الأعضاء الإشتراك و التسجيل

الملتقيات
ADs

اش الحل اذا المعهد مش كويس !!!

اش الحل اذا المعهد مش كويس !!!


NOTICE

تنبيه: هذا الموضوع قديم. تم طرحه قبل 2558 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

مشاهدة نتائج الإستطلاع: متى اغير المعهد لاني بصراحه مرررة محتارة ؟؟؟

المصوتون
1. أنت لم تصوت في هذا الإستطلاع
  • احول من هنا عن طريق تجسير واصبر عاللطعه وبهدلة تجسير

    0 0%
  • احول ان شاء الله لمن اوصل الاراضي الامريكيه واجلس فتره في المعهد

    1 100.00%
  1. الصورة الرمزية الامورة
    الامورة

    مبتعث مميز Characteristical Member

    الامورة الولايات المتحدة الأمريكية

    الامورة , أنثى. مبتعث مميز Characteristical Member. من السعودية , مبتعث فى الولايات المتحدة الأمريكية , تخصصى MSIS , بجامعة جامعة الحياة
    • جامعة الحياة
    • MSIS
    • أنثى
    • كوكب الارض, درب التبانة
    • السعودية
    • Jan 2010
    المزيدl

    December 11th, 2010, 09:01 PM

    السلام عليكم

    اليوم استلمت قبولي في سلسله معاهد EF ومعروفه كيف سيئه ده المعاهد سواء في بريطانيا او امريكا وللاسف جاء قبولي فيها المشكله للي ممكن تتعبني مرافقي يحتاج تاسيس انجلش انا الحمدلله انجليزتي كويسه يعني مااتفرق معايا كتير ممكن اروح هناك واحول بس المشكله في مرافقي يعني يباله من البدايه يتعلم فماني عارفه
    1- ماابغى اغير عن طريق تجسير ويلطعوني خلاص مااصارت اعصابي تستحمل وللاسف ضغطي لازم ماارفعه وتجسير تعبني كتير.
    2-اروح هناك احوووول بس الي راح يتضرر مرافقي راح تاثر من فتره دراسته ممكن اذا كان في مكان تاني او معهد تاني مستواه يكون افضل في اللغه لانو بالبلدي ميح .
    اتمنى انك تساعدوني لاني بصراحه مااني عارفه اش اعمل بسبب مرافقي
    بس حبيت اضيف انو في ناس راح تقلي مااصدقتي وصل قبولك بجد انا نفس الشي بااقول بس مسبقا انا عارفه مدى سووووء معاهد EF يعني بصراحه يبالو الواحد يشتغل على نفسه اكتر واقوى شي لانو المعهد اضافته غالبا 25 % بس مع ده المعاهد راح تكون امكن 5%
  2. المشاركة الأصلية كتبت بواسطة دموع الورد123
    بالعكس المعاهد التجاريه جيده للي ميح في اللغه مثل مرافقك لانه يبتدون من الصفر وبعد ثلاث اشهر يقدر يحول
    اما المعاهد الاكاديميه مستواها عالي جدا وماتنفع للمبتدئيين
    هذا رايي والله اعلم
    مررررة شكرا صراحه ده نقطه ماافكرت فيها
    الله يعافكيكي ياااسكرة انتي
    كده تسهلي على اكتر في الاختيار
    7 "
  3. الله يعينك ويعيننا ويعين كل واحد جاه قبول في معهد سئ وولايه سيئه
    انا نفس حالتك جاني قبول في معهد وولايه سيئه بس انا الحمد لله لغتي تمام بس مرافقي لغته مو تمام ويحتاج معهد كويس ووقت كافي
    وابغى احول بس مستحييييييييييييييييييييييييييل احول من مكتب تجسير لان خلاص ماناقصني تلف اعصاب زياده ماصدقت يجني القبول وافتك
    ان شاء الله لما اروح هناك راح احول في اقرب فرصه ممكنه والله يعين مرافقي على التغير والتأخير لكن الله ييسر ويسهل يارب
    7 "
  4. المشاركة الأصلية كتبت بواسطة m&m'Z
    الله يعينك ويعيننا ويعين كل واحد جاه قبول في معهد سئ وولايه سيئه
    انا نفس حالتك جاني قبول في معهد وولايه سيئه بس انا الحمد لله لغتي تمام بس مرافقي لغته مو تمام ويحتاج معهد كويس ووقت كافي
    وابغى احول بس مستحييييييييييييييييييييييييييل احول من مكتب تجسير لان خلاص ماناقصني تلف اعصاب زياده ماصدقت يجني القبول وافتك
    ان شاء الله لما اروح هناك راح احول في اقرب فرصه ممكنه والله يعين مرافقي على التغير والتأخير لكن الله ييسر ويسهل يارب
    انا شكلي راح اسوي زيك راح اتناقش مع اخويا على ده الموضوع انا عارفه انو ماراح يعارضني بس مصلحته تهمني كتيررر
    7 "
  5. السلام عليكم الى صاحب الموضوع.....

    ارجو تتحملني شويه لان بتكلم عن موضوعك الي بدينا نشوفه بكثره..بسبب مصاادر غير موثوقه...



    والله ذاك اليوم جلست مع ولد خالتي الي قضا في امريكا مده 6 سنين ورجع تخصصه طبعا هندسه كهرابائيه مشالله عليه ..اهنيه صراحه

    وسألته عن المعاهد التجاريه وعن مدى سوءها والشباب كلها تكرهها ونظرتها لمثل هالمعاهد جدا سيئه...

