الأعضاء الإشتراك و التسجيل

الملتقيات
ADs

الحمدلله تم اصدار الفيزا الامريكية في يوم واحد من قنصليه جدة"المقابة كانت بدون I20"

الحمدلله تم اصدار الفيزا الامريكية في يوم واحد من قنصليه جدة"المقابة كانت بدون I20"


NOTICE

تنبيه: هذا الموضوع قديم. تم طرحه قبل 2554 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية الامورة
    الامورة

    مبتعث مميز Characteristical Member

    الامورة الولايات المتحدة الأمريكية

    الامورة , أنثى. مبتعث مميز Characteristical Member. من السعودية , مبتعث فى الولايات المتحدة الأمريكية , تخصصى MSIS , بجامعة جامعة الحياة
    • جامعة الحياة
    • MSIS
    • أنثى
    • كوكب الارض, درب التبانة
    • السعودية
    • Jan 2010
    المزيدl

    December 16th, 2010, 10:02 AM

    السلام عليكم على كل المبتعثين

    موضوع باين من عوانه قولو ماشاء الله والموضوع موجه لاي واحد رايح قنصلية جدة خاصة وعمل المقابله بدون I20 عامة.

    اولا : انصح اي احد مااستلم القبول انه يحجز موعد في السفاره او القنصليه وحتى لو ماجاء الايتوني المهم تكون خلصت من هم ويصير همك واحد استلام القبول.

    وكمان ابغىى اقول شي ترى موظفات الملتقى ماعندهم علم بشوون الفيزا كتير وحده جات سالت قالت هل اقدر اعمل مقابلتي في جده قالت ليها لا مااتقدري بس الرياض بعدين قالت ليها لا افضل راسلي السفاره ويقولوك لمن ورطت مع البنات ده صار قدام عيني وانا اتفرج.

    وفي ناس يحسبو لازم المبتعثين يحجزو في المواعيد المحدده بس لطلاب البرنامج للي بالرياض للان يحسبو كده ولا هو بس اساله مالها طعمه مدري عنهم

    الحكايه كلها اني عملت مقابلتي في القنصلية الامريكية بجدة مع معارضه كتير من الاصدقاء ومحاوله منهم اني اذهب الى الرياض لكن كانت كتيرر ظروف تمنعني اني اسافر الرياض اضافه الى انه هنا في جده مدينتي ومسقط راسي متوفر القنصليه فده كانت اسبابي الشخصيه لاختيار قنصليه جده الحمدلله وده الرابط كتبته في قسم السفارات عن يوم مقابلتي


    بصراحه كانت مقابله عاديه انا اصلا ماحسيت بتوتر ولا اي شي وبصراحه اي واحد يتوتر الهرجه ماتستاهل منك ده الشي.

    نرجع للمقابله عملت مقابلتي 4 ديسمبر يوم السبت وحصلت على قبولي من تجسير بعد مداهمة ليهم من طرفي وحتى بدون رسالهه استلمت القبول الاسبوع الي بعد امقابله مباشرة يوم السبت الموافق 11 ديسمبر ولمن استلمت القبول اخذت فتره افكر لانو المعهد سئ وبعد مشاورات قررت اني مااغير وارسلت I20 و وصل السفيس والجواز يوم الاحد مباشره الساعه 9 في الليل لمكتب الفيديكس.


    بمعلومية: الي عملت لي المقابلة طلبت مني خطاب او ضمان مالي من الوزارة يثبت انني طالبة مبتعثه قلت اووكي بس لمن جااء قبولي طنشت هرجت الضمان او الخطاب وماارسلت شي عليهم يثبت لاني شفت في الايتوني مكتوب بيانات وزارة التعليم العالي.

    نجي لحكايه الضمان المالي او الخطاب من الوزارة:بعد مارسلت اوراقي للقنصلية قلت دحين اشووف هرجت الضمان الي ترا مااستفدت منها شي بس مرمطوني عالفاضي رسالت الوزارة ماردو علي قلت عادي يوم الاتنين اول يوم في الملتقى روحت سالت مندوبات الوزارة الطامة الكبرى ماعندهم معلومات تمام بده الخصوص .

