رأيك في ملتقيات المرحلة السادسة

انا احس اني جدا استفدت ومااحس فية سلبيات الا ضيق الوقت لكن اي شي غير ذلك مفيد ومنظم..
وجزاك اللة خير على الموضوع ..

لن اضيف الكثير
لكن اأكد على سلبية ضيق الوقت
و انو ما فيه وقت كافي للاجابه على اسئلة الحضور

الايجابيات كثيرة لكن مارح اتكلم عنها ..
السلبيات كانت كالتالي :
1- اوقات خروج المجموعه و دخول المجموعة التالية كان فيها لخبطه وحوووسه وزحمممممة جدا كبيرة .. لأن الوقت بينهم ربع ساعة فقط .. ياليت الملتقيات القادمة يحصل تنسيق في الموضوع هذا اكثر .

2- الموظفات المختصات بالاجابه عن اسئلة المبتعثات ماكانو على دراية كامله ببعض الامور .. كل وحده تعطي جواب مختلف عن الثانية او تقول ماادري انتي شوفي وضعك .. او تتهرب من الجواب بأنها تلتفت لبنت ثانية ..

وايضا حضورهن متأخر .. من الساعة 9 ونص ((فترة البريك )) هل ربع ساعة كافية لعدد كبير من الطالبات ؟؟؟؟؟
كنا نتمنى حضورهن مبكرا قبل بدأ المحاضرة .. مثلا من الساعة 7 ونص . لأن معظم المبتعثات يحضرن في وقت مبكر

3- وضوح الصورة عند قاعة البنات يفضل انها كانت افضل من كذا ..

4- مع تقديري واحترامي الكبير لجميع القائمين على الملتقى واتوجه لهم بشكر كبير على المعلومات المفيده التي قدموها لنا .. لكن صادفنا محاضر او اثنين اسلوبهم في الكلام غير مفهوم من ناحية الصوت ووضوحه .. فاجو مراعاة ذلك في المرات القادمة ..

5- فترة الاجابه على الاسئلة جدا قصيرة بالنسبة للكم الهائل من الاستفهامات التي تصادفنا كمبتعثات...

6- لاحظت في اليوم الاول ان الموظفات يجتمعون في الصف الاخير من القاعة ويبدأ الكلام بينهن ((ليس الجميع)) وهذا الشيء شتتني في المحاضرة .. ماعرفت اركز زين ... وتجنبت الايام اللي بعدها الجلوس في الخلف ..ارجو انهم يحطون الشيء هذا في عين الاعتبار ..

شكرا على التفاعل في التصويت والردود

وانشاء الله انهم يتفادو الملاحظات في المرات القادمه

امممم انا شخصيا استفدت واستمتعت فيه كثييييير..وتمنيت لو انه اسبوع مو ثلاثه ايام مع انه يمكن هذا السر بحلاوته انه ما كاان طوييل وغثييث..
وما شا الله التنظيم جدا رائع وحتى مدة المحااضرات ماكانت طويله وممله ولا قصيره وبدون فاايده يعني كان توقيتها جدااااا منااسب
وبالنسبه للمحااضرين كانوا الكل وبلا استثناء رائعين واستفدنا منهم حتى اللي مالهم بالبعثه ... يعني صرراحه كان ملتقى ثقاافي شاامل لجميع الجوااانب..تكلم عن كل جوانب حيااتك كمبتعث في بلاد الغربه من الامور القانونيه الى امور دراستك الى امورك الشخصيه وطريقه تعاملك معها ببلاد الغربه ..صراااحة ارفع لهم القبعه ع مجهووودهم

شكرا يا بلدي ^_^!>>>مسويه وطنيييه

بس جد يستاهل ابو متعب الله يقومه بالسلامه

من جد كان تنظيمهم مره ممتاز بس كان في بعض الملاحظات من الاعضاء وكلها سهله ويمكن تجنبها
ولا بشكل عام الملتقى ممتاز

والله يقومك يابومتعب بالسلامه

لو سمحتوا انا ماحضرت الملتقى بدي اعرف اخذته اوراق مهمة زي القبول والضمان او لا وكمان بدي اعرف انا ايش وضعي دحين لاني مارحت الملتقى

على القبولات وزعو قبولات بس مو كثير والضمان اتوقع مافي لانك على حساب البعثه ماتحتاج ضمان او يعطوكي ورقه وقت اصدار القرار تفيد انك من طلاب البعثة