تجمع الأمهات المبتعثات ألى كنداا ... ايش وضع اطفالكم ؟؟

معقوووله مافي ولا أم

من جدكم أنتو ترى حطمتووووني !! بروح ابكي والله

طيب حتى الأبهات يشاركونا رأيهم

طيب

انا سئلت واحد هناك قالي ياخي كل الشعب الامريكي نفس حالتك .
يعني الاب والام كلهم يعملوون والاطفال كلهم في مدارس ودور للحضانه

او تقدر انك تجيب جليسه للاطفال وهذي بتكون غاليه شوي وبرضوا الثقه لك عليها

افضل حل دار حضانه فيها ناس متخصصين وعليهم رقابة ولديهم طرق علميه في التعامل مع الاطفال ولا تطرق صاحبنا انه فيها زحمة او لستت انتظار

ولا يمنع نقرأ عن تجارب الاخرين اتمنى من جميع من لديه تجربه ان يشارك

<<< احبااااط
اكتر شي جايبلي القلق ونفس ألغي البعثه بسببه
ولدي عمرو 3 شهور ومره شايله همو وماعرف كيف ح اوفق بين دراستي ومسؤولياتي ماعرف حايسه
كنتت مترددهـ ارد عليكي لانو ردي مافي اي فايدهـ خخخخ بس بقولكـ اني زيك لا تزعلي
وهدا اول بيبي وانا على قول بنات الملتقى اللي شافوني ورعه هع يعني صغيرهـ ويالله اهتم بنفسي
فمااعرف الله يسهل امورناااا

يعطيك العافيه أخووي
بس أنا مقدمه على كنداا مدرري كيف الوضع هناك انا استفسررت وقالولي هذا الكلام انو انتظار
واتمنى اتمنى يكوون غلط والله يمكن امريكااا غير بس ياليت يكون صح الكلام مافي انتظار ولا شي لانو لو في راح اتوووورط .. ربنا يعين بس

بنووته سكرر بالعكس الحممد لله أنك رديتي عليااااا شويا ارتفعت معنوياتي لأنو في أحد مثل حالتي
عالأقل انتي ماشاء الله ولدك عمرو 3 شهور وعلى ماتروحي يكون كبر شويا أنا لساتي حامل
واليوم دخلت شهررري والله ضحكتيني يوم تقولي ورعه هههههه لو تشوفيني انا اورع منك خخخ < حلوه اورع دي
حتى أنا صغيره ولا عندي خبرره مررررا ومدري ايش راح اعمل شوفي أنا مو شايله هم اني اعتني فيه اكثر شي شايله
همو فين راح اخليه لما اروح لانو انا مرررا أحب الأطفال فمابالك ولدي ويمكن راح اقعد في قلق الين ما ارجع ودا الشي اللي راح يتعبني اكثر شي انتي باين زي حالتي كندا صح ؟؟ طيب اي مدينه جااا قبوولك ؟؟

يب كندا .. فانكوفر اللي تبيها خخخخ وابا احول منها بروح فكتوريا بس مدري والله محتارره

الله يعينك ويسهلك ولادتك ياقلبي لا تخروعين بس << يعني لاتشربي زيت خروع
ههههههه فجأه نصايح ولادهـ
لا والله من جد مره مو كويس واغلب الحوامل من تدخل شهرها تخروع والله انا ماشربت ولا شي والحمدلله ولادتي كانت ميسره وسهله وفي بداية التاسع مع انو بكريه وكلهم قالوا ح تطولي ح تاخدي التاسع كلو O_o بس انا كنت اتحرك من بداية حملي وانا انطنط خخخ
يمكن عشان كدا ولدت بسرعه حتى في التاسع كنت اسوي اعمال شاقه جدن بس ولامرهـ مشيت ^^
وعالدراسه حاولي تأجلي من المعهد او يمديكي تطلبي من الوزراهـ لانو عذركـ مقبول
واطلعي لما يكون عمرو 5 او 6 شهور في كل الحالات قلق وهم ان شالله ازا روحنا هناك الوضع يتغير وتكون سهاله ياربـ ^^

والله بالصراحه جيتي ع الجرح

انا كمان عندي طفل عمره 4 اشهر ونص.. وواحد من اصحابي بكندا في فانكوفر يقول مافي حضانات تستقبل اطفال اقل من سنتين

يعني لازم تجيب وحده البيت تهتم فيه وغااااالي

بس انا جات في بالي فكره حلووه

يكون بيينا تعاون احنا العائلات السعوديه

بدل مانحط اطفالنا بحضانات وتبذير الفلوووس

نخلي اولادنا مع بعض

يعني العوائل تتعرف ع بعض.. والي دوامهم صباحي تخلي اولادها مع الي دوامهم مسائي والعكس صحيح

من ناحيتنا احنا

قلت بخلي ام قصي تتعرف على كدا وحده معاه طفل نفس حالتنا

ونسوي قروووب ونتبادل الاطفال

والاهم من هذا كله يكون بيينا تواصل عاائليه عشان الاطفال يحسوا بالامان

انا بس و اتطمن على وضع ام قصي بالبدايه واعرف انها عرفت بنات حبوباات زي حالتهااا حبطل ادوام بالمعهد وانا الي اقابل ولدي

ااكله والبسه واسوي له الرضاااعه واكرعله والعبه ... الخ << خبيرر مررره مع الاطفال هع

الخلاصه:

افضل حل ان العوائل السعوديه تكون يد وحده بفترة الغربه ويتعاونوا مع بعض بخصوص الاطفال

خصوصا الاطفال الي عمرهم اقل من سنتين

والي يبغى يتواصل مع ام قصي يرسل مسج خااص.. وهيا اصلا طوول الوقت تدخل بعضويتي

تحياتي لكم معشر الامهااات

نسيت اقولك ان الله يسهل ولادتكـ ياااارب

واوصيكـ بالتمر.. والمشي كمان

تحياتي