أخوكم احمد محتاج مساعدتكم يا اهل الخبر

السلام عليكم ورحمة الله تعالى وبركاته

يا جماعة أنا اكتب لكم بالايفون فا لا تاخذوني لو شفتو أخطاء في الكتابة



حبايبي اهل الخبر أنا ابغا واحد او واحدة يوصل صوتي للدكتور ماجد او الموسى

موضوعي هوا عن مكتب تجسيير و انتهاكه لحقوقنا
طبعا اول فضيحة و وصلت للموسى إلي هيا المئة دولار إلي طلبها المكتب من طالبة عشان تغيير المعهد والحمدالله وصله صوتنا

اكن أنا محتاجكم الان لأن المكتب زودها !!!!!!
بالفعل مكتب وقح يضرب بقرارات الوزارة بعرض الحائط
حا تقولولي كيف يا احمد ؟

شوفو يا حبايب أنا أرسلت لمكتب تجسير رسالة اطلب فيها قبولي - أخوكم لسارما استلم قبوله -
لكن أخذت العمل على المثل القايل ( الفاضي يعمل قاضي ) :D
ارسلت حول 30 رسالة للقبول وحددت لهم الولاية و المعهد وكدا
الكلام دا متى ؟
يوم 9 ديسمبر
حلو الكلام .. حلو
طيب جاني رد منهم وياريتهم ما ردو :D

الرد جا بتاريخ 14 ديسمبر

وكان هادا ردهم

اقتباس:

---

السلام عليكم ورحمة الله وبركاته
*
عزيزي الطالب
*
الرجاء من حضرتك الانتظار لحين استلامك للقبول الخاص بك وكما نود التنويه انه لا يمكن اجراء اي تعديل على القبولات الخاصة بطلاب البكالوريوس
*
مع الشكر
مكتب تجسير

---

حلوة دي لا يمكن اجراء اي تعديل بكيف امكم أنتو !!!!
الوزارة تقول انو يحق لي التغيير للمعهد و الولاية و المدينة إلي أنا ابغاها

أخوكم في الله ساكت منتظر القبول المخيس حقهم
ولا أنا ابغا استلم القبول في يدي واشرشح فيهم ما اخلي واحد فيهم ان شاء الله :)

ابغا واحد ولا واحدة يكلمو الموسى في الميكروفون عشان فضيحة المكتب دا تكون قودام الله وخلقه

لو واحد او واحدة يقدرو
يرسلولي الايميل حقهم عشان ارسلهم الايميل حق تجسيير
عشان لو الموسى قال اطبع الايميل عندو دليل على كدا .....

المكتب دا يا جماعة لازم نتكاتف عليه عشان نوريهم كيف يستغلو حاجتنا كمبتعثين ويجيبو قبولات تجارية عشان ياخدو نسبة من ورأ ظهورنا ....
وغير كدا ممهد الطريق لمبتعثين المرحلة السابعة :)
لانو أكيد حا تطلع لهم مشاكل غير عاد هم يتصرفو :)
واذا مو عشان المبتعثين خليها لمساعدة غيرك :)

*

الله يصبرك ...وان شا الله يوصلك القبول ويعجبك ومايحتاج تغيره :)

واذا ماعجبك

انت انتظر القبول يوصل بعدين راسلهم وراح يغيرونلك زيك زي غيرك وان شا الله خير