تقرير لـ أهم النقاط والأحداث في ملتقى أمريكا الأول في جدة - مرحبمبكوم 1432هـ

يا جمااااااااااااااااااااااااااعة !!!!!!!!!!
تصدقو إيش نسيت أسأل الدكتور ماجد الحربي !!!!!!!!!!!
إيش مستقبل العلوم الصحية ؟؟؟؟
لأنو العلوم الصحية تخصص مستقل
والله مدري كيف نسيت أسألو
يعني مثلا فين نشتغل ؟؟؟
مستشفى ؟
إزا مستشفى طيب إيش المسمى الوظيفي ؟؟ - إلي أنا أعرفو إنو البكاليروس يكونو إسمهم ( أخصائي )

ولا نشتغل معيدين في الجامعات ؟؟؟؟؟

يالله مدري كيف نسيييييييييييييييييييييييييييييييييييييييييييييييي يييييييييييت

ذحين متى نطلع الفيزا لأنه يضعيني اليوم في البداية قال قدم قبل مايجيك

القبول وبعدين واحد قاله في الابليكشن يطلبوا تاريخ دخول امريكا وقاله

طيب قدم اذا جاك !!! و المكتب انا شايف اغلب اللي هنا حطهم شهر 5

اذا حطنا شهر 5 ومو راضي يقدم ايش الحل ؟؟

صح ..!
أنا ماني فاهم هوا ليه يبغا يهج الشعب على الفيزا !!!!
مهو أصلن كدا ولا كدا .. الفيزا ما تطلع بدون أي توني !
حتى لو رحت للمقابلة وبعد ما تخلصها يعطوك ورقة صفرا فيها النواقص ! عشان ترسلهم هيا ....

فـــــــــــــــــــــــــ
أنا من رأي إنك تنتظر القبول زينا
وقدم
على أساس كل أمورك تكون كاملة - والكمال لله -
بالنسبة للموعد
هوا قال إنو أخر موعد نسافر فيه شهر أبريل إلي هوا شهر 4 بالميلادي ...
وقال لازم نكون قبل موعد الدراسة بـ شهر ...
يعني حتى لو موعد دراستك شهر 5 إنتا بتساافر على شهر 4 ... يعني في السليم إن شاء الله

لو سمحتي عهد لو قدرت انت ولا اي احد من بنات القروب يسألي السؤال دا بكره ان شالله
تبع معادله الشهادات
دحين انا زوجي مرافق
هو ناوي بعد المعهد يكمل الدراسه الاكاديميه
مع انو شهادتو دبلوم دعم فني حاسب من الكليه التقنيه بعد الثانويه فكيف طريقه اكماله للبكالوريوس يعني في مواد يعادلوها او لا
ارجوكم بنات
انا اذا قدرت اوك واذا ماقدرت بليز وحده تساعدني
مشكورين

والله الملتقى كان مرة شي حلو ومرتب ومتعوب عليه صراحة وحتى بالبداية كان فيه انسابية في الحركة ....طبعا وقت البريك شوفو الزحمة عالاكل...
يعني كل الوقت اللي احتجناه لتسليم البطاقة ودخول القاعة كان أقل من دقيقة لكل طالبة مع أن كان قدامي مايقارب 10 مبتعثات أو أكثر ((( أحلى من طالبات ^_^)))
وبالنسبة للي قالت ألوووووو كانت أم مبتعثة وبنتها في أمريكا وجات عن بنتها الله يعطيها العافية يعني حسيتكم تبغوا شي تضحكو عليه يعني هيا أم ويمكن تعليمها بسيط يعني الكل بعمر بنتها تقريبا
يعني الشي اللي ممكن يكون مضحك حكاية أقولك كأن يكلم صاحبه والبنت اللي كانت تقول احنا تعدينا مستوى مرة عالي في الفرنسي كلامها كلو تمام لكن تكرار الجملة اكثر من 3 مرات كان مبالغ فيه حتى سلمت المايك وكانت رايحة ورجعت وعادت نفس الجملة وكمان لو كان الموسى يجاوب وقالت أنا وصحباتي كان قلها قروب انسي الموضوع وكرشها زي ذاك الولد بس حظه جاه إنه يسأل الموسى
وغير القروبات اللي اتجمعت وضحك ونص المحاضرات هروج جانبية وغير الهمز واللمز لو وحدة صافحتهم ومو من القروب مثلاصاروا يطلو في بعض ويضحكو ليييييييييييييييييييييييييييييييش!!!!! مو كلكم تعرفتوا على بعض اليوم ولا عشان كان شكلها غلبانة وأقل من عادية