    اعطوني ايميل وحده اسمها نصره العفنان واتصلو عليها ي الملتقى جوال وقالولهها على اسمي وانها تفتح ايميلاتي ورجعت ارسلت الايميلات الي طلبوها الي هي (صورة ممن جواز سفري انا والمرافق_الورقه الصفرا الي مكتوب فيها النواقص ومن ضمن النواقص كان الضمان _الايتوني_ورسلت ابلكيشن عبيته ورجعت ارسلت ليهم)

    الي خلاني من الوزارة مصدومة بجد ومش بنطق ولا عارفه ارد للاسف الدومن تبع الوزارة MOHE.GOV.SA ماايستقبل الا عدد بايت محدود ومررررة حجم البايت صغير الي يستقبله روحت ضغط الملف وراسلته ليها قلت في الايميل كيق تفتحه رجعتلي ايميل تقلي عليه لا يفتح عرفت انها مااعرفت في النهايه طلبت مني ارسله الاوراق على فاكس ارسلتها مرتين بالفاكس رجعت قالتلي بايميل الاوراق غير واضحه انا هنا مرررة كنت زعلانه حرقت ساعات كتير من وقتي وانا ارسل الايميلات وترجعي بسبب الدومن حقهم فاكس مازبط قمت قلت خربانه خربانه وطنشت قلت بلا ضمان بلا هم وكمان بعد محاوله مني مع موظفات الملتقى انهم ياخذو اوراقي رفضوو رفضا قاطعا. ان قلت ان لله وان اليه راججعون طز طز طز.

    لمن رجعت البيت من اخر يوم في الملتقى الاربعا الي افتح جوالي الساعه 12 منتصف الليل احصل مسج جاني 11 الصباح وانا ماافتحته من فيديكس .

    هنا دخلت شيكت على الارساليه حقتي من موقع فيديكس حصلتها في المخزن الصباح من يوم الخميس ارسلت السواق فيديكس جبلي الارساليهه والحمدلله فيها الفيزا الامريكيه لمدة 5 سنوات .

    وده بيانات الارساليه من القنصليه الى فيديكس موضحه بالتواريخ



    ده وقت وصول الارساليه تبعتي فرع فيديكس يعني جوازي Dec 15, 2010 8:43 AM



    Delivery exception


    يعني تقريبا مو يومين ماشاء الله كمان يوم واحد فقط


    وده اليوم الي القنصليه الي استلمت فيه جوازي لمن ارسلته لهمDec 14, 2010 11:28 PM


    Left FedEx origin facility


    JEDDAH SA





    يعني ارسلت اوراقي لقنصلية جدة الاحد الليل وصلت ليهم الاتنين الصباح الاربعاء الصباخ فيديكس رسلي مسج بوصول فيزتي الامريكية
    يالله قولو ماشاء لله وبالتوفيق للجميع وانصح الي مااوصله القبول يعمل المقابله بدونه

    اي استفسار انا حاضرة بس عندي ملاحظة انا اول حجز لي كان على سفارة الرياض وبعدين غيرت جده وعاادي لاني قريت موضوع واحد يقوول ماتقدر تغيير المكان اذا حجزت على الرياض مثلا مااتقدر ترجعه جده فااستغربت من ده الكلام
  2. المشاركة الأصلية كتبت بواسطة special one
    بسم الله ماشاء الله
    يعني تنصحيني يا اختي بعمل المقابلة في جدة لأني من جدة
    اللي انجليزيته مش ولا بد وش يسوي
    ( هل في مترجم زي سفارة الرياض هع
    تحيتي لكـ ِ
    اصلا الي تعمل المقابله الامريكيه تتكلم عربي شاامي انا قلت لاخويا اصحك تكلمها انجلش واخويا قلي
    قتلها نو انجلش قامت صارت تتكلم عربي وكل الموظفين الي يعملو المقابلات يحكو عربي
    بس شووفي انتي اختاري المحل الي يريحك واعملي فيزتك ده كانت تجربتي مع القنصليه الحمدلله
    والله يبارك فيكي عقبال تستلمي فيزتك
    7 "
  3. ماشالله تبارك الله .. مبرووك ..
    أنا صراحة تجسير للان ما جابولي قبول خلاص من اليوم باعبي الابلكيشن بس بسألك لو مثلا اخترت جده و بعد ما فتحتلي صفحة المواعيد مالقيت في اماكن شاغرة الا مرا متأخر مثلا .. كيف اقدر اغير الرياض؟؟؟ و هوا اصلا اول مانعبي و كل شي يجينا اختيار الموقع قبل اي حاجه؟؟؟؟؟

    و شي تاني .. معليش بس صراحة مني فاهمه مو ضوع فيديكس كم نعطيهم عشان نبعت أوراقنا الناقصة و كم لما اروح استلمها؟
    و عادي من اي فرع فيديكس ولاكيف؟؟
    7 "
  4. أول شيء مبرووووووووووك على الفيزا

    بس عندي سؤالين ؟؟

    الأول : نفس سؤال الأخ اللي قبلي في خانات في DS-160 مثل رقم I-20 وتاريخ السفر وعنوان المكان المسافر إليه !!

