفتكرتوو اتكلم عن نقاط شويا مهمه الي هيا
انو لـ والدينك حق وكيف تبرهم انك ترجع رافع راسهم ومن دا الكلام وبعدين فتح مجال الاسئله للشباب والبنات سؤال
سؤال كالعاده بس صار موقف محرج لواحد من الشباب :D هيا انتبهو ياشباب هههه كان بيسأل الطالب الا شويا قال
انت كيف دخلت هنااا ؟؟ وسؤالك مرفوض طبعا تبو تعرفو السبب؟؟ انو ماكان لابس الزي السعوودي :D
مسكين حسيتو انحرررج ولا خلاه يسال وكمان شدد على اللي مكدشين شعورهم الناس الي لهم طلعات مدري كيف
انو في امر من الامير نايف انو يلتزمو بالقوانين وشويا مايتساهلو معاهم ولا راح يردو على استفساراتهم ولا يساعدووهم
قال ما اجاوب الا لما يحلقوو على واحد والا اثنين خخخخ بس ..
بعدين جات وحده قالت انوو طلبت تحويل معهد او شي زي كدا ومكتب تجسير طلب منها 100 دولار مقابل ذلك !!
قلها اطبعي الرساله واعطينا هيا واحنا نتصررف وطلب اسم الي رسل للبنت بس طبعا هوا المكتب مايرسل اسم
شويا ماعجبو الوضع حق المكتب وقال مو من حقوو يطلب فلوس احنا دافعين كل شي
ومن حق الطالب يغير مره وحده بس المعهد او التاريخ مجاناا ..
اممم كمان ترى تغيرر الدووله مرا صعب ومشددين انو انتو الي اخترتو الدول لا تحاولو تغيرو انتو كذا اذختو فرصه
غيركم وانو صعبه هما يحجزو لنا مقاعد بدوله وبعدين تتراجعو مو حلوه بحق دولتنا ..
كمان قال انوو المرافق مالو ضمان مالي .. خلاص هما يجيبو له القبول بالمعهد وبس لكن صعبه انو يجيبو ضمان للأخ
وبعد كم يوم تجي المبتعثه تغير المرافق ويجبيو للأب فقال مافي ضمان مالي للمرافق ..
وهذا اهم شي صار باليوم الأول هنااك اي استفسار انا حاضره :)
ان شاء الله بكره احاول اختصر ايش صار باليوم الثاني :)
بالتوفيق ..