الأعضاء الإشتراك و التسجيل

الملتقيات
ADs

جدة : اليوم الاول من الملتقى يوم الاثنين 7 محرم المجموعه الثامنهـ فندق الهيلتون

جدة : اليوم الاول من الملتقى يوم الاثنين 7 محرم المجموعه الثامنهـ فندق الهيلتون


NOTICE

تنبيه: هذا الموضوع قديم. تم طرحه قبل 2596 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية ShooG
    ShooG

    مبتعث مجتهد Senior Member

    ShooG الولايات المتحدة الأمريكية

    ShooG , أنثى. مبتعث مجتهد Senior Member. من السعودية , مبتعث فى الولايات المتحدة الأمريكية , تخصصى Educational Technology , بجامعة Indiana State University
    • Indiana State University
    • Educational Technology
    • أنثى
    • Terre Haute, Indiana
    • السعودية
    • Jan 2010
    المزيدl

    December 14th, 2010, 12:41 AM

    جدة : اليوم الاول من الملتقى يوم الاثنين 7 محرم المجموعه الثامنهـ فندق الهيلتون

    .. اهم النقاط من وجة نظري ...

    1- واهم نقطة .. الدكتور ماجد قال الي ماقدم على موعد في السفارهـ يروح يقدم فوراً .

    2- .. اللغة مدتها سنه فقط , لكن في حالات معينه يتم الموافقه على تمديدها 6 شهور وقال الحالات بس انا كان شاطح تفكيري في وقتها ماركزت اذكر واحده منها فقط>> ان لاتقل درجة الطالب في التوفل عن 500 درجة / وفي نقطة ثانيه بالنسبه للغه .... ممنوع تاجيل الدراسه في فترة اللغة الا في حالات استثناية.

    3-.. السفارة تكتفي بصورة من ورقة الـI-20 , لابد من وجود اصل ورقة الـI-20 معاك في مطار امريكا بدونهاا >> راح يرجعونك مكان ماجيــتـ .

    4- .. صرف الراتب مرتبط بالدراسة > الوزارة راح تبدأ صرف الرواتب بعد اصدار قرار الابتعاث ابتداء من شهر قبل بدايه الدراسهـ .. يعني تاريخ دراستك مثلا 15-2 >> يبدا راتبك يمشي من 15-1 .. قبل التاريخ ذا مالك عندهم شي تكفل بنفسكـ .

    5- .. طلاب امريكا لايحتاجون خطاب سفارهـ (ضمان مالي) .

    6- .. كل الي يحق لهم ياخذون ضمان مالي من الملتقى او من الوزارهـ هم >> الي جايبين في التوفل 550 درجة - وقال ناس ثانيين ياخذونها بس برضو ماكنت مركزهـ .

    7- .. بإمكانكـ اصدار قرار الابتعاث قبل بدء دراستكـ بشهر يعني الي دراستهم بيناير يقدرون يرسلون اوراقهم اذا كملتـ بالبريد الممتاز للوزارة عشان يصدر قرار الابتعاث , وقال الدكتور ماجد ان قرار الابتعاث ياخذ ساعتين بالكثير .

    8- .. لاتحسبـــون القبول في الجامعات سهل او مااياخذ وقت >> عليك في خلال فترة اللغة مراسلة اكثر من جامعة ولا تستهين في الوقت لانه يجري بسرعهـ / زيارة القسم في الجامعة المرغوبهـ يزيد من فرصة القبول .

    9- .. بخصوص تاجيل البعثهـ : شدد على عدم تاجيل البعثه لان الموضوع مو سهل وماراح يقبلون باي عذر .. لكن في حال كان عذر قوي جداً >> حاليا ماتقدر تاجل لانك لا تعتبر مبتعث انت الان مرشح في حين حصولك على اصدار قرار الابتعاث تعتبر مبتعث .. وقتها روح للوزراة وفهمهم الظرف الي خلاك تاجل ولهم حق قبول التاجيل او رفضه .

    10-.. البعد عن مكاتب القبول الجامعي في بلد الابتعاث بالنسبهـ للماستر والدكتوراه .

    11- .. نجي الان لموضوع التخصص : الي قدم في تخصص مو امتداد لتخصصه راح يتم اعادة تاهيله اي دراسه مواد تكميليه >> لكن مادري هل على حسابه الخاص والا بضمان مالي من الوزراهـ ؟

    12-.. الي يرغب في تخصص مو موجود في التخصصات المطروحه في البرنامج يقدر يغير التخصص في بلد الابتعاث لكن بضوابط ان يكون التخصص يناسب احتياجات الدولة وان يكون في جامعة معتمده من قبل الوزارة , يوفر القبول ويقدم على الملحقية ومايصير الا كل خير انشاء الله .