    و الثاني : مثى تاريخ سفرك وفين ؟؟ لقافة
    7 "
  5. المشاركة الأصلية كتبت بواسطة M A S H A E L
    ماشالله تبارك الله .. مبرووك ..
    أنا صراحة تجسير للان ما جابولي قبول خلاص من اليوم باعبي الابلكيشن بس بسألك لو مثلا اخترت جده و بعد ما فتحتلي صفحة المواعيد مالقيت في اماكن شاغرة الا مرا متأخر مثلا .. كيف اقدر اغير الرياض؟؟؟ و هوا اصلا اول مانعبي و كل شي يجينا اختيار الموقع قبل اي حاجه؟؟؟؟؟

    هو يجي اختيار الموقع صح بعد ماتختاري الموقع تحجزي واذا حجزتي ماعندك امكانيه تشوفي المواعيد الا في السفاره او القنصلية الي اخترتيها .
    مثلا اختري جده ماعندك فرصه تشوفي مواعيد الرياض.
    اما بالنسبه لي انا عبيت واخترت جده وبعدين لمن دخلت على جده مااحصلت مواعيد والله العظيم مااتزركر بالضبط اش سويت بس في البدايه مازبط معايا التغيير لمن شمرت وجلست على موقعهم عرفت من فين اقدر اغير بس للاسف اذا مو قدامي الشي مااتزكر الان الخطوات لانو ده كله سويت في 11 او 10 نوفمبر تقريبا او قبل كمان .
    بس اذا انتي من الناس الي خايفه مايزبط وفيكي وسوسه اختاري من بدري المكان الي تبغى تعملي فيه ولا تغيري عشان لا تدوشي راسك مع موقعهم الغريب.


    و شي تاني .. معليش بس صراحة مني فاهمه مو ضوع فيديكس كم نعطيهم عشان نبعت أوراقنا الناقصة و كم لما اروح استلمها؟

    بالنسبه لفيديكس خيارين هم يعملو القنصليه :
    1-ممكن تاخذ جوازك وتقلك ارسلي النواقص ياما فيديكس او سكنر على الايميل ده راح تدفعي مررة حده بس وعندهم المبلغ=65 ريال لاغير.واذا كنتي من خارج المدينه تدفعي اكتر

    2- اذا مااخدت جواز سفرك راح تقلك ابعتيه مع النواقص في ده الحاله لمن تروحي فيديكس
    *راح تدفعي 65 ريال= ارساليه من فرع فيديكس الى القنصليه او السفاره
    *وراح تدفعي الريترين كمان 65 ريال= عشان جوازك يرجع من القنصليه الى فرع فيديكس
    *المبلغ الاجمالي 130ريال للروحه وجيت الجواز اذا دفعتي حق الروحه للجواز فقط بدون حق الريترين راح تضطري عشان تستلميه تدفعي بعدين لفيديكس تاني فمن البدايه انا دفعت المبلغ كامل .



    و عادي من اي فرع فيديكس ولاكيف؟؟.

    من اي فرع فيديكس او اقرب فرع لبيتك
    هو راح يخيرك تستلمي الارساليه في نفس الفرع لمن توصل او يوصلها لعنوانك انتي تختاري الي ريحك وكمان انا كنت انتظر اتصال من عندهم بس هم ارسلولي مسج مع رقمهم اذا ابغى استفسر
    الله يبارك فيكي وعقبال فيزتك وبالتوفيق يارب وسبحانك اللهم وبحمدك اشهد ان لا اله الا انت استغفرك واتوب اليك
    7 "
  6. المشاركة الأصلية كتبت بواسطة eng.a7med-2020-
    اموورة الله يخليك يااارب
    الابليكيشن DS-160 فيه شوية حقول تحتاج معلومات عن المعهد والسكن زي كدا
    وانا الى الان ما وصلني القبول اي اسوي فيها
    والف شكر لك

    الحقوول الي مااتعرف معلومات عنها تحط NONE
    زي عنوان المعه- المعهد - السكن حاجات كتيره راح تضطر تحط فيها NONE بس واصلا لمن يجي الايتوني I20 l موجوده فيه راح يكون كل المعلومات الي انت كتبت فيها NONE>

    اضافه لشي تاني في خيار المدينه الي راح تدرس فيها ده انا ماتعبت نفسي عشان كان بدي واشنطن ستيت حطيت واشنطن مع انو جاني في مكانن تاني واخويا حطيت ليه ديستكريت كولومبيا الي فيها عاصمه الولايات المتحده الامريكيه .

    الزبده الشي الي عندك معلومات صحيحه عنو حطها مااعندك حط NONE اذا اجبروك على اختيار شي اختار عادي ماهي مشكله .
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.