أخذت موعد في قنصلية جدة في شهر جينيوري وموعد بداية دراستي في مارش رأيكم؟؟
السلام عليكم ورحمة الله
يا اخوان انا قدمت على قنصلية جدة على فيزة طالب اكاديمي جامعي وما لقيت غير موعد في بداية شهر جينوري واخذت الموعد لي ولمرافقي في ابلكيشن واحد يعني نفس الموعد مع بعض وبداية دراستي في 14 شهر مارش
هل هذا اللي اانا سويته صح ولا غلط ؟؟
المرافق اخي هل اعبي له نوذج تاني في موقع قنصلية جدة ولا خلاص يكفي اني سجلته معي ؟؟
وهل الموعد اللي انا اخترته مناسب ولا يمكن أتاخر ويصير لي تعثر ؟؟؟
يا ليت اللي يعرف يتكرم علي ويرد ويوضح لي وله دعواااات كثيرة احنا دحين اخر الليل والدعوة مستجابة
وجزاكم الله خير
رد: أخذت موعد في قنصلية جدة في شهر جينيوري وموعد بداية دراستي في مارش رأيكم؟؟
والله يعتبر جيد
بس هذا ما احد يقدر يقولك تمام وإلا لا
هذا على حسب التأشيرة ممكن تتأخر وممكن بسرعة
يعني إذا تأخرت راح تظطري تأجلي الدراسة
رد: أخذت موعد في قنصلية جدة في شهر جينيوري وموعد بداية دراستي في مارش رأيكم؟؟
بخصوص المرافق والله مدري :)
تمام يعني عندك شهرين انتظار للفيزا
وبما ان الآي تونتي جاهز ان شاء الله تخلص الفيزا خلال فترة من اسبوع إلى شهر..
كذا واحد مقابلته في شهر ديسمبر واستلم الفيزا خلال ايام معدوده
هذا بشرط انه تكون المقابلة روتينية مثل المقابلات الأخرى الاعتيادية :)
الله يوفقكم انتي والمرافق :)
رد: أخذت موعد في قنصلية جدة في شهر جينيوري وموعد بداية دراستي في مارش رأيكم؟؟
الموعد مناسب جداً لانهم في الغالب مايتأخروا عن اسبوعين الا والجوازات راجعه لكم مع الفيزا ان شاء الله .
لكن وش تقصدي بالابلكيشن ؟؟ اذا كنتي تقصدي DS-160 فهذا طبعاً لكل شخص ابليكيشن خاص فيه (انتبهي) حتى الطفل له ابليكيشن خاص فيه .
اما حجز الموعد على الموقع فتقدري تحجزي لنفسك وتضيفي المرافقين معاك في نفس الموعد . عادي جداً
بالتوفيق
رد: أخذت موعد في قنصلية جدة في شهر جينيوري وموعد بداية دراستي في مارش رأيكم؟؟
ماشاء الله ممتاز يمدي الفيزا تطلع ان شاء الله وتكملي بقية الاجراءات
متى حجزتي ؟ وبأي يوم لقيتي مواعيد متوفره بجانيوري ؟ بليز انقذيني انا ادور بجانيوري وموعد دراستي نفس موعدك
رد: أخذت موعد في قنصلية جدة في شهر جينيوري وموعد بداية دراستي في مارش رأيكم؟؟
Mr.M.130 تشكر اخي الفاضل على ردك ويعطيك العافية ولك دعوة ان شاء الله ويا رب ما تتاخر الفيزا يا رب
أجمْتُ ألْسَاً تسلم اخوي وبارك الله فيك وجزاك الله خيرااات كثيرة ولك دعوة بظهر الغيب
والله يسمع منكم وتتيسر اموري واموركم
رد: أخذت موعد في قنصلية جدة في شهر جينيوري وموعد بداية دراستي في مارش رأيكم؟؟
اقتباس:
المشاركة الأصلية كتبت بواسطة عازف الليل
الموعد مناسب جداً لانهم في الغالب مايتأخروا عن اسبوعين الا والجوازات راجعه لكم مع الفيزا ان شاء الله .
لكن وش تقصدي بالابلكيشن ؟؟ اذا كنتي تقصدي DS-160 فهذا طبعاً لكل شخص ابليكيشن خاص فيه (انتبهي) حتى الطفل له ابليكيشن خاص فيه .
اما حجز الموعد على الموقع فتقدري تحجزي لنفسك وتضيفي المرافقين معاك في نفس الموعد . عادي جداً
بالتوفيق
تسلم اخوي بارك الله فيك وأسأل الله لك التوفيق وتحقيق الأمنيات والمراد
انا عبيت نموذج 160 دس اس واحد لي وواحد لاخوي واخوي مرافق ولسة ماجاه قبول المعهد ولا الاي توني وحطيت في الخانات اللي تطلب شيء مو متوفر none او N0000000000
بعدين وانا بسجل في موقع السفارة طلب مني رقم الابلكيشن حق 160 حقي وحق اخوي وكتبته.....
طيب الحين في رسوم السيفس هذي لازم اسددها هل انا فقط ولا كمان اخوي اسدد له ؟؟
اخوي لسة ما جا القبول ولا راسلت المكتب علشان يجب له القبول
ان شاء الله بحدود يوم السبت استخرج شهادتيين بنكية واحدة موجه للسفارة وواحدة موجهة لنفس المعهد اللي جاني القبول فيه حتى اراسل تجسير واطلب منهم يجيبوا لاخوي الاي توني و قبول في نفس معهدي
وتشكروا كثير وباذن لكم دعوااااااااات كثيييرة
رد: أخذت موعد في قنصلية جدة في شهر جينيوري وموعد بداية دراستي في مارش رأيكم؟؟
اقتباس:
المشاركة الأصلية كتبت بواسطة الهاجس 2008
طيب الحين في رسوم السيفس هذي لازم اسددها هل انا فقط ولا كمان اخوي اسدد له ؟؟
اذا كان بيطلع فيزا طالب F1 لازم يسدد السيفس (مثلك تماماً)
اما اذا كانت فيزا مرافق F2 لايلزمه تسديد السيفس
اقتباس:
المشاركة الأصلية كتبت بواسطة الهاجس 2008
اخوي لسة ما جا القبول ولا راسلت المكتب علشان يجب له القبول
ان شاء الله بحدود يوم السبت استخرج شهادتيين بنكية واحدة موجه للسفارة وواحدة موجهة لنفس المعهد اللي جاني القبول فيه حتى اراسل تجسير واطلب منهم يجيبوا لاخوي الاي توني و قبول في نفس معهدي
الله يعينك لازم تستعجلين شويتين عشان يحضر المقابلة واموره في السليم
بالتوفيق
رد: أخذت موعد في قنصلية جدة في شهر جينيوري وموعد بداية دراستي في مارش رأيكم؟؟
موعد ممتاز
انا دراستي كانت في ابريل
وطلعت الفيزا في بداية ديسمبر ( سويت الموعد 29 نوفمبر )
لازم تحجز بدري عشان ماتدري متى تطلع الفيزا ،،
بالتوفيــــــــــق ،،