    13-.. قبل ماتسوي اي شي سواء حذف مواد او تاجيل دراسه او الانتقال من جامعه لجامعه او من معهد لمعهد او تغيير تخصص او غير ذلك عليك بمراجعة الملحقية .

    وختامها مسك مع الدكتور عبد الله الموسى ادانا كم نصيحه على شوية حكاووي وضحكنا وفرفشنا معاه .. بس كان زعلان من المبتعثين الي مو ملتزمين بالزي الرسمي والي مطولين شعورهم وقال بكرا ماراح ندخل الي مايقص شعره والي مايلتزم بالزي الرسمي ..

    بالنسبه للمرافقين ( يقدر يحضر في حال وجود مكان فاضي وراح يحضر معا المبتعثين مالهم مكان مخصص ) .

    القبولات للي ماجاهم بالكثــــــــير اسبوعين 3 اسابيع وهي عندهم

    هذي اهم النقاط الي حسيتها فادتني وانشاء الله تفيدكم الي عنده اي سوال اقدر افيده فيه يسال .. دعواتكم
    .
    .
    .
  2. المشاركة الأصلية كتبت بواسطة Mr.ReKo0o
    يعطيك الف عافية شوق

    الموسى كان فلة لكن المحاضرتين اللي قبلها جابو لي النوم
    هع .. لا والله اناا استفدت منها بس كنت اسرح كثير وبالي يشطح بس معا المووسى قوووووه تركيز

    المشاركة الأصلية كتبت بواسطة زهره تفاؤل
    المرافق يحضر الملتقي صح اش يثبت انه مرافق اش ممكن اعطيه من ورق يثبت انه مرافق عشان يدخل
    انا مرافقي ماحضر بس الكلام الي يخص المرافق قاله الدكتور ماجد .. وفي رد لوحده هنا شفته تقول ان زوجها حضر وماطلبوه منه شي
    7 "
  3. الله يديكي ألف عافية
    يب كل الكلام إلي كتبتيه اليوم قالوه
    ما شاء الله عليكي ما فوتي حاجة
    وأنا ما زعلني إلا الضمان المالي حق الجامعات
    إنهم يبغو 550 في التوفل
    والله أحسها حركة بلـعنية عشان مو كل من هب ودب أخد ضمان مالي
    7 "
  4. المشاركة الأصلية كتبت بواسطة Ahmed vista
    الله يديكي ألف عافية
    يب كل الكلام إلي كتبتيه اليوم قالوه
    ما شاء الله عليكي ما فوتي حاجة
    وأنا ما زعلني إلا الضمان المالي حق الجامعات
    إنهم يبغو 550 في التوفل
    والله أحسها حركة بلـعنية عشان مو كل من هب ودب أخد ضمان مالي
    الله يعافيك ..
    طيب انت حاليا راح تحتاج الضمان المالي في ايش ؟؟

    7 "
  5. شكراً اختي على مجهودك

    انا حضرت كمرافق

    ولاحظت الزحمة الكبيرة قبل الدخول... وسحبت نفسي من بدري >>> لاني اصلاً طالب هناك على حسابي الخاص

    عموماً كتاب الابتعاث للدراسة هذا بيفيدكم كثير ويعطيك كل المعلومات اللي تبيها بالتفصيل الممل .

    الله يوفقكم
    7 "
  6. المشاركة الأصلية كتبت بواسطة The Arrow
    شكراً اختي على مجهودك

    انا حضرت كمرافق

    ولاحظت الزحمة الكبيرة قبل الدخول... وسحبت نفسي من بدري >>> لاني اصلاً طالب هناك على حسابي الخاص

    عموماً كتاب الابتعاث للدراسة هذا بيفيدكم كثير ويعطيك كل المعلومات اللي تبيها بالتفصيل الممل .

    الله يوفقكم
    اخوي نفس وضعك شاف الموضوع زحمه سحب نفســه

    والكتااااااااااااب مفيد بشكل مو طبيعي مفصــــــل تفصيل دقيق وكاتبين عن كل شي ممكن يواجهنا هناك

    شكرا على مرورك ..
    7 "
  7. المشاركة الأصلية كتبت بواسطة theleader2090
    الله يعطيك العافية كفيتي ووفيتي ...

    احسن محاضرة تبع الدكتور الموسى ... انسان واعي و فاهم و مثقف و مجرب ... ووو الخ ...

    اما مسألة الضمان المالي هذه حركة مدروسة بحكمة ...

    بالتوفيق للجميع ...
    الله يعافيك .. فعلا الدكتور الموسى اسلوبه حلوو ويحسسك انه صدق يبغى مصلحتك ويخاف عليك اكثر محاضره استمتعت فيها بس مايقلل من الباقي .. بالذات الدكتور ماجد استفدت منه في مواضيع كثير

    شاكره مرووورك
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.