وأخيرا ..طلبت تغيير الولاية من تجسير ووصل اليوم الرد ؟.؟. (عاجل)..

مرحبا كيفكم وكيف النفسية .؟؟

ماراح أطول عليكم ..
الحمد لله أنا وصل قبولي قبل أسبوع لكن طلع بولاية مخيفة نوعا ما.. وطلبت التغيير
من McNeese State University

Lake Charles , Louisiana

وحددت عدة ولايات واليوم وصلني الرد على ولاية اوريغون

Ashland - Oregon State -ELS - Southern Oregon University

أنا قرأت عنها كثيررررر وأرتحت من الكلام من ناحية الامان والسكن والمصاريف ..
لكن خفت من شي واحد أن فيها سعودين كثيرررر ..
وهذا الكلام من بنت تدرس هناك بنفس المنطقة قالت حلوة بس لاتحاولي تحتكي بالسعودين في فترة اللغة ؟؟

أنتوا وش رأيكم .. أخبر المكتب أن موافقة عالتغيير ولا أطلب تغييرها :help:

لأنهم عطوني مهلة للرد بالموافقة أولا ..

اللي عنده معلومات يسحدها هنا :balloon:

الولاية هذي بالذات اللي ادور عليها من فترررهـ


يارب يجي قبولي فيهااا ... رائعة من كل النواحي وبدون ظرائب

معندي اي معلومه عن ولاية اوريغن

بس عندي سوالين ياليت تفيديني
هل انتي بكالوريوس ؟؟

لمن ارسلتي الرساله كم انتظرتي يوم حتى ردو عليك ..لاني ناوي اغير .. ووش الايميل الي ارسلتي له ..

ياشيخه توووكلي على ربك

والله الولايه والمدينه تماااااااااام .. ولد عمي هناك يمدحها مره ...
ومو كل مره تسلم الجره يمكن لاغيرتيهآ تطلع ازفت منها

ƒ₫άҝ Ằℓҝọn : تسلم على المرور .. يارب يجي قبول فيها
أنا حبيتها من ناحية الامن والسكن بس أبغى أعرف أكثر عن المعهد أوكي ولا لآلآ

سابك : لا أنا ماستر .. وعندي لغة بس أبيها تتطور ..
والتغيير تم في أسبوع .. أنا وصلي قبولي الاثنين اللي فات ورسلت لهم في نفس اليوم وظليت أرسل ووصل الرد اليوم الصباح .. وكنت أرسل على هذول الايميلات ..
mohe@tajseerksa.com, mohe1@tajseerksa.com, mohe2@tajseerksa.com

miss woOow : طمنتيني حبيبتي .. وإن شاء الله راح أرد عليهم بس أبي معلومات أكثر عن المعهد .

الله يوفقك ...ولايتك مره حلوه كنت اتمنى ان يكون قبولي عليها ...
بس يلا مو مشكله جيت في تكساس....ياليت لو تكرمتي تكتبي لنا تفاصيل الرساله اللي بعثتيها لمكتب القبول عشان يغير لك الولايه .
لان انا ناوي اقدم موعد الدراسه؟؟؟؟وشكرااا

وافقي و إنشالله إنها تمام كدا ولا كدا أتوقع إنها أحسن من الولاية اللي كنتي مقبوله فيها

اقتباس:

---

المشاركة الأصلية كتبت بواسطة مبتعث يامي

الله يوفقك ...ولايتك مره حلوه كنت اتمنى ان يكون قبولي عليها ...
بس يلا مو مشكله جيت في تكساس....ياليت لو تكرمتي تكتبي لنا تفاصيل الرساله اللي بعثتيها لمكتب القبول عشان يغير لك الولايه .
لان انا ناوي اقدم موعد الدراسه؟؟؟؟وشكرااا

---

مبتعث يامي : موفق يااارب .. حتى تكساس حلوة مش سيئة والله ..
وهذا نص الرسالة طبعا لازم تحدد الشي اللي تبيه بالعنوان ولا ماراح تلقى رد واضح منهم

السلام عليكم
طلب تغيير الولاية
من
McNeese State University

Lake Charles , Louisiana
إلى
Oregon Health & Science University

Portland, Oregon

وإذا لم يتم القبول فيها هناك باقي الخيارات من الولايات بالنموذج المرفق
الاسم : ...........
رقم الطلب : KAS
رقم الملف : .....

طبعا هما وافقوا على الولاية بس المنطقة غيروها لي .. وعلى فكرة لازم ترسل النموذخ (استلام القبول)مع الايميل اللي عطونا إياه في المكتب .. عبي البيانات ودخلها بالسكنر
وهذا الرد من تجسير ::

السلام عليكم ورحمة الله وبركاته

عزيزتي الطالبه

يرجى العلم بأنه يمكن تحويلك حسب التالي :

Ashland - Oregon State -ELS - Southern Oregon University

يرجى تزويدي بالموافقه على هذا التغيير وفي حال الرغبة في اضافة مرافق يرجى تزويدي بالوثائق اللازمه وهي صورة جواز سفر المرافق + شهادة بنكية باسم المرافق باللغة الانجليزية بقيمة لا تقل عن ( 15000$) خمسة عشر الف دولارا، وفي حال كانت الشهادة باسم كفيل المرافق يرجى ايضاح اسماء الطرفين في الشهادة .


بانتظار الرد لاستكمال الاجراءات .

مع الشكر
مكتب تجسير الفكر


ومووووووفق يااارب ..

abu-maya : أي والله صادق فرق بينهم كبير .. الحمد لله

الله يكتب لكم الخير والراحة مثل ماأرتحت .. يارب تتم الاجراءات .. وموفقين

الله يسهل عليك والله جاك قبول بشئ مرره حلو وزين حتى لوكان فيها سعودين

اهم شئ انها من النواحي الثانيه كامله ومافيها عيوب

الله يوفقك عقبالي

ان شاءالله من يوم الاثنين وانا اراسلهم وللحين ماجاني رد

اكتئبت خخخخخ
رسلت لهم قبلك وماردوا علي :$
لما طلبتي تغير قلتي لهم تبغي ولايه محدده ولا تغير وبس؟
وبالمبارك والفال لي :$