    فقال لي((طبعا كلام انسان اكبر واعقل مني وله خبره في هالحياه))


    والله هذا كلامه:::::


    شوف يا عزيزي اول شي انا خريج من معهد تجاري من معاهد امباسي وتخرجت منه ودرست في جامعه امريكيه قويه

    قبل ما ادخل هذا المعهد كان كل الطلاب يقولون لا نبغا نغير معاهد سيئه معاهد ما تفهم معاهد ترسب الطالب..

    ويقول الحمدلله انا صراحه كنت انسان قنوع....والقناعه كنز لا يفنى

    يقول هذا اليوم كان معي صديق عمري وكنا في المعهد نفسه وخلاص اتفقنا نطلع سوا ....


    ولكنه سمع هذي الاشاعات انها معاهد سيئه جدا ومثل كذا..قال وصدق الاخ كلام الناس...وقلي انا قررت اغير معهدي وولايتي وسامحني

    قلتله يا فلان ما يسير خليك معاي ...قالي::ابدا هذا مستقبلي....

    قال وراح جاب قبول معهد تابع للجامعه وولايه اسعارها مناسبه للوضعه..

    وقال//::انا يعلم الله كنت في ولايه ما يعلم بها الا ربك ومعهد تجاري على قولتهم...


    ومررت الايام واتخرجت من هذا المعهد وبمعدل بالتوفل عالي جدا جدا الحمدلله ولقيت قبول في جامعه جدا ممتازه وقويه الحمدلله

    وكملت حياتي...

    اول ما تخرجنا يقول كلمني صاحبي هذا الي نسيت عنه اصلا....


    قال واطالع في الجوال الا صاحبي::::وارد على الجوال

    ويقولي...والله العظيم انه يكلمني وهو يبكي يقول والله يبكي قالي اني ما قدرت حتى امسك دموعي....

    قلتله::خير يا فلان::::؟؟؟

    قال::المعهد هذا نصاب جبت معدل زفت في التوفل ما قدرت انقبل في اي جامعه ولا احد يبغاني والمعهد كان مستواه سيئ..!!!

    قلي ولد خالتي ((الله يطمن باله زي ما طمني)):::قلت لصاحبي تذكر يوم كنا في السعوديه يوم قلتلك خلينا في نفس المعهد وانت رفضت وقلتلي لا...

    والحين شوف انت ايش صاير لحالك يا صاحبي:::تقولي المعهد سيئ والمعهد نصاب...


    اسمح لي اقلك::::ان مستواك انت الي سيئ يا صاحبي واسمحلي اقلك انت انسان كلمه توديك وكلمه تجيبك وسمحت للناس تقتحم حياتك

    ويأثرون على دراستك.....

    ونصحه((قال له ارجع للسعوديه وكمل دراستك في جامعه سعوديه واتمنا ما يسير لك مثل هالموقف ثاني مره واهم شي تكون انسان راضي بالمقسوم))


    فقال لي زبده الكلام......

    والله مهما كان المعهد زفت انت الي تسوي صنعه بيدك والجهد انت الي تبذله ليس المعهد حتى لو كان المعهد شيوعي...

    انت الي راح تسوي نتيجتك بيدك..


    فاحمدي الله سبحانه وارضي بالمقسوم واعتقد كل الطلاب في المراحل السابقه دخلو مثل هذي المعاهد ونجحو منها وكملو دراستهم


    فلا تعطو هذا الموضوع اكبر من حجمه


    والله ولي التوفيق
    7 "
  6. اشكرك ابو حجه على مرورك الي بصراحه شرررفني .
    والحمدلله انا قلت في موضوعي انو المشكله اخي مو انا وانا عندي خلفيه عن سلسله معاهد اي ايف بالنسبه للفروع بريطانيا لانو عندي معرفه عن ده الشي بالذات من ناحيه انو مااعندهم نظام محدد في التدريس .وللاسف لمن عملت سيرش طلاب امريكا بيشتكو من نفس الشي واحب اقلك انا خريجه معهد تجاري في بريطانيا يعني عندي فكره مسبقا عن الكلام الي بتقوله الطالب هو الي يصنع نفسه مو المعهد وعندي تجربه مع سوووء المعاهد فتره ددراستي في بريطانيا بس انا عارفه اخويا وعارفه ايش يبغاله لمن اوديه معهد ماايركزو على الكتابه مافي منهج محدد وترى لا يغرك كتير الكلام لمن تروح معهد والاستاذ مش مهيا للتدريس والله العظيم كانك تدرس 100 بالبيت اش فايده اني كل يوم اشيل شنطه على ظهري واروح اداوم .
    بس عموما انا قررت اني مااغير المعهد مو عشان شي بس عشان لا اتعرض للبهدله تبع تجسير الله يسامح الي كان السبب وحطنا في الموقف ده
    واشكرك على مرورك
    7 "

  7. كلامك يا يبو جحه بشكل عام جميل اقصد من ناحية الفكـره ،

    لكن غريب ، مسلسل هندي ..

    شوف اللي بيدرس بيدرس تجاري والا اكاديمي

    ولو احنا واثقين ان فيه مرونة في التحويل كان الكل ارتاح وراح لـ اي معهد ثم يحول للي يبي ، هنا المشكلة لكن وجه نظري ان اللي لغته ميح يروح ويشوف اذ استفاد والا يحول والامر في سعه ..
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.