السلام عليكم
امس كلمت الدكتور ماجد وقلت له يادكتور
القى الدكتور القحطاني المسئول عن معادلة الشهادات
محاضره وقال فيها يجب عليكم مراجعة نفسكم لانكم ورطتوا الناس
وكل شخص ما حصلتوا له امتداد تخصص حطتوه بالتسويق
وقلت له ان الدكتور القحطاني قلب عليك الطلاب وجالس يقول انكم ماشين بدون تخطيط
وشغلكم بالبركه <<< جالس يحمى الدكتور ماجد على القحطاني يهدى النفوس ^_^
قال الدكتور ماجد والله يا ابن الحلال قبل شوي كنا انا والدكتور القحطاني نتغدى مع بعض
وزي السمن على العسل وما قالى لى شي قلت المحاضره مسجله اكيد ارجع اسمعها
بصراحه القحطاني قام يعلق عليكم تعليقات قويه وقال بالمحاضره ان طلاب اللغه العربيه
المفروض تبتعثونهم بكارليوس حاسب احسن من الترقيع اللي انتم جالسين تسونه
طبعا عصب الدكتور ماجد وانواع الاندهاش على وجهه
وقال لى وش المطلوب الحين قلت المطلوب اخواتى طالعين تخصص ماستر تسويق
وهم اقتصاد منزلى وش وضعهم بتعطونهم دبلوم ولا كيف ما نبي نورط
قال اسمعها منى هم بعد اللغه خليهم يدرسون تخصص التسويق
ومعه سنه تكميليه وبعد ما يخلصون يجون نعادل لهم الشهاده ماجستير
قلت والدكتور القحطاني قال غصب عنه يعادلها ماجستير واتحدى يسوى غير كذا
قلت له شورتك وهداية الله
تحياتى
