مهم جداً لمبتعثي المجر خصيصاً
بسم الله الرحمن الرحيم
__________
السلام عليكم ورحمة الله وبركاته..وصباح الخير جميع
أخوكم مقبول بالمرحلة السادسة لدراسة الطب بالمجر
طبعاً أنا متابع الرسايل اللي تجيني أول بأول وكذلك موقع البعثة
وآخر رسالة وصلتني منهم هي موعد الملتقى..لكني لاحظت أن أغلب الناس جتهم رسايل بعد
رسالة موعد الملتقى وتفيدهم بانهم لازم يجهزون أوراقهم ويرسلونها أو رسالة فيها قبول المعهد
لكن أنا ما وصلني أي شيء من هالكلام فبصراحة بديت أشك خصوصا لمن خويي اللي بنفس الدولة ونفس التخصص
وصلته رسالة تقله أنه بالتشيك ولمن تواصل مع اللي راسله قله حصل غلط وأنت بهنقاريا (المجر) لكنه طلبه يرسله شهادة الميلاد مترجمه
هنا بصراحة أنا خفت قلت لا يكون "نسوني" :doofywave:
فياليت الشباب اللي عندهم خبره يفيدوني
وياليت بعد اللي معاي بنفس الدولة يقلي إذا جته أي رسالة بعد رسالة الملتقى
وعلى فكرة أنا ملتقاي بكره السبت بالخبر
فأتمنى ردكم بأسرع وقت
___________________
رد: مهم جداً لمبتعثي المجر خصيصاً
ابشر بسعدك كلنا من دونك نشد الحزام ناقف مثل عثمان ولا مثل ابن طالب علي>>>>>>>>>
انا معك بالمجر انا اخر رسالة جاتني هي رسالة الملتقى والطلاب اللي معنا وتحولو الى تشيك هم اللي ماقبلتهم جامعات المجر ولذالك لازم الوزارة تراسلهم اول باول >>>>>
مثل ماقلت ان اخر رساله هي رسالة الملتقى وحن الآن ننتظر رسالة عن استلام القبول من الرياض من الوزارة
وترا على فكرة في ايام الملتقى يوزعون اوراق (خطابات رسمية )من الوزارة الى السفارة والمستشفى والادلة الجنائية ...لا تنسى تسيبها ولازم تسجل اسمك وترا بيختمون على ورقتين بس الورقة اللي خاصة بالسفارة ما يختموها لان لازم القبول ....