مرررررررررة لاحقين عالهرج اسمعوا عشان تلاقوا أجوبة على كل الأسئلة وغير أن الصوت مو واضح وكمان ناس جنبك لق لق لق لق مايصير كذا نبغى نسمع ونركز أما بالنسبة للغمز واللمز بعد هالمرحلة من العلم بصراحة... لاتعليق لأن الأدب فضل عن العلم
أما مع الموسى حسيتهم لو شق ورقة كان فطسو ضحك اما وحدة مرة ميتة قاعدة قدام غصب تلتفتي لها من صوت الضحك
أما المشرفة اللي محتضنة المايك حكايتها حكاية أكثر شي كان طريف منها أنها كانت تقريبا في نص القاعة وكل ما سألت سؤال تقرب على الشاشة الين آخر شي قعدت قدامها وإذا سئلت السؤال وما كان واضح وسئلها تتنح أحسها تتوهق قولي سؤال مكتوب بورقة وخلاص هو يجاوب من كل النواحي وكل شوي السلام عليكم (( كثر السلام يقلل المعرفة)) هيا اللي حسسته أنها راعية السؤال

يابنات ماعليكم أمر الهدوء في القاعة أنا عارفة أننا قروب بس والله لاحقين عالكلام وأنتو بعيونكم شايفين أن مو كل الأسئلة يسألونها لنا فلو سمعتوا وخليتونا نسمع ممكن ثلاث أرباع الأسئلة تتجاوب لنا ومايحتاج نسأل

أما الولد اللي جلس يقوله بتسوي مشاكل بنجيبك المفروض هذا الكلام يعطيه دفعة قوية لأن من جد حسيت في أشياء احنا اللي نجيب لنا المشاكل زي البنت اللي سألت عن شهادات الميلاد عمرنا ما سمعنا شي زي كذى ومن طريقة كلامها أنها عانت من الحكاية هذه يعني لو الموسى اللي وقتها رد كان قلها نجيبك ههههههههه

وطولنا عليكم معليش ^_^

بس ماتكلمووووو عن الماستر
وين بنات الكيمياء الي يبغو يكملووو في مجال صحي
(مختبرات - تمريض - ........
وتغيير التخصص من هنااا ولا من الملحقيه بالنسبه للماستر .....
الي يعرف الجواب لايبخل علينااا

وبالتوفيق انشاء الله

الملتقى كان حلو
بس كلو كوووم والمشرفه كووم تاني خايفه احد يسرق منها المكرفون هههههههههههههههههههههههههههههههههه
انا الي قهرني موظفة كانت برا رحتلها عشان تغير التخصص
تقولي ليه تغيريه قلتلها انا من الي اتحولو من الطب لعلوم صحيه وماابغا علوم صحيه ابغا ادرس صيدله
ترجع تقولي طيب ليش تحولي
اقولها مالي رغبه في دا التخصص والوزاره هيا الي حولتني
ترجع تقولي ليش
ماادري كيف تفهم ؟؟؟؟!!!!!
بعدين اعطتني ورقة اكتب فيها تخصصي السابق والتخصص الي ابغاه والدولة
قمت قلتلها كدا خلاص اتحول ؟
قامت قالتلي مو اكيد تحويلك بعد مانخلص من ملتقيات الخبر نودي الورقة للوزاره ولجنه مختصه تشوف
ازا يحولوكي ولالا
والله مره قهرتني
شكلي حااطلع الرياض واغير احسنلي من هناك

انا عندي سؤال ياليت احد يقدر يسأله لان عندنا مشرفة لازقة بالمايك وهي اللي تسأل الأسئلة على كيفها من الورق ..

الحين مكتب تجسير اعطاني قبول لغة ومعاه الاي توني ،، بس زوجي المرافق مااعطوه اي توني ...

السؤال : ايش الاجراءات اللي تنعمل عشان احصل على الاي توني للمرافق ؟

والله من جد يعطيك العافية على سؤالك لانه من اول مااخترت القسم وانا ابغى اسال
وريحت قلبي بسؤالك



بلييييييز احمد اذا تقدر حاول تساله اليوم ..