مكتب تجسير ؟؟؟ !!! اللي ما استلم قبوله يدخل بسرعه :(

جزاكي الله خيررررر الله يسامح الي كان السبب

والله يا جماعة إنتو كدا وترتوني زيادة
يكفي أمس رحتلهم على العشاء وقفلو في وجهي
يلا بوكرا إن شاء الله ننقزلهم من الصبح
بس عسا ما يكون قبولي مدعوس

طيب إيش أصرف الموظف ؟؟
لمن أجيلو بوكرا ؟؟؟
يكفي إنو شاف وجهي وحفظو لأني مسكت فيه ما خليتو يروح
فــــ
أكيد يمو الإتنين لمن أروحلو برضو حـ يصرفني >>> كأني بشحت ولا مو
إيش أقولهم يا جماعة ؟؟؟
أقولو كدا من الباب للطاقة أبديني القبول
وهوا صح واد كدا أسمريكا

الاموره

احمد

الله يوفقكم يارب

ايوا روحوو لعندهم ترا هم ما همهم ان اخرو القبول او قدمو لانهم لاحقون التزام او شي اهم شي انهم اخذو قروشهم وبس الله لا يوفقهم يارب الشكوى عند ربنا

شوف يا احمد صح يمكن انتم الشباب توقفو برا واحنا امس دخلنا في مكتب الموظفه لمن راحت تشوف القبول بنتي راحت وراها وشافت الغرفتين ههههه كلها ملفات مرميه في الارض هيا سبق قالت لوحده من المبتعثات انو ما في قبولها والا شوي لقيت القبول كيف دا صار وانو ما وصل ولا لوحده مسج وكيف اجل لقيت القبول ؟؟؟

دا يدل انهم كذابين وانهم بس مجرد تضيع وقت لنا وعشان بعد كدا ما نقدر نغير لا معهد ولا ولايه لانو يكون الوقت صار ضيق

انا اتصلت عليهم تلفوون وبعد العمى ردو علي سالتهم عن رقم طلبي قلي موجود وعلى فكره انا مو اول مرة اسال على قبولي ويصرفووني ومن ناحيه القبولات الكتيرالي عندهم والله صح كلامك هم اش غرضهم مدري ليس مايرسلو مسجات الله اعلم
وترا ماارسلو اي مسج والله روحت عندهم البنت تقلي جاتك رساله قلت لا قالت قبولك مااوصل قلت الا وصل وانا مااجيت الا ومتاكده من ده الشي اخدت اسمي الا ثواني حتى مااصارت دقايق جابلي القبول الولد احس البنت اخت سمير مدري ليه ههههههه

حسبي الله ونعم الوكيل
الشرهه مو عليهم الشرهه على الوزارة اللي معتمده على مكتب يجيب قبولات المبتعثين
مكتب هدفه مادي فقط لاغير ولا يهمه مصلحه المبتعثين
واصلا من زين قبولاتهم اللي يجيبوها كلها معاهد تجارية ومن اسوء المعاهد التجارية
عالعموم انا عصبت ههههه وانا مالي لا ناقة ولا جمل
باقي مضيعه ملفي " ملف القضية الفلسطينية " على قولة القائل :$

إيواااااااااااااه
يعني الهرجة لازم أدق عليهم واعرف من عندهم لو القبول وصل ولا لا
عشان لو فتح فمو وقالي لاء أقول أسري على الغرفة نتفاهم

ما سار من قبول دا ههههههههه

هما الوزارة المفروض يسو هادي الحركة

::::::::::::::
يابويا إلي يقدر يجيب لنفسو قبول معهد وجامعة يجيبو وإحنا نعتمدو وإلي ما يقدر عندو المكتب
::::::::::::::

أنا أشوف لو الوزارة سوت زي كدا تنحل الهرجة بدال اللخبطة إلي بتسير دحين