يالله يا بنات ندرس انجلش,, و نشجع بعضنا هنا
السلام عليكم و رحمة الله و بركاته
الف مبروك للجميع الترشيح و اللي جاتهم قبولاتهم الله ييسرلكم اموركم و يوفقكم
و اللي ما جاتهم الله يطمن قلوبكم و ييسر لكم الباقي..
ايش رايكم يا بنات ندرس انجلش كل وحده و اسلوبها اللي تحبه و بالشي
اللي ترغبه و نجي نكتب يومياتنا بالمذاكره هنا ,, يعني ايش سويتي و ايش
استفدتي ,, و فين وصلتي و اي شي استفدتي منه سجليه لنا باختصار
و لو موقع حطيه تاخذي اجر البقيه..
حتى نشجع بعضنا و الوحده دايما لحالها بتمل و بتطفش
لكن اذا حست معاها احد بتشجع اكثر ..
بابدأ انا ,, انا باديه احفظ مفردات vocabulary امسك ورقه و اقسمها
ل15 قسم و اكتب بكل قسم كلمه انجليزي و ترجمتها و اجلس اكررها لما
احفظ السبيلنق تبعها و احتفظ بهذي الاوراق ما ارميها.. و راح اخذ دفتر
و اعمله قاموس خاص بي راح اخلي لكل حرف 4 صفحات و اسجل
الكلمات فيه .. و ان شاء الله حابدأ بدراسة الضمير صحيح احنا عارفينها
بس عشان تصير عملية التعليم تسلسليه و ترسخ اكثر..
صحيح نسيت اقول بعد ما اكرر الكلمات احاول اكون جمله جملتين بحصيلتي
اللغويه و ادخل عالقوقل اشوف اذا تكويني صح او لا..
و يالله كل وحده تحب تشارك تكتب كيف اسلوبها و كل يوم ندخل نشجع بعضنا
رد: يالله يا بنات ندرس انجلش,, و نشجع بعضنا هنا
اناا عندي هذي الموقعين مرره عجبتني
دايماا اقعد عليهاا ... واي كلمة صعبه اترجمهاا واكتبهاا في دفتر
وبرضو الدروس والقواعد الي احسها مهمة اكتبهاا فيلوو عشان مانسااها ^_^
هذا الموقع فيلو محادثات وقصص مرره خطيييير
وذا الموقع كلو فيديوهات دروس وبعد ماتشوفي الفيديو يحطولك كويز عشان تختبري نفسك :thumbup:
وبس هذا الي اسويه
يعطيك العاافية حبيبتي وان شاء الله الكل يعلمنا بطريقتوو في الانجليزي كييف :D
..................
رد: يالله يا بنات ندرس انجلش,, و نشجع بعضنا هنا
حلوو
الله يعطيك العافيه
من جد مررررره ضروري نبدا نتعلم من هنا عشان ما نحوس في البدايه
وانا عن نفسي اتعلم عن طريق هذي الدورة مرررررررررره فادتني كثيرررررررر وان شاء الله تفيدكم والله يجزي كل خير اللي نقلتها لنا
http://www.mbt3th.us/vb/forum134/thread223481.html
رد: يالله يا بنات ندرس انجلش,, و نشجع بعضنا هنا
ماشاء الله تبارك الله
تسلمو لي والله يا فطوم و ميمو و الف شكررررر
عالمواقع اللي حطيتوها اكيد باشوفها و ارد لكم
بس مش اللحين ,, غدا ان شاء الله بالصباح
الباكر خخخخ و العالم ناايمه و البيت هدوووء و مافي احد يزعجك..
انا اليوم سمعت محاضر ( كيف تعلمناها) رهيبه مره و ان شاء الله
اكملها كلها لانه اشوفها مفيده كثير و بتنبه عن الاخطاء الشائعه
و هذا هو رابطها
[ame=http://www.youtube.com/watch?v=uSWAbbO1cQE]YouTube - learning English language 1st session PART 1 كيف تعلمناها[/ame]
و هذا اسم الفيديو باليوتيوب
learning English language 1st session PART 1 كيف تعلمناها
و كل ما خلصت مقطع انسخ العنوان لمحرك البحث و اغير رقم البارت
رائعه جدا ..
رد: يالله يا بنات ندرس انجلش,, و نشجع بعضنا هنا