التحويل عند الحصول على درجة اﻷيلتس
د.ماجد الحربي طلب من المحولين إلى أمريكا علوم طبية درجة سنة تحضيرية وآيلتس 5 أو أعلى ..
السؤال الأول هل كانت هنالك أسئلة عن هذا الموضوع في الملتقيات ؟
السؤال الثاني هل لا يزال التحويل ممكن ؟
السؤال الثالث هل ممكن تغيير الدولة بعد الملتقى ؟
طلب اذا كان هنالك أي شخص يستطيع السؤال عنها في ملتقى جدة الحالي اكون شاكر له
مع الشكر الجزيل للجميع
رد: التحويل عند الحصول على درجة اﻷيلتس
سؤلك الاول .. تكلم عنه الدكتور ماجد الحربي و صرح ان هولندا الى الان تستقبل طلاب للطب طبعا بشرط ان تكون معك درجه الايلتس وقال ان لو في احد معه الدرجه المطلوبه وبيحول طب يمديه يحول لهولندا.. ولان قبولاتها تكون في شهر اربعه ميلادي وهي اخر شي من قبولات طلاب الطب .. فلوا معك درجتك حق الايلتس يحولوك باذن الله لان هذا كلام الدكتور
بالنسبه لسؤالك الثاني والثالث ,, معرف بس سمعت في ناس حولوا عندنا بس طبعا يحولون من ايطاليا او ايرلندا او اي دوله لامريكا او كندا يعني قبلت الوزاره .. وحولتهم ..
بالتوفيق ^_*
ربي يختار لنا الخير يارب,,
رد: التحويل عند الحصول على درجة اﻷيلتس
ربي يسعدك يا ديو ويوفقك يارب
رد: التحويل عند الحصول على درجة اﻷيلتس
انا اخوي المانيا ومعاه درجة الأيتلس وقاله احولك هولندا واضمن دخول الطب بس رفض
ان شاء الله يمديك اذا تحب...
رد: التحويل عند الحصول على درجة اﻷيلتس
اقتباس:
المشاركة الأصلية كتبت بواسطة رواء
انا اخوي المانيا ومعاه درجة الأيتلس وقاله احولك هولندا واضمن دخول الطب بس رفض
ان شاء الله يمديك اذا تحب...
الله يوفقنا ان شاء الله لما يحب ويرضى وما هو خير لنا
رد: التحويل عند الحصول على درجة اﻷيلتس
انا اعرف طالب من المحولين سأل في الملتقى امس في جدة ...
س/ هل استطيع التحويل الى دولة فيها طب ؟
ج/ احضر اختبار الايلتس و الدرجه 5 و نحولك على بولندا ...
حتى انا كمان ابي احول من هنا ... بس الى الان ما اختبرت الايلتس ...
بالتوفيق للجميع ...
رد: التحويل عند الحصول على درجة اﻷيلتس
في ملتقى الرياض اول يوم اسئلة كثيرة من هالنوع
كان الفوزان مدري وش محاضرة انواع الملل بكل ماتعنيه الكلمه
وحتى مو بس طلاب امريكا الا طلاب كندا ما اعجبهم كلامه
وحسب ما اذكر كان يقول ان التحويل صعب جدا ومن هالكلام :(
محاضرة الدكتور ماجد مميزة كلام شيق ما تمل منه ولما سألوه بعض الطلاب قال الي عنده الان يجيب لي آيلتس او سنه تحضيريه ويبشر بعزه يرجع لأوروبا طب..والتحويل بعد سنة اللغة قال يجيب آيلتس وإن شاء الله نحوله..
الموسى كانت محاضرته صادقه ووناسة بعد :)
ولا انسى مندوب الملحقية الثقافية بأمريكا قال اذا وصلت هناك قدم على اختبار كل 3 أشهر آيلتس أو توفل ولا تشيل هم التكاليف على الملحقية..
