رفض نقلي تجسير وش أسوي >< ساعدوني
السلام عليكم ورحمة الله كيفك أخواني
يا ناس أنا أرسلت لإميل تجسير إني أبي أغير الولاية حقتي والمدينة إلي ولاية ثانية ومدينة ثانية شوف وش رد علي
السلام عليكم ورحمة الله وبركاته
سيدي الكريم
نعتذر عن نقل حضرتك لان اي تغيير في القبول سيؤدي الى خسارة حضرتك للقبول الجامعي
مع الشكر
مكتب تجسير
بالله قولولي وش أسوي فيه لأحد عنده حل
بالرغم من إني رحت للمكتب إلي بجدة وقابلت المدير بعد لطعة ساعتين وماكان فيه إلا ثلاثة
وفي النهاية تخاصمت انا وياه ورجعت البيت
رد: رفض نقلي تجسير وش أسوي >< ساعدوني
يا اخي قول الحمدلله .... قبولك جاء فيه قبول جامعة .. يعني مو قبول لغة فقط .... عشان كذا من الصعوبة ايجاد قبول جامعي آخر ..
اعتقد لا تأخذ بكلامي على محمل الجد . بالتوفيق .
رد: رفض نقلي تجسير وش أسوي >< ساعدوني
أخي انت القبول اللي معاك مو قبول لغة وحده .. قبول لغة مشروط بالجامعة ..
تبي نصيحتي لاتغير .. سافر على نفس المعهد والجامعه واسأل عنها واستفسر اكثر وتعرف عليها
واذا دامت هناك ثلاث شهور مااعجبك الوضع انقل .. وجيب قبول جامعي بنفسك
ترا اغلب طلاب البكالوريوس ماوصلهم قبول جامعي .. قول الحمدالله على النعمه ..
وبالتوفييييييييييييييق ..
رد: رفض نقلي تجسير وش أسوي >< ساعدوني
امممم ليش انت شنو كتبت اسباب النقل
هذا اتواقع هم يعتتمدون عليه
الله يعنيك ان شاء الله
رد: رفض نقلي تجسير وش أسوي >< ساعدوني
اخووي انت مثلي ...
انا طالبه تغيير المعهد ومعهدي اللي جابو لي فيه القبووول تابع لجامعه وهذي الجامعه جابو لي قبوول فيها بس مو بتخصصي
وقالو لي بغيرو الجامعه " بيجيبو لي قبوول بجامعة ثانيه يعني للآن مااستلمت قبول جامعة بس عندي قبول معهد تابع لجامعه " والحين لمن اجي اطلب تغيير للمعهد رفضو قالو لي رااح تفقدين قبوول الجامعه !!!!
انا اصلاً قابله افقد القبووول والمفروووض يحق لي التغييير مالهم حق يجيبو لي قبوول مو بتخصصي من جـد يطلعو الواحد من طووووره
رد: رفض نقلي تجسير وش أسوي >< ساعدوني
وش الولاية الي انت فيها .. وش الي تبي تحولها ..
وش الاسباب الي كتبتها يمكن كتبت اسباب غير مقنعه ..
مع انو في واحد في المنتدى غيرو ولايته بدون اسباب بس الظاهر انو ماجستير والله اعلم..
عندي سوال مهم كم المده حتى ردو عليك برساله لاني ارسلتلهم قبل يومين ولاردو علي للحين ..
رد: رفض نقلي تجسير وش أسوي >< ساعدوني
أخوواااني هذا الخبر اكييد من مكتب تجسسسير
تعالو نغسسل يدينا بكلوركس احنـآ ياطلاب البكالوريوس لوكنـآ حاصلين على قبول جامعه من سالفة التغيير
لأنو لو غيرو لنـآ القبووول ماراح يجيبو لنا قبوول جامعه راح نفقد قبولنا الاول بالتالي الوزاره ماراح تسلمنا الضمـآن المـآلي...
وهذا الكلاام من الوزاره للمكتب .. عشااان كذا رفضو تغيير القبوول ..!!
وعلى حسسب كلام الموظف انو الضمان المالي مفتوح يعني مو بس للجامعه اللي راح يجيبو لنا القبوول فيها يعني واحنا ندربس بالمعهد ندووور لنا قبوول بالجامعه اللي نبيها ولمن يجينا القبوول نلغي قبوول الجامعه اللي جابوه لنا مكتب تكسسير ...
من جــــــد شي يقهر يوعدونـآ ومدري ايش ونستنى عليهم نضييع وقت ع الفاااضي وبالاخر يقولو لنا لا ماافيه تغيير...
ليش ماقالوهـآ من الأول ؟؟؟؟؟؟؟؟؟؟
رد: رفض نقلي تجسير وش أسوي >< ساعدوني
لاتنكب وتروح عليكـ البعثه خلك على ماانت عليه ازين لكـ وبالتوفيقـ
رد: رفض نقلي تجسير وش أسوي >< ساعدوني
والله مشكورين وجزاكم الله خير
انا إنقبلت في ولاية تكساس لكن شكلي برضا وأطلّع الفيزا لكن بعجل في موعد الدراسة لأن دراستي 30/5/2011
لأني رحت الملتقى اليوم وشكلي مالي أمل
رد: رفض نقلي تجسير وش أسوي >< ساعدوني
اقتباس:
المشاركة الأصلية كتبت بواسطة راكان العتيبي
والله مشكورين وجزاكم الله خير
انا إنقبلت في ولاية تكساس لكن شكلي برضا وأطلّع الفيزا لكن بعجل في موعد الدراسة لأن دراستي 30/5/2011
لأني رحت الملتقى اليوم وشكلي مالي أمل
لية وش قالو في الملتقى ..؟؟ وانت لمن ارسلت رساله التغير لتجسير كم جلست يوم حتى ردو عليك بالرفض ؟؟؟