كلمت الملحقيه في امريكا وهذا ردهم ؟؟؟؟؟

December 23rd, 2010, 03:48 AM

السلام عليكم اخواتي واخواني المبتعثين او على قولتهم المرشحين للابتعاث
انا بعد عناء وكثير من الانتظار والرسايل والايميلات والفواتير اللي اسددها وانا مايرد علي غير الانسر ماشين عطوني وجه اليوم بعد المغرب ورد علي واحد من الملحقيه وليته مارد قلت له انا من طلاب برنامج الملك عبدالله وماوصلني القبول قالي بعد شهر يوصلك انا طبعا تنحت قلت له عفوا انا موعدي في السفارة الاميركيه 10 يناير قالي اجليه قلت له شلون والدكتور ماجد يقول احجزوا موعد قالي ماينفع من غير اي تونتي لانه فيه كل المعلومات وين بتسكنين وكل شي قلت له طيب في معاهد توصلني منها ايميلات قالي راسليهم واللي يرسلك اي تونتي هاتيه وتعالي واذا بغيتي نغيره من هالمعاهد ادموند على مااعتقد وشكله سيء لانه قالي خلصي فيه فيزتك واحنا نغيرك المعهد لاجيتي قلت له طيب ينفع اجيب قبول لي من بره قالي بكيفك يعني الرجل زهقااااااااااااااااااااااااااااان وبس يرد اي اي عشان يقفل ويرتاح يعني باختصار مافي رد يريح ولاشي يقنعك كله استهتاااار بالطالب وعدم اهتمام لو اولادهم ولااولاد واحد من اصحاابه كان شفت الرد المريح هذا ان ماجابه بنفسه القبول بعد ويرد عليك كانك تشحته مو عارفين ان فيه مننا اللي خلص ثانوي وجالس عاطل وفيي مننا اللي ترك وظيفته مثلي انا كنت مدرسه بمدرسه اهليه وتركتها عشان هالبعثه اللي بس تعبت اعصابي يعني باختصااار ماتطلع الا وانت مذلول واعصابك تلفانه وكاره نفسك اذا واحنا هنا وعند اهالينا يلعبوا فينا ومايردوا علينا اجل واحنا بالغربه وهم المسئولين لو صار لنا شي لاسمح الله من بيرد علينا من بيوقف معنا شوف متى يردون وشوفف متى يعطونك وجه انا اكتب ومحروق دمي من الاسلوب نسي انه الوطن حطه بهذا المكان لخدمتنا والحرص على راحتنا كيف يحللوا رواتبهم وين الامانه مااعتقد انهم يحاسبوا انفسهم لكن الشكوى لله حبيت اطلع شوي من القهر اللي بقلبي لكن حسبي الله ونعم الوكيل


ملاحظه في معهد اسمه shawneeارسلي مرفقات وكمان اي تونتي لطالب اسمه علي حبيب تاريخ ميلاده 25 /1/1992 قلت للموظف وصلني من نفس المعهد ايش اسوي فيه قالي وديه الوزارة طيب هو صورة اعتقد عالايميل شلون اوديه وانا بتبوك كيف مدري شلون يتكلم شكله من غير تفكير؟

• نشر عبر تويتر
• نشر عبر فيسبوك
• نشر عبر جوجل