يقول اغلب الطلاب يفكر يختبر آيلتس بعد ما يخلص اللغه وهذا خطأ من اول ما توصل اختبر كذا مرة وتعود على طبيعة الاختبار..
انا على الأرجح اني راح افكر احول بعد اللغة لأوروبا اذا كانت الدولة والجامعه تشجع..:)
هذا المجمل حول استفسارك اخوي :)
والتحويل بعد الملتقى ممكن لكن بشرط الآيلتس لدول أوروبا ، أما الدول الأخرى لازم ترص اسباب وجيهه..
بالتوفيق :)
رد: التحويل عند الحصول على درجة اﻷيلتس
اقتباس:
المشاركة الأصلية كتبت بواسطة theleader2090
انا اعرف طالب من المحولين سأل في الملتقى امس في جدة ...
س/ هل استطيع التحويل الى دولة فيها طب ؟
ج/ احضر اختبار الايلتس و الدرجه 5 و نحولك على بولندا ...
حتى انا كمان ابي احول من هنا ... بس الى الان ما اختبرت الايلتس ...
بالتوفيق للجميع ...
أشكرك أخي على الإجابة وبنسبة لإختبار الأيلتس تراه مو صعب ..
مثلا أنا اول مره أختبره وحفلت في الرايتنج لكن الحمد لله جاتني امس أعلى من 5 الحمد لله
رد: التحويل عند الحصول على درجة اﻷيلتس
اقتباس:
المشاركة الأصلية كتبت بواسطة أجمْتُ ألْسَاً
في ملتقى الرياض اول يوم اسئلة كثيرة من هالنوع
كان الفوزان مدري وش محاضرة انواع الملل بكل ماتعنيه الكلمه
وحتى مو بس طلاب امريكا الا طلاب كندا ما اعجبهم كلامه
وحسب ما اذكر كان يقول ان التحويل صعب جدا ومن هالكلام :(
محاضرة الدكتور ماجد مميزة كلام شيق ما تمل منه ولما سألوه بعض الطلاب قال الي عنده الان يجيب لي آيلتس او سنه تحضيريه ويبشر بعزه يرجع لأوروبا طب..والتحويل بعد سنة اللغة قال يجيب آيلتس وإن شاء الله نحوله..
الموسى كانت محاضرته صادقه ووناسة بعد :)
ولا انسى مندوب الملحقية الثقافية بأمريكا قال اذا وصلت هناك قدم على اختبار كل 3 أشهر آيلتس أو توفل ولا تشيل هم التكاليف على الملحقية..
يقول اغلب الطلاب يفكر يختبر آيلتس بعد ما يخلص اللغه وهذا خطأ من اول ما توصل اختبر كذا مرة وتعود على طبيعة الاختبار..
انا على الأرجح اني راح افكر احول بعد اللغة لأوروبا اذا كانت الدولة والجامعه تشجع..:)
هذا المجمل حول استفسارك اخوي :)
والتحويل بعد الملتقى ممكن لكن بشرط الآيلتس لدول أوروبا ، أما الدول الأخرى لازم ترص اسباب وجيهه..
بالتوفيق :)
اشكرك اخوي على المعلومات القيمة وانا بحمد لله عندي سنة تحضيرية وأيلتس
لكن بنسبة للسنة التحضيرية لما رحت من قبل ما تطلع نتيجة الأيلتس قال لي الدكتور ما جد الحرب ما عاد نبي سنة تحضيرية وبس اﻷيلتس الي نعترف به
رد: التحويل عند الحصول على درجة اﻷيلتس
الي بيحول يمديه يحجز من الان للاختبار و يشد حيله من الحين ويجيب الدرجه ويرسلها للوزاره,,
و صحيح كلام اختي رواء لان برضه سمعت ان الحربي جلس يحاول في الطلاب الي معهم درجه الايلتس انهم يحولهم لهولندا ,,
ربي يختار لنا الي فيه خير يارب ويوفقنا جميعا ويسهل امورنا يارب,,